發表文章發起投票回覆
【歷史台】開坑講下古美索不達米亞:西臺帝國興衰史
我個blog:http://zannanzahattusili.blogspot.com
facebook page:https://www.facebook.com/zannanza/

引言



響好耐好耐之前,有一片肥沃而遙遠既土地叫美索不達米亞,響呢度流敞住幼發拉底河同底格里斯河兩條偉大既河流,曾經有好多偉大既國王同偉大既帝國響呢片土地上崛起同衰亡。有關於佢地既故事代代相傳,傳作一時佳話。響古代既近東世界,只有最強大帝國的國王能夠享受「偉大的王」的稱號,呢d偉大的王享有國際上既聲譽和尊敬,而且佢地都係國際政治上的重要參與者。而被稱為偉大的王的帝國,就只有著名的埃及、亞述、和巴比倫。

然而響美索不達米亞既西北面,響一個現代被稱為土耳其既地方,存在住另一個偉大的帝國,然而呢個偉大的帝國既存在就得好少人知道。佢地既歷史同故事被迷霧所掩蓋,佢地既輝煌事跡完全被歷史所遺忘。呢個帝國既名字叫:西臺帝國。

同閃米特人種既亞述同巴比倫唔同,西臺帝國係屬於印歐人種,就好似邁錫尼希臘一樣,而佢地講既語言同今日既英文有親戚關係,同屬印歐語系既語言。響西臺帝國極盛既時代,佢地既領土由西邊的愛琴海岸延伸到東邊既幼發拉底河,由北邊的黑海延伸到南邊既敘利亞,覆蓋今日土耳其的大部分同黎凡特北部。時間係公元前13世紀,呢個係一個屬於英雄既時代,同荷馬史詩同期。



西臺既中心地帶係位於安納托利亞中部既高原,響呢度,紅河(Kızılırmak)彎曲流入北邊既黑海。呢個既地形乾旱貧瘠,而且土地呈現出啡紅色調,咁係因為呢度既泥土富含氧化鐵既原故。亦都因為呢個原因,西臺人係最早研究出從赤鐵礦中提煉出金屬鐵既民族,亦都係世界最早進入鐵器時代既民族。第一眼望見,呢度已經同埃及、美索不達米亞肥沃既河谷地形好唔好。由於缺乏大河既滋潤,好少人會預計到呢個地方能夠誕生出一個偉大既文明。

然而即使係咁,從公元前17世紀到公元前13世紀,西臺人仍然頑強咁響呢度生存繁衍,佢地用智慧同堅強既意志成功克服左嚴酷既自然環境,並成功創造出一個被認為係不可能既文明。惡劣既環境中誕生出堅毅不屈既人民,正因為如此,西臺人以其紀律同勇敢善戰聞名於世。事實上,佢地曾經有過一個輝煌既戰績:佢地既軍事行動曾經將呢支強大既軍隊帶到巴比倫既城門外,而佢地亦都曾經同偉大既古埃及帝國並駕齊驅。

我現在要講既就係呢個偉大帝國既故事,一個屬於鐵血帝國西臺人既故事。
Good14Bad2
2018/08/24, 3:12:13 下午
引用快速引用
本貼文共有 98 個回覆
睇咗一半
#null2018/08/31, 10:00:25 上午
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

biblical archaeology我唔係好熟,冇研究過,所以比唔到咩資料你
sorry
#null2018/08/31, 1:47:25 下午
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出
#null2018/08/31, 1:51:42 下午
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出

冇睇開, 咁見OP講開埃及叙利亞咪問吓
#null2018/08/31, 6:19:53 晚上
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

biblical archaeology我唔係好熟,冇研究過,所以比唔到咩資料你
sorry

唔緊要
#null2018/08/31, 6:20:03 晚上
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出

冇睇開, 咁見OP講開埃及叙利亞咪問吓

我係話居然現今會有人問考古實證舊約聖經資料問題
#null2018/08/31, 9:41:50 晚上
引用快速引用

霍朗赫布(Horemheb):埃及第十八王朝既末代君主石像

穆瓦塔尼二世(Muwattalli II),從埃及而來的挑戰

公元前1295年,在位長達26年的穆爾西里二世駕崩,而西臺王位第二次響和平不流血的情況下完成交接,穆爾西里二世留比繼任的穆瓦塔尼二世(Muwattalli II)一個龐大而相對穩定既帝國。穆爾西里二世響西邊阿札瓦地區建立既附庸國網絡令當地局勢趨向穩定,北邊卡斯卡地區長年的征戰亦都將當地好戰而帶敵意既部落暫時屈服既西臺既勢力之下,卡斯卡的西臺附庸國亦都牢牢響哈圖沙政府控制之下,而東南部敘利亞地區雖然亞述既強盛日益威脅西臺響區內既利益,但阿勒頗同卡爾凱美什仍然穩定響西臺控制之下。但呢個情況唔會維持好耐,因為響更南面既埃及正蠢蠢欲動。響埃及第十八王朝結束之後,埃及除左響巴勒斯坦地區仍然有影響力外,對敘利亞的整體影響力已經大減。然而西臺和埃及之間的緊張關係持續。四年後,圖坦卡門的繼任者阿伊(Ay)駕崩,並由霍朗赫布(Horemheb)繼位。霍朗赫布在位期間,埃及重新開始介入敘利亞事務,並在穆爾西里二世在位第九年派兵支持努哈殊什地區的反西臺叛亂。雖然埃及干涉努哈殊什地區的嘗試被西臺擊敗,但埃及並無因此而放棄響敘利亞地區擴大政治同軍事影響力,而埃及正靜待時機向北擴張,一切只係時間問題。同大眾常見的印象唔同,霍朗赫布本人似乎響外交上並無太大作為,他的施政著重於重建同重新統一埃及王國內部,並根除自阿肯那頓年間開始泛濫的行政腐敗同濫用官僚權力的問題。透過一系列的改革,霍朗赫布為第十九王朝的來臨打下左穩固既根基,響第十九王朝埃及將會成為西臺響敘利亞勢力的最大戰略競爭對手。

北方卡斯卡地區的再殖民計劃

或許從穆瓦塔尼二世登位之初,佢就已經知道西臺同埃及為敘利亞控制權終將有一場大戰,核心係響前埃及控制的敘利亞王國。要成功防衛敘利亞地區,就需要將大量西臺的軍事資源集中響敘利亞,因為哈圖沙唔能夠期望西臺響該區的總督有足夠的軍力應對從埃及而來的挑戰。但穆瓦塔尼二世亦都好清楚,將過多兵力集中響敘利亞會令到其他地區守備空虛,令西臺本人容易受威脅,尤其係來自北方卡斯卡地區既威脅。雖然佢父親穆爾西里二世響北方既戰事,尤其係佢在位晚期既戰事為當地壓力帶來短暫既舒緩,但長遠黎講,同蘇庇路里烏瑪一世或者任何一位前任西臺國王既北方戰爭一樣,呢d戰事並無帶來決定性既戰果或者區內局勢長期的穩定。西臺人由此學到,卡斯卡地區或許永遠無法穩定咁成為西臺的附庸,最關鍵既政策係強化最容易受外敵侵襲既邊境地區以應對從卡斯卡部落而來既威脅。由於西臺首都的位置接近北方卡斯卡地區,哈圖沙將無可避免長期受到外敵威脅。響蘇庇路里烏瑪一世登位之前的大規模入侵中,西臺損失左幾乎整個哈圖沙北面同東北面既紅河盆地,從西邊的紅河到東南邊的幼發拉底河都淪落敵手。外敵入侵導致西臺人口的大規模散落以及響仍在西臺國王控制的地區再定居。然而,蘇庇路里烏瑪一世響卡斯卡的軍事行動成功減少敵人響區內既出現同逼使佢地撤出部分佔據的定居點。隨住敵方後撤,蘇庇路里烏瑪一世開始採納再殖民計劃:將當地原居民重新安置於聚居點中,以及強化聚居點既防禦,以抵禦敵方將來有可能既攻擊。

同佢既父親一樣,穆爾西里二世亦都響發動成功既軍事行動後採用再殖民計劃填補邊境地區既空虛,將居民安置響由於卡斯卡部落入侵而荒廢的城市裡面。但佢既北方戰爭同零星的再殖民計劃並無提供卡斯卡威脅既長遠解決方案,而穆瓦塔尼二世將要再次面對卡斯卡部落從哈圖沙北面同東北面入侵的問題。響佢可以將全副精神投入到響敘利亞同埃及爭霸之前,佢必須更有效地安排好西臺本土的安全問題,尤其係對於首都哈圖沙既保護。穆瓦塔尼二世既終極解決方案將會係西臺史上前無古人的再殖民計劃,響繼續討論穆瓦塔尼二世響北方既防禦計劃之前,我地要先將注意力暫時移到安納托利亞西部。

Piyamaradu的登場:西臺與邁錫尼希臘的再次交手


Manapa-Tarhunda書信泥板原物(CTH191,KUB 19.5)

經過長達20年的相對和平穩定,安納托利亞的西部再次出現哈圖沙當局唔願意見到既情況:一個名叫Piyamaradu既地區領袖,佢最終將成為西臺西部其中一個最棘手的敵人。關於Piyamaradu的出身我地所知既唔多,佢有可能係西臺貴族之後或阿札瓦地區一個反叛既附屬國王子。呢個人由於與邁錫尼希臘合謀,響安納托利亞的西部建立自己既勢力範圍而失去西臺國王的信任。為鞏固同希臘既關係,佢甚至將自己既女兒嫁比米利都(Milawanda)的國王以鞏固同盟。米利都曾經係西臺既屬國,到左穆爾西里二世既第三年,西臺恢復對米利都既控制。但到後來穆瓦塔尼二世年間,米利都又再次歸於邁錫尼希臘。歷史學家相信有可能穆瓦塔尼二世放棄對米利都的控制,以綏靖的方式換取邁錫尼希臘唔再響安納托利亞西部搞事。呢點對於日漸將注意力集中響敘利亞既哈圖沙當局尤其重要。西臺將米利都割比希臘呢件事,我地可以從一份介定各國邊界既協議度見到。呢份協議泥板的殘存部分提及達塔薩(Tarhuntassa)、米拉(Mira)同阿希瓦華(Ahhiyawa,即大部分史學家相信係邁錫尼希臘),並介定各國的邊界。由此我地可以推斷或者西臺國王同希臘國王達成左某種共識,甚至簽下正式條約,至少暫時黎講,西臺同邁錫尼希臘既關係都算和平。對於Piyamaradu既政治生涯我地所知甚少,因為大部分提及佢既泥板文件都比較破碎,並且可能有不同既解讀。但證據指向佢試圖響西臺西部附庸國地區建立自己的勢力範圍,並曾短暫控制西北部的特洛伊(Wilusa)。但佢既行動到底有冇得到特洛伊人民認可就係另一個問題,因為穆瓦塔尼二世稍後指特洛伊係西臺忠實既盟友。至少當時黎講,佢唯一遇到既阻礙就係塞哈河流域地區既附庸國國王Manapa-Tarhunda。

Manapa-Tarhunda曾經響穆爾西里二世的時代反叛西臺並與邁錫尼希臘結盟,但當西臺以武力逼佢就範後,穆爾西里二世接受左佢既投降並且允許佢繼續做國王,自此以後他一直對西臺忠誠。為表對西臺忠誠,又或許係因為擔心Piyamaradu會對自己的王國構成威脅,Manapa-Tarhunda曾經嘗試過將Piyamaradu驅逐出去,但結果卻係戰敗,連帶附屬的領土列斯伏斯島都遭到Piyamaradu攻擊。穆瓦塔尼二世或許會為收到呢則消息表示苦惱,由於北方的局勢仍然嚴峻,而南方則要面對埃及的威脅,佢唔能夠抽出太多資源應付Piyamaradu。但佢亦都擔心如果放任不管,西部既局勢有可能演變成一場大規模既叛亂。為處理西邊的問題,穆瓦塔尼二世決定派出一名將領Gassu西向,並與庫帕塔.卡隆塔聯軍進攻塞哈河流域地區以至特洛伊。但關鍵時候庫帕塔.卡隆塔病倒,佢只能夠向西臺表示無能力參與聯合軍事行動。關於軍事行動的歷史記錄已經佚失,但我地知道西臺暫時恢復左對特洛伊既控制,可見軍事行動短期內係成功。但不幸既係Piyamaradu成功逃脫往邁錫尼希臘的領土,並得到希臘國王既庇護同支持。Piyamaradu會利用希臘既領土作基地,持續攻擊西臺響安納托利亞西部的勢力範圍,令到哈圖沙方面非常煩惱。響西臺既遠征結束後不久,穆瓦塔尼二世同特洛伊國王亞歷山大(Alaksandu)簽下條約,要求後者作為充當區內既前觀察者角色並於西臺進行軍事行動時給予援助。呢條條約反映西臺國王希望響西部既附庸國自己搞定,從而減少西臺直接出兵干預既需要,呢個亦都係特洛伊響區內既作用。除此之外,穆瓦塔尼二世亦都期望當出兵敘利亞時,特洛伊能夠出兵協助。Manapa-Tarhunda響穆瓦塔尼二世—亞歷山大條約時仍然係塞哈河流域地區既國王,但佢正漸漸變成西臺既負擔。呢點導致穆瓦塔尼二世決定罷黜Manapa-Tarhunda並改為支持其兒子馬斯圖里(Masturi)做塞哈河流域地區國王,並希望後者能夠成為比日漸年老衰弱既Manapa-Tarhunda更穩固且有效的西臺附庸。當穆瓦塔尼二世相信西臺響西部既勢力相對較穩固之後,穆瓦塔尼開始為同埃及作大規模衝突作最後準備。
#null2018/08/31, 10:57:29 晚上
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出

冇睇開, 咁見OP講開埃及叙利亞咪問吓

我係話居然現今會有人問考古實證舊約聖經資料問題

你熟中東歷史係你嘅事
其他人冇睇過好出奇
#null2018/09/01, 3:59:32 凌晨
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出

冇睇開, 咁見OP講開埃及叙利亞咪問吓

我係話居然現今會有人問考古實證舊約聖經資料問題

你熟中東歷史係你嘅事
其他人冇睇過好出奇

鬼唔知搵書就一定搵到咩, 我只係問吓有冇啲好似OP咁精簡整理, 易入口嘅文章
又唔係問你, 你又唔係答, 又要走出黎自認博學
#null2018/09/01, 4:06:42 凌晨
引用快速引用

我想問OP知唔知有冇咩blog或者website係講舊約聖經有咩內容係經過考古實證, 或者同其他史典嘅內容互通
最好中文

你咁都問得出

冇睇開, 咁見OP講開埃及叙利亞咪問吓

我係話居然現今會有人問考古實證舊約聖經資料問題

你熟中東歷史係你嘅事
其他人冇睇過好出奇

我意思係近似問考古實證封神榜資料咁,唔係有人以為舊約聖經係歷史記錄來
#null2018/09/01, 5:01:54 凌晨
引用快速引用
秒後自動載入第7
上一頁下一頁
發表文章發起投票回覆
請先登入以發表回覆