對一個人的愛，係咪涉及時間的等待？

我唔知道


中學生涯過去，自從「信的表白」後

我冇再為佢做任何表白的事情

好幸運

事件冇影響到我升學，雖然唔係3大，但總算係一名大學生

第一次入大學的圖書館

入面的書，多不勝數

第一個念頭係：會唔會有本書教人「如何愛人」

呢本應該係聖經

而係我搵「聖經」時

我認識左 Violet

中文名？係大學，中文名根本唔會有用得著的地方

佢係一個好直接的女仔

單刀直入

好快我就向佢作出第一次表白

「你只係一個咩事都以自己為先，有冇諗過我的感受？」

呢一句，將我多年來溝女「爛」技巧作出左負評

呢晚，我將封信拎返出黎

如果當時，我領悟到呢一點

歷史能否改寫？

單戀，雙戀，苦戀

過程中無論我定係佢

有一方會付出過無數的淚水

我同陳心之間，應該所有都由我付出

計一計，過左三年，唔知佢仲記唔記得我呢個傻小子

入到大學，佢應該有拍拖

但個個係咪佢的真愛？

係咪最後的結婚對象？

希望最終的人係我



以前放學，屋村商場好多一對對

係大學，去到邊都會有情侶的出現

圖書館？電腦室？演講廳？

其實我，仲好唔好等落去?

呢個世界會唔會有人好似我，一直等一個人？

不介意時間的考驗，期待最後的結果

等待，唔係最辛苦

寂寞先係痛苦的根源

單身？自由？對我黎講冇用
　
兩次的表白都失敗

其實當中的痛楚，仍未消失

我相信妳係我的唯一

即使之後有更多的選擇都係冇用

最後可能要係腦海之中，先可以成為我的另一半

我相信我現在的想法，做的事情，人人都會試過

過去十八歲
沒帶錶
不過有時間

過去十八歲
沒帶錶
不過有時間

下首