http://youtu.be/kL2c-WuIv-E

冇錯﹗又係「小巨肺」G.E.M.（鄧紫棋），呢期佢真係好紅好紅好紅好紅好紅。

G.E.M.憑《我是歌手2》出色表現，令佢人氣急升，內地粉絲人數飆升，身價亦隨之暴升，密密接Job吸金，但佢就冇乜時間休息，認真陰功豬咯﹗

今日G.E.M.又晨咁早開工，佢中午時份喺網上表示今早八點就已經「爬起來」準備工作，但個腦就一直未醒。

到剛才四點四十五分左右，G.E.M.似係完作今日工作，佢貼咗一張組圖照，相中G.E.M.露出小蠻腰兼身穿熱褲晒腿，疑似係拍廣告造型相。

相中G.E.M.性感嫵媚，加埋個誘人紅唇，透出女人味，各位宅男仲hold得住嘛？

G.E.M.就話：「分享一下今天的成果，我好喜歡喔﹗你們呢？」G.E.M.只係Po咗唔夠半小時，已經有逾四千網民留言，認真厲害，佢哋大讚特讚，有網民叫佢擺返個金魚嘴表情，但亦有人認為佢條腿肯定「P」過喎，大家又唔點睇呢？


G.E.M.BB話今早八點鐘已經爬起來了﹗哎呀，多啲休息呀﹗


大家係咪like先？