CatGirl夏詩韻拒再做豔星
02/11/2004

前成人電視節目《Cat Show》主持夏詩韻（Maggie），近年已好少係大銀幕上出現，雖然曾有唔少片商斟佢拍三級片，但Maggie依然不為所動，寧願辛苦D接Show，都唔願再做一個豔星，決心靠自己既努力，實現佢多年來渴望做老闆娘既夢想。

《Cat Show》選舉中奪得第三名既Maggie，近排主力擔任酒吧活動主持，仲客串完鄭伊健、郭富城同吳彥祖有份主演電影《三岔口》。
對於近年甚少既幕前演出，Maggie坦言對娛樂圈發展的確唔太熱中。

不拍三級片

Maggie話：「其實依家都有好多片商搵我拍戲，但大部分因為價錢太低而拒絕，暫時只係接既由陳木勝做導演既《三岔口》。
所以我依家寧願揀做酒吧活動既MC，一來可以搵多D錢，二來我份人又鍾意講嘢，一舉兩得。
但係講到娛樂圈發展，依家呢個圈人才輩出，太多靚女同Model，我又唔想降價拍戲，更加唔想接三級片，
雖然做《Cat Show》時有好多人搵過我拍三級片，但係我都推左，因為唔想走呢條路線，
影響形象。所以要我係呢個圈作長線發展，真係要睇定D有冇機會先啦！」

謝絕富豪飯局

Maggie咁急住搵錢，原來係因為想過老闆娘癮，佢話：「我自細就想開時裝店，所以依家正積極搵錢，儲夠錢將來自己開番間，希望呢個願望幾年後可以實現。」

講到搵錢，其實Maggie亦可以唔使頻頻接Show，事關佢有唔少有條件既追求者，仲有唔少富豪飯局等住佢去，
但佢寧願選擇自己辛苦搵錢，都唔想靠男人。Maggie話：「曾經有人搵過我，話有個男人想請我食飯，開頭我都唔知佢講乜，
但講左十五分鐘後，我終於明白佢既意思，佢仲話好多明星都有聯絡佢，跟佢有著數咁話。
咁我當然冇理佢啦！就算有其他明星會去呢D飯局，我都唔會去，因為我唔鍾意使男人錢，所以唔好話飯局，
就算係有個好多錢既男人追我，但如果我唔鍾意佢話，一樣唔會接受。」

難忘初戀男友

中學時期讀女校既Maggie，佢初戀男友原來係一個女童軍阿Sir，Maggie仲將第一次送左畀佢添！
「[red]我十四歲就拍拖[/red]，對象係我參加女童軍阿Sir，因為我讀女校關係，未識佢之前只係識得讀書，好少接觸男仔，
更加唔知道乜叫做愛情。但識左佢之後，我覺得佢好有型，加上佢又保護我，所以就開始同佢拍拖，
[red]一年之後[/red]，我仲將第一次畀左佢。」

Maggie回憶道：「個一次係我男友屋企發生，其實個陣我都好驚！好似對唔住阿媽咁，
加上未試過係異性面前赤條條，真係令我好難忘。」

至於擇偶條件，自言仲係單身既Maggie，就話一定唔可以花心，有冇錢都唔緊要，
但要瞭解佢，唔好只係識得陪佢行街、食飯同送佢返屋企，得閒要畀D驚喜佢咁話，
所以想追Maggie既男仔，記得唔好咁古板啦！

拒愛外國男人

個樣野性既Maggie，應該好鍾意蒲吧溝鬼佬，但其實佢平時好少去蒲，只係每個月落一、兩次蘭桂坊酒吧飲嘢。
可能因Maggie生得省鏡，佢每次落到蘭桂坊，都必有好多鬼佬撩佢，但佢話一定唔會接受，除左因為佢唔易受溝之外，
原來Maggie最怕大大隻外國男人。

「蘭桂坊鬼佬個個都好Open，跟佢走都唔知會發生乜事，加上自己又細細粒，企埋大大隻鬼佬旁邊會令我有一種恐懼感，
所以我一定唔會搵佢做男友。」Maggie呢個例子可以話畀大家知，唔係個個香港女仔都鍾意跟鬼佬拍拖！

http://the-sun.on.cc/channels/adult/20041102/20041102001921_0014.html