你可能話遊行，靜坐，佔中(先當唔係和理非非)係咪小學雞？
我既想法係，社運既重點係話俾強權聽人民先係主人
人民係有力量可以阻止強權

但你洗版 你為既只係想admin ban你 去突顯佢之前選擇性執法
好啦，真係俾人爭取到

咁又點？

係呀，依家admin好瘀皮呀，好樣衰呀，俾你班友陰左啦

然後呢？

膠登既民主會更進一步嗎？膠登會員既意見有更高約束力嗎？

今次既事件好明顯係admin同會員溝通不足所致
我暫時感覺唔到admin係好似林祖洩咁排除異己

當日大家係高登洗版，係因為要攤瘓高登，令林匪就範
換句話姐係俾佢放棄自己既權力
係你地心目中，膠登admin依家係咪已經同林匪一樣不堪
在所不惜都要佢柒一獲？

老老實實，你地咁樣做根本無助於膠登，根本就小學生唔gur有個fd俾風紀拉
然後大叫：「拉我呀，拉埋我呀笨」

係我心目中最正確做法應該設立一個渠道
俾會員有系統性咁去同admin溝通
避免同類事件再次發生
而唔係洗版摟ban