有一位性格有D難頂既舊同學, 佢最近生左BB.

佢whatsapp俾一班舊同學邀請大家食薑醋, 點知冇人理佢....於是佢o係whatsapp質問大家, 問點解除左冧吱吱之外冇人覆佢

其實我就認為大家都識左咁多年, 好多野都是旦啦, 諗住唔好咁執著, 以前佢又幫過我, 原本都諗住會買份禮去探佢, 話晒人地喜事, 我個人冇咩所謂.

我私下問我D舊同學, 佢地一個二個都唔想去, 話因為好討厭佢, 覺得佢份人好計較, 唔想再同佢做朋友
最慘既係, 以前讀書時大家曾經係幾friend的, 而o係佢心目中仍舊以為大家仍是好朋友
於是, 我就夾左o係中間

其實已經好多次, 佢想約大家出黎都約唔成, 佢每次佢都問我點解, 每次我都盡量幫我班舊同學解畫.
但今次我真係唔知再點解畫好了 到時佢實問我點解其他人唔理佢