其實網上嘅討論區
邊度都好，形式係乜都好，用乜 protocol 都好，其實構成嘅核心都係人
所以膠登根本唔可以避免以前晌其他地方發生過嘅問題再次發生

我見有人好好心機咁整左個複雜到一開就令人有衝動「上一頁」嘅圖
唔係懷疑你嘅善意，但好心一樣可以做壞事，搞到咁複雜，問題會更複雜

好多人成日口中講嘅民主，核心在乎制約
制約唔止制約有權果個（例如 admin，例如台主，例如版主，之類）
其實對普通用家一樣有需要制約
你認唔認同都好啦，呢個制約可以令大家都得到一個相對大嘅自由度
如果有人尋求無限嘅自由
例如「係呀！我個個 post 都有目的有原因有內容你有乜理由 block 我！」
其實本質上同「係呀！bam 你咪 bam 你囉！我使乜同你交代」咪一鬼樣⋯⋯

求同存異嘅意思大家拎到最大嘅共通點，而唔係晌中間 overlap 嘅地方霸地盤呀⋯⋯

我覺得啦，我比較傾向台主／版主制的
admin 龜縮入去都無問題
台主／版主晌個台入面自己同啲塘魚你滾下我，我滾下你
有事自己拆掂佢，真係拆唔掂先搵 admin 做個台主世界
因為個台主自己都晌個台入面度滾，一來有咩事唔會話搵人屌都搵唔到
二來亦都有一定嘅制約力
覺得唔安心嘅，咪整多個限期落去，可能半年又選一次咁囉

唔好諗得咁大
人多都一樣可以架構簡單
架構臃腫，只會自己搵黎煩
有好多仆街貪戀呢啲濕鳩權力架

屌！認真 mode 好惡頂！都係做番戇鳩仔好！