首先，我唔鐘意小圈子／團體，甚至刻意避開某啲話題相同，興趣相近既巴打
現實生活我都係咁，因為我相信當人將太多既感情投放俾身邊既人，往往都會有紛爭，亦同時不能自我堅持

但我唔排斥小圈子，圈子係社會必須既力量，亦係大家認同感既來源
但問題係，你要將幾多份之幾既自己放落去圈子入面？

我好想膠登蒸蒸日上，我都好想多啲巴絲合作會有新話題
但當出現紛爭既時侯，我覺得無人需要真係「認真」看待圈子既感情

你可能覺得我好無情，好虛偽，但太認真咁又點
俾你「討回公道」又點，俾你爭取到「某人道歉」又點？

關係既野，合則來不合則去，每個人都有自己做到既野同合作先做到既野
合作唔黎，咪做好自己囉，做乜要糾纏咁耐？搞到大家如坐針毯？

我再重申，就推動發展而言，小圈子唔係壞事，galsound我無聽，但都不失為一個主題
好似隔離登講故台，都係一堆小圈子同個人祟拜，但不論質素，人地的確係做到話題，出埋書，拍埋戲
就結果論，依啲無鳩聊聊既女神﹑叫雞文學，正因為小圈子既追捧先可以敗壞到香港既文字媒體

團結可以做到好多野，但不團結既時侯，請大家適可而至
好多野唔係一定要追堆尾彩，有時笑而不語反而對大環境都仲好
大家好來好去咪好囉，搞成咁你又唔想，admin同花生友都無心機睇，何必呢？