「個女人做得佢阿媽啦，仲仆個頭落去！」涉嫌追債不遂、持刀襲擊前度女友的姓蔡疑兇是一名「宅男」，目前仍被警方扣留。蔡母對兒子迷戀年長21年的已婚婦人，並淪為「人肉提款機」大表激氣，直言兒子甚少給家用，原來全部用來「供養」女友。

「每個月只畀500蚊家用」
蔡母表示，兒子從沒拍過拖，容易受騙：「阿明喺超市工作嘅時候，放咗工成日匿埋房傾電話，問過佢係唔係拍拖，佢話對方結咗婚，仲有個仔。」她續稱，有一次，阿明突然對她說：「有人誤會我撬牆腳，恐嚇要斬我。」所以叫她在街上見到他不要相認，免累她被人追斬。
[red]「佢又矮又成面暗瘡，邊度有女人鍾意佢，係都呃佢啦。」阿明胞妹說，兄長在香港無朋友，沒人傾訴，一旦有人關心他，極易對人付出感情[/red]，「哥哥份人好慳，食碗麵就當一餐，點估到佢對個女人咁捨得，對阿媽都冇咁好，每個月只係畀500蚊，畀個女人就5,000蚊」。她稱早前得知兄長想過循法律途徑追討女方90,000元，但因沒欠單而作罷。
昨下午5時，重案組探員將阿明蒙頭押回家中蒐證，蔡父稱阿明非常純情，「連曱甴都唔敢踩死，佢今次俾人呃咗咁多錢，個心一定好不忿先攞刀決心斬佢」。