唔洗恐懼小圈子,小圈子既形成係一個群體集結既副產品。
就係因為膠登成形,開始有向心力,凝聚倒一班人至會出現小圈子,
關鍵始終係人數,同大圍氣氛。

真正既戰場係現實生活。
同父母之間不言而明既愛,同朋友心有靈犀既一下默契,同另一半靜寂挽手既瞬間...
呢D都係我地戰鬥既理由。

做人可以斷絕所有既社交而生存,甚至係由衷感到快樂。
但當你由煩囂既現實關係逃走到萬籟無聲既網絡,終點出現既亦唔會係情誼。

膠登復興固然有佢背後意義,
同時大家亦唔好忘記,佢亦只係云云眾多討論區之一,
岩傾,岩玩,人就會留低,反之亦然。
唔需要付予佢過大既意義,亦唔洗迫自己咩咁大責任。

當年高登既興盛,就係因為"當年",過左,社會變左,就唔會再返黎。
膠登都係。
聚係膠登有心創建固然好,
但我地要明白,會上膠登既,正正都係當下既香港人,
出乎意料咁興建,意料中事既大局,心中有底就好。