美棋BB飄逸搖紅裙風吹露白打底

http://youtu.be/ZkA85hqxDfE

今日黄美棋同石詠莉去到鑽石山出席元旦Sing光派對，喺台上面有男粉絲同美棋BB合照嘅時候，擺咗個豬嘴甫士﹐引到美棋BB大笑。

噚晚美棋BB同美國同學唱K，佢話當中有追求者，咁樣講，係唔係暗示畀人聽有機會？美棋BB即刻話：「我哋係大班朋友，我坐咗陣就走。」

最近有指黄日華會離棄港視，仲為囡囡黃芷睛鋪路入無綫，美棋BB都有聽過：「唔知係咪，呢排冇見華哥同芷晴，我同芷晴私下都係傾扮靚，好少傾工作。」就嚟約滿嘅美棋BB會繼續留喺港視發展：「之前停咗嘅兩套劇都會開番，而我下月底3月頭唔喺香港，會飛美國拍有線旅行節目。」而石詠莉嚟緊會做舞台劇，演粗口爛舌嘅男人婆。