我係健康巴打
乃係個新手
心血來潮想寫故
有d咩寫得唔好,有咩意見可以響下面留低
------------------------------------

今日我仲係個毒來毒往嘅小毒撚
但聽日就係一個打破命運嘅機會[yup]

我叫阿俊，係呀，但我唔係大王，唔好問我邊撚到俊真係無一忽，但又唔談得上柒)20歲做緊太空人。響一次機緣巧合底下識一個好pure好true嘅女仔，佢叫阿宜，讀緊asso，有時會響幼稚園幫手做下實習。聽到幼稚園，唔該唔好諗個d小朋友幹大姐姐)佢真係好pure好true，感覺有如一路向西個Zoe

我同阿宜嘅關係一直處於曖昧狀態都有一年。有見及此，我把握機會，脫離毒撚行列[yup]所以我決定約佢聽日去街，表個靚白。

一早起身，Gel個靚頭，換件衫，就踏上我脫離毒撚的旅程

我約左佢睇戲。廿幾歲人卡通片永遠都係首選)真係唔話佢好pure好true都唔得

入到戲院，為左博個好表現，當然就不繼問佢凍唔凍喇。點知佢話唔凍，完全無得發揮我Gentlemen 嘅風度

中段，見到佢開始著外套，我就拖住佢隻手，俾我d溫暖佢。佢無推開，我知我已經得左8成

睇完戲，我完全無放到佢隻手。一出戲院，見到佢塊面紅過洪天明，望埋佢塊包包面，楚楚可憐嘅眼睛，個心真係溶哂。

之後梗係要做個浪漫撚行下海旁，睇下日落喇。微風吹過，個咸蛋黃照落佢塊面到，勁可愛，真係Gfable。

我知道係機會喇。我一下順勢攬住佢，佢無意圖推開我。佢個胸貼哂落我心口，我感覺到佢胸膛上的起伏。呢個時候，我就問佢一句"做我女朋友好嗎？"。佢情深款款咁望住我講 "得呀!"

阿媽，我再唔係毒撚喇！