而家User可以對每個Post正評或負評 (只限OP發文)，但係其實呢個功能除咗有個數字畀人見到之外，似乎無乜作用 (順帶一題，用黎對某D事項投票的話其實應該有個獨立投票系統)。HKGalden嘅Developer(s)會唔會考慮參考reddit嘅投票機制，令User可以對每個帖文、回覆給予正評或負評，從而將獲得較多正評嘅帖文或回覆放喺文章列表或回覆列表較前位置，獲得較多負評就會放到較後嘅位置?

呢個改動嘅目的，係令多數User認為比較"好"嘅Post就可以排喺列表較前位置，等多D user見到甚至參與"好"嘅Post；相反比較"差"嘅就會因為評分而排到較後位置。

如果唔想以評分作為列表排序，可以有個選項係以發表時間排序 (即現時顯示方式)。

當然實行呢個改動的話有幾個問題要解決:

1. 新機制會改動到頁面設計，因為reddit係Threaded forum，HKGalden係Flat forum (*)。改變現有回覆排序會令到閱讀留言極為不便；例如有個20:00發出嘅回覆獲得1個正評，又有個同日23:00發出嘅回覆獲1個正評，現時會好自然咁先見到20:00嘅回覆，再見到23:00嘅回覆。如果直接改變現有排序，會變成先見到23:00嘅回覆，再見到20:00嘅回覆。假設23:00嘅回覆有引用較早嘅留言，睇起黎就會好混亂。

2. reddit對於Posts嘅排序並唔係簡單咁用正評減負評後得到嘅數字而決定，而係要考慮埋每一個Post嘅發出時間、幾多人投過票等等。可能HKGalden developer(s)要先喺呢方面做一D research先可以Implement到好嘅排序算法。

3. reddit嘅評分唔係因為"同意"或"不同意"該留言而給予正評或負評，而係考慮留言"對討論有建設性"或"對討論無幫助"。呢點喺HKGalden無好好宣傳的話，評分機制被誤用而失去原意，令少數不同於主流嘅聲音被主流意見蓋過。實際上reddit部份subreddit都有呢個問題，不過就我所見影響唔大，但係香港嘅網上討論風氣/ 文化就會令我好擔心呢一點。

4. 可能有人會覺得現時HKGalden評分機制已經足夠，無需要引入更多呢方面嘅功能，甚至應該移除呢個功能。又有可能有人覺得現時呢個機制係HKGalden特色，無需要引入reddit嘅功能，想用到reddit嘅功能不如直接上reddit或者用reddit套Software另起一個Forum (**)。

5. 如上面講到，如果改變現時評分機制，會牽涉到UI方面嘅改動，可能有User會好抗拒，又或者新UI可能會變得好複雜。

呢項改動純屬提議，HKGalden developer(s)可能根本無時間做咁大改動，不過我都想討論下。

*: https://en.wikipedia.org/wiki/Comparison_of_Internet_forum_software#Flat_vs._threaded
**: https://github.com/reddit/reddit