唔知你信唔信

其實每一樣野都有一個quota

當揮霍之後，quota無晒，就係時候收皮

我剛剛用盡了所謂「叫春」的quota

只係當日叫、夜叫、直線叫、曲線叫、自閉叫、公開叫之後

發現個問題根本從來無解決到

咁叫春的作用就變左同喊一樣

只係情感的短暫宣洩

對事情其實無半點幫助

而且人叫春，仲仆街過貓叫春

貓叫春最多都係嘈到人瞓唔到覺

人叫春因為有語言文字，咁個殺傷力就會大好多

其他人見到有人叫春，第一個感覺係煩

如果佢細心去睇叫春的內容

一個不幸令佢本人有共嗚

勾起佢潛意識入面的情緒

咁就無啦啦將憂愁傷感傳埋畀另一個人

搞搞下可能佢又會叫埋一份

咁你話成件事係幾咁無謂呢？

我份人就好憎做一d無意義的事

所以我知道自己叫春的quota已經用晒

生命入面難免受到好多大大小小不同人有意無意送贈的傷害

而這些傷害會陪伴我或長或短的時間

最後，會因為這些經歷，而對人生領悟出一些新的看法

以往我會用叫春的方式去表達

但叫春真的無咩意義

所以我會將呢d感覺、感受、想法留係心入面

留返將來寫故事時用

有咩想講的，將它創造成一部作品吧

就算最後沒有人明白當中寫的是什麼垃圾狗屁

最少自己又寫了一個故事、完成了一件作品

將來還可以拿來翻看幾次，總比那些消失在互聯網深海的叫春來得實際

妳說對吧？