凌晨時分， 我打開七仔道門，
諗緊會唔會有人同我一樣，
夜媽媽自己一個喺度食頹飯/麵。
我望向左邊，見到一個女仔嘅背影，
佢望住個微波爐，望住裡面嘅嘢食不停咁旋轉，
原來， 呢個世界仲有人係同我有相同既諗法 。
真係有緣，真係悲哀。
平時食開合味道嘅我，拎起一碗炒麵王。
俾完錢，我打開塊紙，斟啲熱水，
人帶炒麵，我將碗麵放低落張檯到，
隔離嘅雪櫃發出嘅轟隆聲，
令呢度彌漫住一股莫名嘅氣氛—頹嘅氣氛。
我望住個女仔慢慢咁咬住塊包，
我心裏面問，點解要夜媽媽喺七仔自己一個對住部思樂冰機食野？
心裏有一種莫名嘅空虛感，
我相信，佢都感覺到。
佢食完個包，
去咗前面賣雜誌嘅地方拎起一本忽然一周，
睇下余文樂啲八掛，之後就走了。
 
呢個時候，
樓下嘅管理員阿姐入咗嚟，
佢同店員傾咗幾句，
話語中，阿姐講左一句「琴晚個意大利粉好好食」，
個一刻，我先知自己係幾咁唔知足。
原來對於有啲人，
夜晚可以舒舒服服訓落張床係幾咁稀有，
原來對於有啲人，
七仔嘅即食麵已經係最美好嘅食物，
原來，我哋喺幾咁幸褔。




利申：我都唔知點解上文不對下文

[right][#808080]Sent from Android app by Gannet[/size=2][/#808080][/right]