「索吻時代唱片公司」。











早前亞視一哥陳啟泰被揭於亞視官網「被除名」，網民又驚又喜，一則是笑亞視唯一一條「棟樑」——即係陳啟泰，都冇埋；二則就係，陳啟泰終於可以脫離亞視，誠屬美事喎…

咁依家陳啟泰有乜嘢搞作呢？拿，佢前日就去咗珠海出席北京師範大學-香港浸會大學聯合國際學院（簡稱UIC）第五期名人堂講座，講座題目叫做「我和夢想有個約會—歌手陳啟泰」。演講場地只容納500人，結果塞咗800人，全場爆滿。原來預計45分鐘內的演講，結果講咗150分鐘。

49歲嘅陳啟泰仲有乜嘢夢呢？原來係唱歌，阿Ken仲喺現場演唱咗《我和殭屍有個約會》主題曲《假如真的再有約會》，又唱咗另一首新歌《I miss u so》，原來呢首係佢加盟內地「索吻時代唱片公司」之後嘅第一首歌。陳啟泰話:「一生人第一個喺校園舉行講座，不收一份酬勞，但就得到商業活動俾唔到嘅喜悅。」呢種感覺，喺亞視亦未必會得到。

http://hk.apple.nextmedia.com/enews/realtime/20131125/51935082