而家香港泛民，包括民主黨、公民黨，以至佔中及學民都係想係２０１７爭到盡，
但遊戲規則係中國定，基本法係中國定，特區政府整個架構都係中國主場，
而你地想走入中國主場，反客為主，邊有咁大隻甲乸隨街跳？

以往中英談判，當英國一承認中國在港主權，中國就立於不敗之地。
因為一入左佢個圈，英國就係賊，中國就係解放者，
甚至英國想令港督成為香港代表，都畀中國話唔要三腳凳，而中國以港人代自居。

當然，英國算盤唔係真心為香港，而係光榮撤退，但歷史教訓當入左中國個窿，閘自然會放，狗亦會出。
既然係咁，泛民人等係咪天真得濟呢？