今晚正當我啱啱食完晚飯,上緊膠登嘅時候
就有個女仔打過嚟話係錦上路站見到有隻狗好似妹妹
我同呀媽講,呀媽都有D心灰話我聽日就過去搵下啦
點知過咗十分鐘之後,有個男仔就打嚟話係頭先個打畀我個個女仔嘅男朋友
佢宜家係錦上路站見到佢
佢仲用緊零食引佢,叫我地快D去捉返佢
咁我同呀媽就即係飛的入去
呀媽仲call埋我個個同女朋友拍緊拖嘅呀哥入去幫手
唉,終於到啦,見到個男仔餵緊妹妹
我同呀媽就靜靜地行埋佢,驚太激動會嚇走佢
好彩佢一見到我地就好興奮咁撲埋嚟
我呀媽喜極而泣,我地一路講多謝
個男仔都好好人,我話真係多謝你同你女朋友
佢都好客氣,我呀媽塞咗封利是畀佢
佢話會捐畀D照顧老人家嘅機構,仲多謝妹妹
講返原來佢係中醫,成日幫人義診,真係有心人
好彩妹妹都無事,經過咁多日,真係好好彩
宜家返到屋企
心裡面都好激動,好似發咗場夢咁

宜家就呈上妹妹J圖畀咁多位幫過我推post嘅巴絲
我代我一家人同妹妹多謝你地