原理好似寫毛筆字，將張字帖墊係下邊印住黎寫

首先用相機影一幅相，然後用Photoshop將相去色，再放大成畫布size
有D良心既就將相變成線條，其他既通常就較到黑白再變勁淺勁淺色，或者加其他effect

然後將張加工過既相，用原尺寸印上去帆布度（深圳大芬村有呢種service），變成一張「草稿」
再好似幼稚園填色遊戲咁，照住邊界填D顏色上去…
D線條會比顏料遮住，唔會再睇到。

最後，一幅真到好似相咁既「畫」就完成左… 因為原本真係相黎。
呢個方法慳錢慳時間冇技術，一個禮拜搞掂，方便果D想扮畫家出畫展既人畫出似層層既作品，門外漢會當佢神咁拜。

但係有少少經驗既人都會睇得出，因為原來係一幅相所以線條會好硬好直，比例完美，用色都會有D寡（因為係填色上去，冇任何變化），接近冇個人風格
白手（包括臨摹）既線條起碼會軟D，朦D，唔會好清楚


想睇例子，有一幅本地「畫家」畫既地鐵車廂眾生相，就係佢影完相然後番去變成一幅油畫。然後用畫家名義出展。
記住，世界上冇人可以白手畫到同相一模一樣既完美畫作，有既話畫既時間起碼數以年計…