| 發表文章 | 發起投票 | 回覆 |
【 2025年7月1日 快必開往拔摩島的航程 - 第1759日】
【 2025年7月1日 快必開往拔摩島的航程 - 第1759日】
TAMtakchi Fast Beat
https://m.youtube.com/watch?v=6ZI59CzRaDw
Jul 1
2025
尋日收到快必六月份第三封嘅信，六月份嘅回信好似少咗啲，佢寄信寄到F - so fast 嘅F，但係E信就喺銀河系宇宙安全保衛隊嗰度蕩失路，返唔到落嚟地球住，希望大家唔好介懷。睇吓佢呢封回信先：
1)古仔：收到你6月11號嘅信，你最鍾意嘅維根斯坦，我細個都有讀過，多謝你提醒，但係我只係記得維根斯坦教過小學，做過飛機工程，以及比羅素勁讚，仲有佢鍾意將支筆夾喺西裝褸夾襟針個位，我出嚟示範俾大家睇吓點樣着得似維根斯坦！
~另外，亦感謝您send嚟Philosophical investigation 的quote。哲學家同詩人，根本係同一樣人，亦都好似文學與宗教，係一體兩面，而哲學家拎諾貝爾獎，都係拎文學嘅，世事，係通嘅，一切在乎一種「啟示」亦都係一種領悟的「悟」吧！？
2)不知名嘅朋友，寄來咗José Salvador
嗰個海上漂流嘅故事，我讀到嘅係你echo我而家喺呢首開往拔摩島的慢船上漂流4年10個月，唔知會唔會係我自作多情呢？我的確經常自作，而實在我有很多情！
~Teresa：收到你5月20號同23號兩封信，都係6月11號收到嘅，大家一齊加油吧，等我出嚟，仲有唔夠兩年。
~無名朋友寄來好多文章，其中有關於烏拉圭最窮總統逝世嘅圖片同消息介紹，我最有feel，令我諗起以前成日講嘅一句說話：「沒有英雄的時代是悲哀的，但需要英雄的時代更悲哀。」
3)Patti: 收到你講述美國嘅情況，實在令人擔憂啊！美國政府有啲說話居然同2020年以來我哋喺香港聽到有人講嘅說話差唔多，所以我覺得兩者分歧，有時唔係想像之中咁大嘅。
~感謝您送來「若無閑事掛心頭，便是人間好時節」呢幾句詩，我都回你四句蘇軾嘅詩吖：「荷盡已無擎雨蓋，菊殘猶有傲霜枝。一年好景君須記，最是橙黃橘綠時。」我依家自勉勉人，但係我更多時候係自嘲嘲人，相當毒舌的啊！
4)Ivy：收到你6月11號嘅信，我相信你同加州嘅Patti，可以做到好朋友，因為你哋兩個都係支持侵侵呢。Ivy你仲話阿侵係上主揀選嘅人，80年前有一個國家元首，都係俾人如此認為，你哋知道係邊個嗎？佢姓希，希望個希。幸好阿侵唔係姓希。
~「我哋相信上主嘅人，唔會迷信嘅」，呢句說話好似有啲迷信同吊詭，除咗上主之外，不要相信任何人，包括自己，呢個又好似有啲灰。我喺石壁，唔能夠全面睇到外面嘅所有資訊，而撐侵同反侵嘅，都係以「對方的資訊係唔全面」作為理據。我更有限制，所以必須保持辯證張力同批判距離，呢個係最寶貴嘅。
5)兩送飯：五月底兩封信，都係6月11號收到。冇錯，我依家繼續瘦同黑，瘦到嚟探訪嘅朋友都妒忌，瘦到赤柱嘅慢必都會妒忌。你覺得香港市況同經濟一路差嗎？冇理由嘅，政府中人一味唱好的，我哋一定要跟着佢哋唱好，聖經有句說話提醒我哋：「指斥褻慢人的，必受侮辱，責備惡人的，必被沾污。」這是箴言9章7,8節的說話。
~聽講，歐洲嘅郵費好貴，我特別感謝世界各地寄明信片俾我嘅朋友。原來我以為有兩張Postcard跌落咗黑洞，收唔到，點知6月12號，又返返嚟！係瑞典小fans寄俾我嘅。 哦，我唔知道邊個係John Cleese棟篤笑呀，鬼佬Sitcom 我都好少睇，好怕嗰種罐頭笑聲做background，偶然有睇「宋飛正傳」同「friends」咋。
~之前有朋友寫信介紹過Ricky Gervais嗰套「after life」，講佢死咗老婆，變得好憤世嫉俗，對個個都唔妥，好毒舌，有一幕講句揸住個錘仔去學校兇一個恰佢外甥仔嘅肥仔同學，感覺好好笑。
6)蛇仔明：你話撞啱七仔失驚無神promotion，啤酒買滿$100，就有七五折，好似好正喎！你介紹嗰隻strong sour係vodka加soda，夏天飲一定好爽，不過青檸洗潔精味嘅highball，我就怕怕了，1664啤酒都OK嘅，Ashai Super dry 生啤有好多泡？得唔得呢？我都鍾意飲黑啤，以前去pub，耐唔耐都叫。
7)六月過去，七八月放暑假，陸續有家人、神同、中同回港探我，好開心！暑假過完，我喺船上就五年了，五年即係60個月，兩單加埋係80個月即係六年八個月，話多唔多話少唔少，總之暑假過後仲有20個月，距離最後落山只有、還有、仍然有¼嘅旅程….啫，要咁樣諗。
~快必嘅回信嚟到呢一度，仲有22個月，佢能夠撐落去，因為有大家撐佢。所以寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=6ZI59CzRaDw
Jul 1
2025
尋日收到快必六月份第三封嘅信，六月份嘅回信好似少咗啲，佢寄信寄到F - so fast 嘅F，但係E信就喺銀河系宇宙安全保衛隊嗰度蕩失路，返唔到落嚟地球住，希望大家唔好介懷。睇吓佢呢封回信先：
1)古仔：收到你6月11號嘅信，你最鍾意嘅維根斯坦，我細個都有讀過，多謝你提醒，但係我只係記得維根斯坦教過小學，做過飛機工程，以及比羅素勁讚，仲有佢鍾意將支筆夾喺西裝褸夾襟針個位，我出嚟示範俾大家睇吓點樣着得似維根斯坦！
~另外，亦感謝您send嚟Philosophical investigation 的quote。哲學家同詩人，根本係同一樣人，亦都好似文學與宗教，係一體兩面，而哲學家拎諾貝爾獎，都係拎文學嘅，世事，係通嘅，一切在乎一種「啟示」亦都係一種領悟的「悟」吧！？
2)不知名嘅朋友，寄來咗José Salvador
嗰個海上漂流嘅故事，我讀到嘅係你echo我而家喺呢首開往拔摩島的慢船上漂流4年10個月，唔知會唔會係我自作多情呢？我的確經常自作，而實在我有很多情！
~Teresa：收到你5月20號同23號兩封信，都係6月11號收到嘅，大家一齊加油吧，等我出嚟，仲有唔夠兩年。
~無名朋友寄來好多文章，其中有關於烏拉圭最窮總統逝世嘅圖片同消息介紹，我最有feel，令我諗起以前成日講嘅一句說話：「沒有英雄的時代是悲哀的，但需要英雄的時代更悲哀。」
3)Patti: 收到你講述美國嘅情況，實在令人擔憂啊！美國政府有啲說話居然同2020年以來我哋喺香港聽到有人講嘅說話差唔多，所以我覺得兩者分歧，有時唔係想像之中咁大嘅。
~感謝您送來「若無閑事掛心頭，便是人間好時節」呢幾句詩，我都回你四句蘇軾嘅詩吖：「荷盡已無擎雨蓋，菊殘猶有傲霜枝。一年好景君須記，最是橙黃橘綠時。」我依家自勉勉人，但係我更多時候係自嘲嘲人，相當毒舌的啊！
4)Ivy：收到你6月11號嘅信，我相信你同加州嘅Patti，可以做到好朋友，因為你哋兩個都係支持侵侵呢。Ivy你仲話阿侵係上主揀選嘅人，80年前有一個國家元首，都係俾人如此認為，你哋知道係邊個嗎？佢姓希，希望個希。幸好阿侵唔係姓希。
~「我哋相信上主嘅人，唔會迷信嘅」，呢句說話好似有啲迷信同吊詭，除咗上主之外，不要相信任何人，包括自己，呢個又好似有啲灰。我喺石壁，唔能夠全面睇到外面嘅所有資訊，而撐侵同反侵嘅，都係以「對方的資訊係唔全面」作為理據。我更有限制，所以必須保持辯證張力同批判距離，呢個係最寶貴嘅。
5)兩送飯：五月底兩封信，都係6月11號收到。冇錯，我依家繼續瘦同黑，瘦到嚟探訪嘅朋友都妒忌，瘦到赤柱嘅慢必都會妒忌。你覺得香港市況同經濟一路差嗎？冇理由嘅，政府中人一味唱好的，我哋一定要跟着佢哋唱好，聖經有句說話提醒我哋：「指斥褻慢人的，必受侮辱，責備惡人的，必被沾污。」這是箴言9章7,8節的說話。
~聽講，歐洲嘅郵費好貴，我特別感謝世界各地寄明信片俾我嘅朋友。原來我以為有兩張Postcard跌落咗黑洞，收唔到，點知6月12號，又返返嚟！係瑞典小fans寄俾我嘅。 哦，我唔知道邊個係John Cleese棟篤笑呀，鬼佬Sitcom 我都好少睇，好怕嗰種罐頭笑聲做background，偶然有睇「宋飛正傳」同「friends」咋。
~之前有朋友寫信介紹過Ricky Gervais嗰套「after life」，講佢死咗老婆，變得好憤世嫉俗，對個個都唔妥，好毒舌，有一幕講句揸住個錘仔去學校兇一個恰佢外甥仔嘅肥仔同學，感覺好好笑。
6)蛇仔明：你話撞啱七仔失驚無神promotion，啤酒買滿$100，就有七五折，好似好正喎！你介紹嗰隻strong sour係vodka加soda，夏天飲一定好爽，不過青檸洗潔精味嘅highball，我就怕怕了，1664啤酒都OK嘅，Ashai Super dry 生啤有好多泡？得唔得呢？我都鍾意飲黑啤，以前去pub，耐唔耐都叫。
7)六月過去，七八月放暑假，陸續有家人、神同、中同回港探我，好開心！暑假過完，我喺船上就五年了，五年即係60個月，兩單加埋係80個月即係六年八個月，話多唔多話少唔少，總之暑假過後仲有20個月，距離最後落山只有、還有、仍然有¼嘅旅程….啫，要咁樣諗。
~快必嘅回信嚟到呢一度，仲有22個月，佢能夠撐落去，因為有大家撐佢。所以寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |