| 發表文章 | 發起投票 | 回覆 |
【 2025年6月24日 快必開往拔摩島的航程 - 第1752日】
【 2025年6月24日 快必開往拔摩島的航程 - 第1752日】
TAMtakchi Fast Beat
https://m.youtube.com/watch?v=BEINiaKdFlc
Jun 24
2025
1)自從做咗屎撈人，着啡色衫之後，快必話佢呢個船上孤獨的美食家已經食咗七個月劣食了。雖然係劣食，但還是要食，畢竟石壁已經叫做好過荔枝角了！
2)早餐食飯，所以叫早飯啦，逢星期三、五食牛肉，會配有黃瓜即係青瓜，或者有時白蘿蔔或者佛手瓜，呢三樣嘢，孤獨的美食家都like嘅。以前喺岸上屋企，佢都會煮青瓜牛肉，或者青瓜煮蝦。青瓜切成薄片，煮得腍啲。阿媽教落，青瓜要間住㓟皮，打斜切，要切得薄，煮得腍啲，牛肉同蝦反而係配菜，煮腍咗嘅青瓜，盡吸牛肉同蝦嘅汁，送飯一流！用多啲水打返個芡，啲汁多啲。以前喺屋企，每個月都會煮四五次。
3)依家喺船上逢星期三、五嘅早上，呢啲青瓜、白蘿蔔、合掌瓜煮牛肉嘅劣食，都使美食家開心嘅。煮呢啲瓜嘅汁，有時會係南乳，一係就冬菜，或者係豉汁。雖然呢啲汁唔健康，但係用嚟撈飯，可以食到三分之一或者半個飯盒。雖然冇乜蛋白質，只有澱粉質，但維持生命都必須的。
4)原來，有人係唔鍾意食青瓜，遇到唔食青瓜嘅人，孤獨嘅美食家會好開心。有時劣食會有椰菜，又有人唔食椰菜，其實煮腍咗嘅椰菜係好好味，逢星期一、四嘅早飯係食豬肉，星期六嘅早飯係豬肉芋頭丸，芋頭丸我最憎，只會食兩啖。椰菜有時煮得夠腍，有時唔夠，遇上有人唔鍾意食椰菜，孤獨的美食家又會開心，雙倍回味。食住椰菜，又會諗返以前喺岸上屋企，用椰菜煮粉絲蝦米，或者煲羅宋湯，港式嘅羅宋湯椰菜、蕃茄、紅蘿蔔，加埋牛肉，最正。
5)講完食，講返睇書啦！五月開始夜晚畫返畫，睇書速度慢咗，入嘅都係時裝潮流雜誌，以及消閑雜誌，但都睇完兩本書 ——劉仲敬的「文明的流轉」，以及余杰的「活着就要run」。「快必讀贏」，先同大家分享「文明的流轉」。
~劉仲敬的「文明的流轉」，向大家介紹這本書，如果有機會找他的文章看看，就不會沒有我的疑惑吧！為何這本書不是禁書？係唔係好似一啲人好like嘅KOL的集合版？這位作者又係唔係早期的李敖和柏陽呢？
~呢本書係以問答嘅形式，簡單易明快趣咁解答一啲歷史、文明、文化、哲學、科技、氣候等等，當下總有世人會關心嘅課題。我把這書最後幾個問答，抄出來給你們一齊睇睇吧！
6)問：若上帝要毁滅世界，人類遭到大災難，導致文明滅亡，請你寫出東西留給倖存者，幫助他們發展下一代文明，你會點寫？
~答：什麼也不用寫，把筆捲在紙裏就行了。紙留不下來，上面寫的東西定會消失。你要是有石頭，倒可以像阿基米得的墓碑一樣，刻一個O在上面，最能長久保存的，可能還是石頭做的這種東西。紙或軟碟、硬碟，反而最不容易保留下來。
7)問：假如有一天，外星人從天而降，宣布與朝鮮政權合作，將朝鮮作為外星人統治地球的代理人，能否推測一下這外星文明的形態和目的？
~答：那必然是翻譯製造出來的東西，假定有外星文明，它不可能一下子就理解地球上的各種政治形態，所以也不可能明白國家和統治的意義，只有為他做翻譯的那批人才能假傳聖旨，用地球人能理解的方式傳達它的心意。
8)問：以色列作為上帝應許之地，能否成為國際秩序崩潰的避難之地，就像挪亞方舟那樣保留種子和人口？
~答：避難之地太多了，只要有千分之一甚至萬分之一的人口倖存，就足以保證有文明的大多數種子庫不受到損失了，也就是說，如果大洪水消滅了99%甚至99.9%的人口，對文明的影響，其實小到可以忽略不計。
9)問：未來世界會如何發展？
~答：未來世界幾十或幾百年後，會經歷重大的社會革命。如果社會邊界始終保持開放，今天的世界就會面目全非，使羅馬滅亡的社會革命之後，人類還沒有經歷如此劇變。人口老化衰竭和應對性技術開發，注定會破壞現存社會的基本結構，其中許多社會將會像羅馬一樣，一去不返。人口替代不可避免會伴隨殘酷的社會震盪，可能使20世紀的戰爭相形見絀。具有自我延續性的共同體可能有以下幾種：
1-原教旨傾向的教會，能維持高生育率、吸引和保護社會離散的遊離者，不用國家組織仍能維持和擴展，在自然和社會災變中保持巨大的抗逆力。
2-類似聖殿騎士團的武士組織或像日本武士、僧侶式團體，這種團體雖小，但能佔據關鍵生態位，發揮與其人數不相稱的影響力，這團體依靠兄弟會或師徒契約，而非家庭（甚至厭惡家庭）方式維繫。
3-「格列佛遊記」裏的一種極端科學理性控制下的雷泊特團體專政，將治下的臣民變成家畜一樣的資源，只要能成功收買前兩種社會，就能長治久安。
~現有的福利國家和世俗人民主義知識體系的適應和生存力極差，大概不如黑社會團體。
11)劉仲敬給我的感覺，就像是大家喜歡的KOL的知識混合，但比他們任何一人更博學，而風格和態度以及mean爆的程度，又似幾十年前的台灣人李敖加柏楊，希望佢遲啲唔會好似龍應台咁令人失望至極。但我不敢保證，無常多變，忽忽地，係近年我哋好熟悉嘅！大家未必需要同意作者劉仲敬所言的一切，我也抱一些懷疑，但不得不承認這本「文明的流轉」有特別的角度，無論歷史、文明、文化同哲學，佢都吹得兩嘴，睇佢好過聽嗰啲無聊的KOL啦。我都怕自己有一日成了無聊的KOL。冇嘢慘得過成為自己鄙視的人。
12)大家聽開邊個KOL啊？寫信同快必傾吓偈啦，特別係寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=BEINiaKdFlc
Jun 24
2025
1)自從做咗屎撈人，着啡色衫之後，快必話佢呢個船上孤獨的美食家已經食咗七個月劣食了。雖然係劣食，但還是要食，畢竟石壁已經叫做好過荔枝角了！
2)早餐食飯，所以叫早飯啦，逢星期三、五食牛肉，會配有黃瓜即係青瓜，或者有時白蘿蔔或者佛手瓜，呢三樣嘢，孤獨的美食家都like嘅。以前喺岸上屋企，佢都會煮青瓜牛肉，或者青瓜煮蝦。青瓜切成薄片，煮得腍啲。阿媽教落，青瓜要間住㓟皮，打斜切，要切得薄，煮得腍啲，牛肉同蝦反而係配菜，煮腍咗嘅青瓜，盡吸牛肉同蝦嘅汁，送飯一流！用多啲水打返個芡，啲汁多啲。以前喺屋企，每個月都會煮四五次。
3)依家喺船上逢星期三、五嘅早上，呢啲青瓜、白蘿蔔、合掌瓜煮牛肉嘅劣食，都使美食家開心嘅。煮呢啲瓜嘅汁，有時會係南乳，一係就冬菜，或者係豉汁。雖然呢啲汁唔健康，但係用嚟撈飯，可以食到三分之一或者半個飯盒。雖然冇乜蛋白質，只有澱粉質，但維持生命都必須的。
4)原來，有人係唔鍾意食青瓜，遇到唔食青瓜嘅人，孤獨嘅美食家會好開心。有時劣食會有椰菜，又有人唔食椰菜，其實煮腍咗嘅椰菜係好好味，逢星期一、四嘅早飯係食豬肉，星期六嘅早飯係豬肉芋頭丸，芋頭丸我最憎，只會食兩啖。椰菜有時煮得夠腍，有時唔夠，遇上有人唔鍾意食椰菜，孤獨的美食家又會開心，雙倍回味。食住椰菜，又會諗返以前喺岸上屋企，用椰菜煮粉絲蝦米，或者煲羅宋湯，港式嘅羅宋湯椰菜、蕃茄、紅蘿蔔，加埋牛肉，最正。
5)講完食，講返睇書啦！五月開始夜晚畫返畫，睇書速度慢咗，入嘅都係時裝潮流雜誌，以及消閑雜誌，但都睇完兩本書 ——劉仲敬的「文明的流轉」，以及余杰的「活着就要run」。「快必讀贏」，先同大家分享「文明的流轉」。
~劉仲敬的「文明的流轉」，向大家介紹這本書，如果有機會找他的文章看看，就不會沒有我的疑惑吧！為何這本書不是禁書？係唔係好似一啲人好like嘅KOL的集合版？這位作者又係唔係早期的李敖和柏陽呢？
~呢本書係以問答嘅形式，簡單易明快趣咁解答一啲歷史、文明、文化、哲學、科技、氣候等等，當下總有世人會關心嘅課題。我把這書最後幾個問答，抄出來給你們一齊睇睇吧！
6)問：若上帝要毁滅世界，人類遭到大災難，導致文明滅亡，請你寫出東西留給倖存者，幫助他們發展下一代文明，你會點寫？
~答：什麼也不用寫，把筆捲在紙裏就行了。紙留不下來，上面寫的東西定會消失。你要是有石頭，倒可以像阿基米得的墓碑一樣，刻一個O在上面，最能長久保存的，可能還是石頭做的這種東西。紙或軟碟、硬碟，反而最不容易保留下來。
7)問：假如有一天，外星人從天而降，宣布與朝鮮政權合作，將朝鮮作為外星人統治地球的代理人，能否推測一下這外星文明的形態和目的？
~答：那必然是翻譯製造出來的東西，假定有外星文明，它不可能一下子就理解地球上的各種政治形態，所以也不可能明白國家和統治的意義，只有為他做翻譯的那批人才能假傳聖旨，用地球人能理解的方式傳達它的心意。
8)問：以色列作為上帝應許之地，能否成為國際秩序崩潰的避難之地，就像挪亞方舟那樣保留種子和人口？
~答：避難之地太多了，只要有千分之一甚至萬分之一的人口倖存，就足以保證有文明的大多數種子庫不受到損失了，也就是說，如果大洪水消滅了99%甚至99.9%的人口，對文明的影響，其實小到可以忽略不計。
9)問：未來世界會如何發展？
~答：未來世界幾十或幾百年後，會經歷重大的社會革命。如果社會邊界始終保持開放，今天的世界就會面目全非，使羅馬滅亡的社會革命之後，人類還沒有經歷如此劇變。人口老化衰竭和應對性技術開發，注定會破壞現存社會的基本結構，其中許多社會將會像羅馬一樣，一去不返。人口替代不可避免會伴隨殘酷的社會震盪，可能使20世紀的戰爭相形見絀。具有自我延續性的共同體可能有以下幾種：
1-原教旨傾向的教會，能維持高生育率、吸引和保護社會離散的遊離者，不用國家組織仍能維持和擴展，在自然和社會災變中保持巨大的抗逆力。
2-類似聖殿騎士團的武士組織或像日本武士、僧侶式團體，這種團體雖小，但能佔據關鍵生態位，發揮與其人數不相稱的影響力，這團體依靠兄弟會或師徒契約，而非家庭（甚至厭惡家庭）方式維繫。
3-「格列佛遊記」裏的一種極端科學理性控制下的雷泊特團體專政，將治下的臣民變成家畜一樣的資源，只要能成功收買前兩種社會，就能長治久安。
~現有的福利國家和世俗人民主義知識體系的適應和生存力極差，大概不如黑社會團體。
11)劉仲敬給我的感覺，就像是大家喜歡的KOL的知識混合，但比他們任何一人更博學，而風格和態度以及mean爆的程度，又似幾十年前的台灣人李敖加柏楊，希望佢遲啲唔會好似龍應台咁令人失望至極。但我不敢保證，無常多變，忽忽地，係近年我哋好熟悉嘅！大家未必需要同意作者劉仲敬所言的一切，我也抱一些懷疑，但不得不承認這本「文明的流轉」有特別的角度，無論歷史、文明、文化同哲學，佢都吹得兩嘴，睇佢好過聽嗰啲無聊的KOL啦。我都怕自己有一日成了無聊的KOL。冇嘢慘得過成為自己鄙視的人。
12)大家聽開邊個KOL啊？寫信同快必傾吓偈啦，特別係寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |