| 發表文章 | 發起投票 | 回覆 |
【 2025年6月20日 快必開往拔摩島的航程 - 第1748日】
【 2025年6月20日 快必開往拔摩島的航程 - 第1748日】
TAMtakchi Fast Beat
https://m.youtube.com/watch?v=d4rG0JHPcwc
Jun 20
2025
1）收到快必6月9號寫嘅信，信嘅內容係咁嘅：
~2025年6月，回覆大家第二封信。海運執笠，我是傷感的。以前在電台工作，成日去嗰度睇首映， 30年前喺嗰度拍拖睇Forrest Gump，廿多年前分手邊緣喺嗰度睇 Cape Fear，最後一次睇嘅首映，係張學友做牧師、林嘉欣做教師，個牧師車個女教友上飛鵝山嗰單嘢，我唔記得咗套戲嘅名，套戲亦都唔好睇，導演係林嘉欣前夫。我淨係鍾意睇林嘉欣做「男人四十」，佢唔算係我like嘅女明星，我最like嘅女明星，全部都係鬼婆，雲妮路維達，茱迪科士打，茱莉亞蘿拔絲，姬蒂白蘭芝，等等，都是成熟韻味的，仲有姬嘉鐸、珍妮花羅倫斯同妮坦妮撲雯，大家都知我品味如何了。
~我係一個戲迷嚟嘅。嚟咗石壁之後，我都有戲睇㗎，因為更生職員嘅其中一樣工作，係比啲更生電影我哋睇，來決定我哋有冇更生、有冇悔改，值唔值得俾埋嗰三分之一我哋？由於我係一個戲迷，所以我睇更生電影，我都係用一個戲迷嘅角度評論嗰啲電影。我同職員佢哋分享，點樣謂之一套好嘅電影，一個好嘅劇本，可以成功洗人腦，坊間嗰啲垃圾福音電影咁，就唔得㗎啦。我係好認真咁同佢哋分享我嘅戲迷專業知識，喺更生職員嘅角度，我係咪比更生更更生呢？有冇三份一，唔緊要，我會繼續喺船上繼續睇我嘅「奧古斯丁懺悔錄」懺悔來更生我自己。
2)六月第一個星期收到大家嘅信，中同K喺英國寄來嘅卡，用唔同顏色代表倫敦不同嘅地方，泰晤士河係藍色、白金漢宮係肉色，西敏寺深少少三文魚色，倫敦眼摩天輪係淺紫色，很有趣。
~又收到眾樂教會弟兄姊妹同卜牧師嘅信，卜牧師仲同我講咗彼此相愛嘅教導， 2019年之後好多教會減少咗人，但眾樂教會逆市成長，好種樹咁種落咗嘅教會，小樹苗日漸長成，我也好開心呢！
3)手巾仔：收到兩張postcard，一張係以弗所城，另一張係棉花堡。慢必都有，手巾仔你好有心啊，去到邊都寄Postcard俾我，彷彿帶我去環遊世界呢！經常收到各地嘅朋友、中同和神同，去到邊都寄Postcard俾我，實在感激。我冇去過土耳其，或者，落船之後都係一個我想去探訪嘅地方。
~向山舉目：收到你五月18、20兩封信同圖，信入面你話「運動使人感到自由」，我喺呢度，尤其同意，因此，倘若落細細微雨冇得俾我哋做運動，又或者酷熱天氣又冇得做運動，雷暴又唔俾，咁我就真係覺得好冇自由了！夏天就係咁㗎啦，一時落雨、一時酷熱，一時雷暴、一時打風，非常令人激氣嘅天氣。
4)Patti：收到你5月3號嘅信，三月中你嗰封四頁紙嘅信，寄咗去冥王星，返唔到地球，我同佢無緣相見，每個月都會有一至兩成嘅信係咁。我估好過伊朗同北韓嘅，我好滿意。你嘅電工課上成點啊？喺外地生活，人人都要成為修理水電廁所師傅，對嗎？
~Ronnie: 收到你5月8號嘅信同笑話，我喺6月3號收到。我梗係OK啦，唔OK我死咗啦，有大家嘅同呼吸共命運齊上齊落，我more than OK㖭啦。我想知道喺加拿大，反侵侵的人多數支持自由黨卡尼的，是嗎？
5)生仔：收到你5月23號嘅信，所有探我嘅人都話市面死晒，我就唔係好信。你信入面話大班（唔係D100個大班）係賣麵包嗰間大班以及鴻星都停供強積金，都係少數啫，我唔信香港市面已死⋯⋯直到有個劏房波，喺度話擔心市況唱衰香港，先至令我有啲啲動搖。
~Teresa： 5月16號兩封信，我都係6月3號收到。今次寄來教育刺針嘅新聞， very good!感謝您一直update我好多網上消息，仲要係手寫嘅！
6)六月份最陰暗好似飛霜咁嘅嗰一日，收到中同L喺日本瀨戶內海藝術祭寄來嘅postcard，上面有班奇人坐船坐住去一個島，中同話嗰個係「拔摩島」。使徒約翰喺拔摩島坐冤獄，拔魔島喺希臘，香港都有，我也在開往拔摩島的慢船上，幾年了，可以效法使徒約翰寫拔摩島小說、詩集、夢集，加多本畫集都得，我嘅拔摩島四部曲。
~陳姑娘：你嘅Postcard，我喺六月燭光熄滅嘅嗰一日收到，你問我下一部電影我會做乜嘢？一係「悲情城市」啦，一係「回魂夜」或者「浪跡天涯」都未定㗎。大家有乜好提議？可以寫信話我知。
7)快必嘅回信嚟呢度，未到你嘅話，請俾多少少耐性，六月頭收信暫時都OK嘅。快必郵箱呢個星期都有好多朋友寄信俾佢，包括：第一次寫信嘅蒽仔由英國寄Postcard，Ming姐、泡菜媽媽、Fan俾快慢嘅信、兩送飯、向山舉目前後兩封信，Rebecca、古仔、Teresa、Silver比快必同其他船員嘅信，仲有冇署名寄咗兩疊彩圖新聞資料嘅朋友，多謝晒咁多位記掛住快必。
~ 寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=d4rG0JHPcwc
Jun 20
2025
1）收到快必6月9號寫嘅信，信嘅內容係咁嘅：
~2025年6月，回覆大家第二封信。海運執笠，我是傷感的。以前在電台工作，成日去嗰度睇首映， 30年前喺嗰度拍拖睇Forrest Gump，廿多年前分手邊緣喺嗰度睇 Cape Fear，最後一次睇嘅首映，係張學友做牧師、林嘉欣做教師，個牧師車個女教友上飛鵝山嗰單嘢，我唔記得咗套戲嘅名，套戲亦都唔好睇，導演係林嘉欣前夫。我淨係鍾意睇林嘉欣做「男人四十」，佢唔算係我like嘅女明星，我最like嘅女明星，全部都係鬼婆，雲妮路維達，茱迪科士打，茱莉亞蘿拔絲，姬蒂白蘭芝，等等，都是成熟韻味的，仲有姬嘉鐸、珍妮花羅倫斯同妮坦妮撲雯，大家都知我品味如何了。
~我係一個戲迷嚟嘅。嚟咗石壁之後，我都有戲睇㗎，因為更生職員嘅其中一樣工作，係比啲更生電影我哋睇，來決定我哋有冇更生、有冇悔改，值唔值得俾埋嗰三分之一我哋？由於我係一個戲迷，所以我睇更生電影，我都係用一個戲迷嘅角度評論嗰啲電影。我同職員佢哋分享，點樣謂之一套好嘅電影，一個好嘅劇本，可以成功洗人腦，坊間嗰啲垃圾福音電影咁，就唔得㗎啦。我係好認真咁同佢哋分享我嘅戲迷專業知識，喺更生職員嘅角度，我係咪比更生更更生呢？有冇三份一，唔緊要，我會繼續喺船上繼續睇我嘅「奧古斯丁懺悔錄」懺悔來更生我自己。
2)六月第一個星期收到大家嘅信，中同K喺英國寄來嘅卡，用唔同顏色代表倫敦不同嘅地方，泰晤士河係藍色、白金漢宮係肉色，西敏寺深少少三文魚色，倫敦眼摩天輪係淺紫色，很有趣。
~又收到眾樂教會弟兄姊妹同卜牧師嘅信，卜牧師仲同我講咗彼此相愛嘅教導， 2019年之後好多教會減少咗人，但眾樂教會逆市成長，好種樹咁種落咗嘅教會，小樹苗日漸長成，我也好開心呢！
3)手巾仔：收到兩張postcard，一張係以弗所城，另一張係棉花堡。慢必都有，手巾仔你好有心啊，去到邊都寄Postcard俾我，彷彿帶我去環遊世界呢！經常收到各地嘅朋友、中同和神同，去到邊都寄Postcard俾我，實在感激。我冇去過土耳其，或者，落船之後都係一個我想去探訪嘅地方。
~向山舉目：收到你五月18、20兩封信同圖，信入面你話「運動使人感到自由」，我喺呢度，尤其同意，因此，倘若落細細微雨冇得俾我哋做運動，又或者酷熱天氣又冇得做運動，雷暴又唔俾，咁我就真係覺得好冇自由了！夏天就係咁㗎啦，一時落雨、一時酷熱，一時雷暴、一時打風，非常令人激氣嘅天氣。
4)Patti：收到你5月3號嘅信，三月中你嗰封四頁紙嘅信，寄咗去冥王星，返唔到地球，我同佢無緣相見，每個月都會有一至兩成嘅信係咁。我估好過伊朗同北韓嘅，我好滿意。你嘅電工課上成點啊？喺外地生活，人人都要成為修理水電廁所師傅，對嗎？
~Ronnie: 收到你5月8號嘅信同笑話，我喺6月3號收到。我梗係OK啦，唔OK我死咗啦，有大家嘅同呼吸共命運齊上齊落，我more than OK㖭啦。我想知道喺加拿大，反侵侵的人多數支持自由黨卡尼的，是嗎？
5)生仔：收到你5月23號嘅信，所有探我嘅人都話市面死晒，我就唔係好信。你信入面話大班（唔係D100個大班）係賣麵包嗰間大班以及鴻星都停供強積金，都係少數啫，我唔信香港市面已死⋯⋯直到有個劏房波，喺度話擔心市況唱衰香港，先至令我有啲啲動搖。
~Teresa： 5月16號兩封信，我都係6月3號收到。今次寄來教育刺針嘅新聞， very good!感謝您一直update我好多網上消息，仲要係手寫嘅！
6)六月份最陰暗好似飛霜咁嘅嗰一日，收到中同L喺日本瀨戶內海藝術祭寄來嘅postcard，上面有班奇人坐船坐住去一個島，中同話嗰個係「拔摩島」。使徒約翰喺拔摩島坐冤獄，拔魔島喺希臘，香港都有，我也在開往拔摩島的慢船上，幾年了，可以效法使徒約翰寫拔摩島小說、詩集、夢集，加多本畫集都得，我嘅拔摩島四部曲。
~陳姑娘：你嘅Postcard，我喺六月燭光熄滅嘅嗰一日收到，你問我下一部電影我會做乜嘢？一係「悲情城市」啦，一係「回魂夜」或者「浪跡天涯」都未定㗎。大家有乜好提議？可以寫信話我知。
7)快必嘅回信嚟呢度，未到你嘅話，請俾多少少耐性，六月頭收信暫時都OK嘅。快必郵箱呢個星期都有好多朋友寄信俾佢，包括：第一次寫信嘅蒽仔由英國寄Postcard，Ming姐、泡菜媽媽、Fan俾快慢嘅信、兩送飯、向山舉目前後兩封信，Rebecca、古仔、Teresa、Silver比快必同其他船員嘅信，仲有冇署名寄咗兩疊彩圖新聞資料嘅朋友，多謝晒咁多位記掛住快必。
~ 寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |