| 發表文章 | 發起投票 | 回覆 |
【 2025年6月10日 快必開往拔摩島的航程 - 第1738日】
【 2025年6月10日 快必開往拔摩島的航程 - 第1738日】
TAMtakchi Fast Beat
https://m.youtube.com/watch?v=eGkIG87kV00&pp=0gcJCckJAYcqIYzv
Jun 10
2025
1)過咗端午節，盛夏突然間出現，落雨，快必冇得運動，慘嘅！但天氣太好，陽光太勁，喺中午時候做運動，快必同幾位同學一齊踢毽，都係另一種慘！快必話正午時候係運動時間，烈日當空，嗰對運動鞋，係啡色嘅，佢叫咖飯魚，仲要係鴛鴦嘅，左腳43號、右腳42號，佢話自己原本嘅size係41 ！冇計啦，同政府共渡財赤時艱。
~快必同先兩日探訪嘅中同講，因為太熱，所以赤膊踢毽，曬到背脊甩晒皮，沒有防曬搽，問船上嘅醫生有乜法子？佢話：「曬呀 ？唔好落去運動囉！ 」嘩，真係講得好啱！快必又話俾中同聽，星期日嗰杯奶茶，聽講係曾經坐過監嘅、後來做立法會議員嘅金撈詹爭取返嚟嘅，如今，子承父孽，佢入咗嚟石壁，如果阿仔可以爭取到太陽油嘅話，佢哋兩父子都可以記入香港監獄風雲史冊了，永遠有人記得佢哋。
~其實，除咗係做運動烈日當空之下熱到飛起之外，做完運動沖個凍水涼，都好爽，快必話返到自己間房，OK嘅！特別係近嚟隔離兩間房都係吉嘅，走廊外嘅風扇，都可以調校個角度對正佢間房，所以通風又涼浸浸，石壁環境，點都比荔枝角好啲。
2)因為M+有畢加索嘅畫展，除咗有報紙報道之外，都有朋友寄資料俾佢。所以又再刺激起佢嘅創作靈感，五月中，快必話自己又開始做必加索，攞返起水彩畫筆畫返畫，當然，抽象嘢多啦。通常係晚餐後，晚上7:30 左右，職員循例入嚟搜查完房之後，佢就開始畫，畫吓畫吓，唔經唔覺好快就會到10點，咁就上床瞓啦。
~因為開始畫返畫，又可能「夏天不是讀書天」，快必話呢排睇書嘅速度慢咗，亦都懶洋洋咁唔想睇太用腦、太多字嘅書。所以，就叫家人六月份入多啲唔同嘅雜誌俾佢睇，除咗日本時尚服裝之外，八卦雜誌、行山露營，手錶眼鏡都啱喎。
~中同又同快必傾到，落船之後，要去飲早茶，快必問佢哋邊間好喎？佢話知道中環蓮香開返喎，仲會唔會水滾茶靚呢？重開嘅點心係唔係都係老師傅？好唔好食㗎呢？佢已經諗定要食啲乜，基本嘢蝦餃燒賣腸粉叉燒包仲有芋角佢最like，棉花雞、山竹牛肉鳳爪排骨飯一定要啦！仲有兩年，快必已經約定中同、各方好友要一齊去飲茶了！
3)以上係快必最近嘅生活點滴。呢個星期仲未收到快必寄出嚟嘅信，但係佢有一篇「#快必讀贏」，繼續講「影子現象學」，佢話其中講「小丑」嗰一章，佢覺得係成本書最好睇嘅部份，不得不向大家推介。
~內容係咁嘅：
~「黑暗、黑夜」也有正面意義，蝙蝠俠黑夜之神，不就是這看法的表現嗎？蝙蝠俠係我最like嘅一套英雄片。
~古代的王，具有無與倫比的絕對性，以及賭命之危險，必須為了天災、失收、戰敗，甚至被刺殺附上代價，為了讓王持續享有特權並避開危險，要有人成為「待罪羔羊」的角色，體現一種「死與重生」的禮儀，找一個角色代替王去死，在王的身邊必須有一個小丑，扮演失敗者，代王接受懲罰，而小丑是王的無限絕對性的影子，製造出小丑。
4)此外，一個王國、一個法權要存在，必須有明確的疆界，內部是王土，外部是邪惡，不服從王權法權絕對性的人，就是惡人罪人，要定罪要悔改。但王一方面宣稱鄰國皆是惡人，另一方面卻要與鄰國交往，此時，正是小丑大派用場之時，因為小丑是「蠢蛋」，所以被允許與惡來往。蠢蛋與鄰國人交往時，不作任何善惡判斷，而交往的結果，也為王國帶來好處，古時代的俄羅斯，會起用外國人擔任小丑，小丑在王國的邊緣，在秩序以外，可與鄰國互通。
~小丑可以暢行於「兩個世界」，舞台或馬戲團內的小丑會穿黑白或紅白間條服裝，象徵他們遊走於兩個世界。一個王國之內，為了維持其秩序和統一性，必須割捨矛盾，製造規範，而為了維持規範和穩定，經常要犧牲事實，甚至真相真理。一切抵觸王權法權的，不論是什麼真相真理，人們必須視而不見，持續如此的話，遭到壓抑的真理真相，將逐漸擁有力量，最終累積成足以推翻王國的力量。這時候，小丑扮演了最早發現並揭露真相的角色，打破規範，如實說出真相，是小丑的使命，他很可能會因此而丟掉生命，但如果係當成一個小丑、一個笨蛋、一個諧角所說出來的話，或者就可以被原諒，不過，當然要視乎王國的暴力有幾暴力！？又或者，人們知道小丑說的是真話，小丑的真話所以被容許。有首詩如此說：「請幫我穿上條紋的衣裳／請給我說出內心話的自由/於是我將徹底洗淨/這變態世間的骯髒身軀」。保護自由說出真話者的制服，作為道出真相的人，小丑力量與想像力，何等巨大！
5)快必今日口訊話佢收信收到五月底，大家寫俾佢嘅信，佢都一一收到，所以如果未回覆到你嘅話，唔好氣餒。特別係寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=eGkIG87kV00&pp=0gcJCckJAYcqIYzv
Jun 10
2025
1)過咗端午節，盛夏突然間出現，落雨，快必冇得運動，慘嘅！但天氣太好，陽光太勁，喺中午時候做運動，快必同幾位同學一齊踢毽，都係另一種慘！快必話正午時候係運動時間，烈日當空，嗰對運動鞋，係啡色嘅，佢叫咖飯魚，仲要係鴛鴦嘅，左腳43號、右腳42號，佢話自己原本嘅size係41 ！冇計啦，同政府共渡財赤時艱。
~快必同先兩日探訪嘅中同講，因為太熱，所以赤膊踢毽，曬到背脊甩晒皮，沒有防曬搽，問船上嘅醫生有乜法子？佢話：「曬呀 ？唔好落去運動囉！ 」嘩，真係講得好啱！快必又話俾中同聽，星期日嗰杯奶茶，聽講係曾經坐過監嘅、後來做立法會議員嘅金撈詹爭取返嚟嘅，如今，子承父孽，佢入咗嚟石壁，如果阿仔可以爭取到太陽油嘅話，佢哋兩父子都可以記入香港監獄風雲史冊了，永遠有人記得佢哋。
~其實，除咗係做運動烈日當空之下熱到飛起之外，做完運動沖個凍水涼，都好爽，快必話返到自己間房，OK嘅！特別係近嚟隔離兩間房都係吉嘅，走廊外嘅風扇，都可以調校個角度對正佢間房，所以通風又涼浸浸，石壁環境，點都比荔枝角好啲。
2)因為M+有畢加索嘅畫展，除咗有報紙報道之外，都有朋友寄資料俾佢。所以又再刺激起佢嘅創作靈感，五月中，快必話自己又開始做必加索，攞返起水彩畫筆畫返畫，當然，抽象嘢多啦。通常係晚餐後，晚上7:30 左右，職員循例入嚟搜查完房之後，佢就開始畫，畫吓畫吓，唔經唔覺好快就會到10點，咁就上床瞓啦。
~因為開始畫返畫，又可能「夏天不是讀書天」，快必話呢排睇書嘅速度慢咗，亦都懶洋洋咁唔想睇太用腦、太多字嘅書。所以，就叫家人六月份入多啲唔同嘅雜誌俾佢睇，除咗日本時尚服裝之外，八卦雜誌、行山露營，手錶眼鏡都啱喎。
~中同又同快必傾到，落船之後，要去飲早茶，快必問佢哋邊間好喎？佢話知道中環蓮香開返喎，仲會唔會水滾茶靚呢？重開嘅點心係唔係都係老師傅？好唔好食㗎呢？佢已經諗定要食啲乜，基本嘢蝦餃燒賣腸粉叉燒包仲有芋角佢最like，棉花雞、山竹牛肉鳳爪排骨飯一定要啦！仲有兩年，快必已經約定中同、各方好友要一齊去飲茶了！
3)以上係快必最近嘅生活點滴。呢個星期仲未收到快必寄出嚟嘅信，但係佢有一篇「#快必讀贏」，繼續講「影子現象學」，佢話其中講「小丑」嗰一章，佢覺得係成本書最好睇嘅部份，不得不向大家推介。
~內容係咁嘅：
~「黑暗、黑夜」也有正面意義，蝙蝠俠黑夜之神，不就是這看法的表現嗎？蝙蝠俠係我最like嘅一套英雄片。
~古代的王，具有無與倫比的絕對性，以及賭命之危險，必須為了天災、失收、戰敗，甚至被刺殺附上代價，為了讓王持續享有特權並避開危險，要有人成為「待罪羔羊」的角色，體現一種「死與重生」的禮儀，找一個角色代替王去死，在王的身邊必須有一個小丑，扮演失敗者，代王接受懲罰，而小丑是王的無限絕對性的影子，製造出小丑。
4)此外，一個王國、一個法權要存在，必須有明確的疆界，內部是王土，外部是邪惡，不服從王權法權絕對性的人，就是惡人罪人，要定罪要悔改。但王一方面宣稱鄰國皆是惡人，另一方面卻要與鄰國交往，此時，正是小丑大派用場之時，因為小丑是「蠢蛋」，所以被允許與惡來往。蠢蛋與鄰國人交往時，不作任何善惡判斷，而交往的結果，也為王國帶來好處，古時代的俄羅斯，會起用外國人擔任小丑，小丑在王國的邊緣，在秩序以外，可與鄰國互通。
~小丑可以暢行於「兩個世界」，舞台或馬戲團內的小丑會穿黑白或紅白間條服裝，象徵他們遊走於兩個世界。一個王國之內，為了維持其秩序和統一性，必須割捨矛盾，製造規範，而為了維持規範和穩定，經常要犧牲事實，甚至真相真理。一切抵觸王權法權的，不論是什麼真相真理，人們必須視而不見，持續如此的話，遭到壓抑的真理真相，將逐漸擁有力量，最終累積成足以推翻王國的力量。這時候，小丑扮演了最早發現並揭露真相的角色，打破規範，如實說出真相，是小丑的使命，他很可能會因此而丟掉生命，但如果係當成一個小丑、一個笨蛋、一個諧角所說出來的話，或者就可以被原諒，不過，當然要視乎王國的暴力有幾暴力！？又或者，人們知道小丑說的是真話，小丑的真話所以被容許。有首詩如此說：「請幫我穿上條紋的衣裳／請給我說出內心話的自由/於是我將徹底洗淨/這變態世間的骯髒身軀」。保護自由說出真話者的制服，作為道出真相的人，小丑力量與想像力，何等巨大！
5)快必今日口訊話佢收信收到五月底，大家寫俾佢嘅信，佢都一一收到，所以如果未回覆到你嘅話，唔好氣餒。特別係寫開信嘅朋友，唔好停，請繼續寫呀，如果好耐冇寫信嘅呢，就快啲加入返筆友嘅行列。如果你仲未寫過信俾快必嘅話，就唔好怕羞唔好懶，嗱嗱臨拎起紙同筆，寫封信寄張卡俾佢啦，因為收到你哋嘅信同卡，對快必嚟講係好大嘅支持同鼓勵。有時間寫比慢必都好㗎，一樣可以寄去七姊妹郵箱。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |