| 發表文章 | 發起投票 | 回覆 |
【 2025年4月22日 快必開往拔摩島的航程 - 第1689日】
【 2025年4月22日 快必開往拔摩島的航程 - 第1689日】
TAMtakchi Fast Beat
https://m.youtube.com/watch?v=s4w_aELJdqE
Apr 22
2025
1)今日大嶼山有巴士着火！對住喺石壁嘅快必嚟講，原來都有啲影響㗎 ！咁啱今日係快必好友+red同咖啡達人HC喺長假期之後，一齊探訪快必。平時暢通無阻嘅交通，突然都塞咗10分8分鐘，當時，佢哋以為有車禍啦，點知一路開車見到好多「駁落」，最後見到塞車源頭，原來係一架着火嘅巴士停泊喺路中間，當時架巴士着火已經撲滅，交通亦都轉為順利。
2)唔知係因為呢單巴士着火意外，定係因為長假期之後影響，今日石壁探訪出現人滿之患，小小嘅等候室，坐都唔夠坐，企滿晒人，雖然工作繁忙，但係職員都好細心，將一本打返回頭嘅書，送返出嚟俾+red帶走，本書係快必台灣中同送嘅，書名叫「台灣使用指南」，其實係一個居台嘅德國作家，寫比德國讀者睇，等佢哋了解一下陌生嘅台灣啫，彈返轉頭入唔到，快必都拗晒頭，唔知點解。Anyway，今日探訪需有電子預約，但都要等咗差唔多40分鐘，先聽到叫Number，快必都係喺6號窗。
3)快必一見到探訪嘅老友，係咁揮手鬼咁開心，仲立即同佢哋報告，話大嶼山有巴士着火！嘩，佢哋都好驚訝，快必咁快收到消息嘅。快必話，因為有職員轉更，但係下一更嘅同事因為着火以外，未能準時交接，所以上一更嘅職員，就辛苦咗啦，要OT多兩個鐘喎！+red都同快必分享沿途入嚟嘅艱辛，架車行吓行吓都要特別小心，因為有好多牛牛！
4)天氣開始熱，快必話已經開始用冰巾了！特別係佢哋喺天台踢毽，陽光猛烈，有條冰巾涼快好多！仲有，佢話聽日開始換季啦！佢哋男子組雖然有腳毛，但係可以着短褲，都戥女子組嘅同學辛苦，大熱天時都要着長褲！佢又話，暫時風扇仍然係開最慢嘅一度，聽日，應該可以加快一度。不過，石壁點都係風涼水冷啲，感覺OK嘅。
5)+red同咖啡達人，都覺得快必瘦咗黑咗，但係知道快必唔鍾意黑鼆鼆嘅樣，佢哋就話係健康膚色囉！快必依家俾人叫做「古仔」，+red話咁都未升lev，依家人哋叫古老闆㗎！見到佢咁瘦，佢哋都估快必冇啖好食！快必話早餐啲飯好啲嘅，熱啲，同埋比較濕潤有水啲，晚餐嗰啲飯，就半生不熟，好難食，佢都有同職員討論過呢個問題，職員又好好喎，有解釋㗎，話：日頭啲飯啱啱煮好，所以比較軟綿有水，但係因為有食剩唔好嘥，就會溝落晚餐啲飯度，所以晚餐啲飯，就會半生不熟咁囉，快必都係有疑惑，咁夜晚食剩嗰啲，又有冇溝落朝頭早嘅飯度呢？唔…職員話…要諗諗先知點答喎。
6)快必話尋日隔籬嗰個好鍾意睇玄學講命理嘅囚友問佢，梵蒂岡嘅梵字點寫啊？快必好有心話俾佢知林字下邊加個凡呀！嘩，點知佢立即大師上身，話自己真係算到今年有木字會有禍，所以教宗咪死囉！快必聽到，立即鬧鬼佢都黐線嘅！佢話，教宗都唔係姓梵，梵蒂岡係譯名，真係痴痴哋！快必話都有正常嘅職員㗎，好有sense ，有次仲喺度笑佢: 「你算唔算到自己要入嚟啊？ ！」佢話算到喎！（因為咁樣先至可以當自己好靈啦！）
7)嚟緊下星期，就有第一批同學落船。同快必一齊踢開踺嘅同學，都有一個有份，積極做好落船準備！日日都有人探訪佢，日日都有人提佢幾點落船比較好喎！快必話自己冇得落船住，但諗緊兩年之後落船嘅日子，梗係要鋪張一下啦！凌晨落船，可以立即去酒吧飲杯啤酒，都係唔錯嘅選擇！
8)原本五個一齊踢毽，少咗一個，都可以繼續2打2 ，唔使一個做評判。快必話如果踢毽輸咗，就要做25吓掌上壓，如果唔好彩，個踺踢得太高出咗個籠，咁就罰得慘啲，要做100吓咁！所以，佢有時都做唔少掌上壓，腹肌慢慢來了！當然佢揭高件衫show下腹肌嘅時候，仍然係一片嘅！不過，好明顯佢又好自信咁show下自己嘅鎖骨，又真係好骨感！
9)因為「台灣使用指南」呢本書入唔到俾佢，快必於是同職員先討論一下自己嚟緊想入嘅書，唔駛彈返轉頭，費事失事，嗱，聽講「文明的流轉」、「意外的國度」同「逃離中國」都得喎，所以快必叫好友，為佢準備，下個星期探訪嘅時候，帶俾佢喎！梗係得啦，不過，入到？真係入到？入唔入到㗎？唔知㗎，總之到時入到咪係入到囉！30分鐘嘅探訪，好開心咁結束！
10)經過長假期，，快必嘅郵箱都收到唔少朋友寄來嘅信，包括：泡菜媽前後兩封信、黃鶯媽、向山舉目、阿生、三高的美食家比快慢嘅信， Ronnie比快必同其他船員嘅信、元朗人齋啡嘅Postcard，同梁婆婆嘅復活節咭，多謝晒咁多位記掛住快必。
~如果你仲未寫過信俾快必，唔好怕羞唔好懶啦，買張靚靚嘅卡又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=s4w_aELJdqE
Apr 22
2025
1)今日大嶼山有巴士着火！對住喺石壁嘅快必嚟講，原來都有啲影響㗎 ！咁啱今日係快必好友+red同咖啡達人HC喺長假期之後，一齊探訪快必。平時暢通無阻嘅交通，突然都塞咗10分8分鐘，當時，佢哋以為有車禍啦，點知一路開車見到好多「駁落」，最後見到塞車源頭，原來係一架着火嘅巴士停泊喺路中間，當時架巴士着火已經撲滅，交通亦都轉為順利。
2)唔知係因為呢單巴士着火意外，定係因為長假期之後影響，今日石壁探訪出現人滿之患，小小嘅等候室，坐都唔夠坐，企滿晒人，雖然工作繁忙，但係職員都好細心，將一本打返回頭嘅書，送返出嚟俾+red帶走，本書係快必台灣中同送嘅，書名叫「台灣使用指南」，其實係一個居台嘅德國作家，寫比德國讀者睇，等佢哋了解一下陌生嘅台灣啫，彈返轉頭入唔到，快必都拗晒頭，唔知點解。Anyway，今日探訪需有電子預約，但都要等咗差唔多40分鐘，先聽到叫Number，快必都係喺6號窗。
3)快必一見到探訪嘅老友，係咁揮手鬼咁開心，仲立即同佢哋報告，話大嶼山有巴士着火！嘩，佢哋都好驚訝，快必咁快收到消息嘅。快必話，因為有職員轉更，但係下一更嘅同事因為着火以外，未能準時交接，所以上一更嘅職員，就辛苦咗啦，要OT多兩個鐘喎！+red都同快必分享沿途入嚟嘅艱辛，架車行吓行吓都要特別小心，因為有好多牛牛！
4)天氣開始熱，快必話已經開始用冰巾了！特別係佢哋喺天台踢毽，陽光猛烈，有條冰巾涼快好多！仲有，佢話聽日開始換季啦！佢哋男子組雖然有腳毛，但係可以着短褲，都戥女子組嘅同學辛苦，大熱天時都要着長褲！佢又話，暫時風扇仍然係開最慢嘅一度，聽日，應該可以加快一度。不過，石壁點都係風涼水冷啲，感覺OK嘅。
5)+red同咖啡達人，都覺得快必瘦咗黑咗，但係知道快必唔鍾意黑鼆鼆嘅樣，佢哋就話係健康膚色囉！快必依家俾人叫做「古仔」，+red話咁都未升lev，依家人哋叫古老闆㗎！見到佢咁瘦，佢哋都估快必冇啖好食！快必話早餐啲飯好啲嘅，熱啲，同埋比較濕潤有水啲，晚餐嗰啲飯，就半生不熟，好難食，佢都有同職員討論過呢個問題，職員又好好喎，有解釋㗎，話：日頭啲飯啱啱煮好，所以比較軟綿有水，但係因為有食剩唔好嘥，就會溝落晚餐啲飯度，所以晚餐啲飯，就會半生不熟咁囉，快必都係有疑惑，咁夜晚食剩嗰啲，又有冇溝落朝頭早嘅飯度呢？唔…職員話…要諗諗先知點答喎。
6)快必話尋日隔籬嗰個好鍾意睇玄學講命理嘅囚友問佢，梵蒂岡嘅梵字點寫啊？快必好有心話俾佢知林字下邊加個凡呀！嘩，點知佢立即大師上身，話自己真係算到今年有木字會有禍，所以教宗咪死囉！快必聽到，立即鬧鬼佢都黐線嘅！佢話，教宗都唔係姓梵，梵蒂岡係譯名，真係痴痴哋！快必話都有正常嘅職員㗎，好有sense ，有次仲喺度笑佢: 「你算唔算到自己要入嚟啊？ ！」佢話算到喎！（因為咁樣先至可以當自己好靈啦！）
7)嚟緊下星期，就有第一批同學落船。同快必一齊踢開踺嘅同學，都有一個有份，積極做好落船準備！日日都有人探訪佢，日日都有人提佢幾點落船比較好喎！快必話自己冇得落船住，但諗緊兩年之後落船嘅日子，梗係要鋪張一下啦！凌晨落船，可以立即去酒吧飲杯啤酒，都係唔錯嘅選擇！
8)原本五個一齊踢毽，少咗一個，都可以繼續2打2 ，唔使一個做評判。快必話如果踢毽輸咗，就要做25吓掌上壓，如果唔好彩，個踺踢得太高出咗個籠，咁就罰得慘啲，要做100吓咁！所以，佢有時都做唔少掌上壓，腹肌慢慢來了！當然佢揭高件衫show下腹肌嘅時候，仍然係一片嘅！不過，好明顯佢又好自信咁show下自己嘅鎖骨，又真係好骨感！
9)因為「台灣使用指南」呢本書入唔到俾佢，快必於是同職員先討論一下自己嚟緊想入嘅書，唔駛彈返轉頭，費事失事，嗱，聽講「文明的流轉」、「意外的國度」同「逃離中國」都得喎，所以快必叫好友，為佢準備，下個星期探訪嘅時候，帶俾佢喎！梗係得啦，不過，入到？真係入到？入唔入到㗎？唔知㗎，總之到時入到咪係入到囉！30分鐘嘅探訪，好開心咁結束！
10)經過長假期，，快必嘅郵箱都收到唔少朋友寄來嘅信，包括：泡菜媽前後兩封信、黃鶯媽、向山舉目、阿生、三高的美食家比快慢嘅信， Ronnie比快必同其他船員嘅信、元朗人齋啡嘅Postcard，同梁婆婆嘅復活節咭，多謝晒咁多位記掛住快必。
~如果你仲未寫過信俾快必，唔好怕羞唔好懶啦，買張靚靚嘅卡又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |