| 發表文章 | 發起投票 | 回覆 |
【 2025年4月4日 快必開往拔摩島的航程 - 第1671日】
【 2025年4月4日 快必開往拔摩島的航程 - 第1671日】
TAMtakchi Fast Beat
https://m.youtube.com/watch?v=BwaW4lRkzvQ
Apr 4
2025
1)快必有口訊話4月1號收到三月中寄俾佢嘅一疊信，睇返record，應該係包括Silver，Teresa、阿生，康嘅復活節卡，Jan Jan 信同卡，以及Fan 嘅信，希望好快收到佢嘅回信啦。蕩失路嗰幾疊信，繼續喺銀河系流浪，快必未能一一回覆，請大家多多見諒，千祈唔好氣餒唔寫信呀！
2）快必有寫信出嚟話，四個幾月嘅石壁生活，一切習慣晒。之前曾經擔心喺石壁，日用品例如廁紙要配給，口罩同信封會唔夠用，不過依家呢啲擔憂一掃而空，唔知赤柱羅湖其他地方有冇因財赤而物資緊絀呢？快必話佢哋做運動嗰對其實係「啡」飯魚，唔係白色嘅，可能係襯返套校服啦，都係啡色，雖然只係每日一個鐘嘅運動，但係啡飯魚好快爛，平均要兩個月換一對，可惜呢排冇新鞋著。另外踢毽嗰啲毽又好易散，快必話可能自己大力金剛腿太勁，踢一個星期左右，隻毽就爛，又係冇得換新，唉！
3）膳食方面，以前喺荔枝角禮拜日嗰嚿牛肉球，難食到飛起，但呢度石壁嗰嚿，尚可入口，不過星期六朝嗰嚿豬肉球，就難食到飛起，上帝俾你好食嘅牛肉球，又會比返難食嘅豬肉球你，調返轉講都得。Anyway 嗰嚿豬肉球，食咗一啖，真係啃唔落，所以星期六食得最少，不過唔怕，快必話手上有用人工買嘅小食、餅乾。朝早唔好食，唔緊要，中午嘅粥一般都幾好，仲會加埋兩塊三角形嘅包，有時係牛油，有時係果jam， OK嘅。
~講到食，快必有封信講佢同孤獨的美食家的最近嘅對話。內容係咁嘅：
4)先幾日我講緊飲酒，船上那位孤獨的美食家就有啲不滿我，說我一味只係講飲酒，唔講食乜嘢。孤獨的美食家話俾我知，有關佢發咗一個夢：夢入面佢喺一艘慢船上面，船開得好慢，真係好慢，慢到窗外嘅景物沒有一絲的改變。孤獨的美食家由聽到城市的煩囂到野外的鳥語，他不是用眼見到時間的流逝，也不是用耳朵去聽歲月的轉變，他是用心知道時光一直向前，沒有憐惜，以為過得快而快樂，其實所有的人，所有的生命，也快速地向着死亡奔去，有些人上岸，有些人到了彼岸。孤獨的美食家說在夢中不斷有人向他揮手，揮手是代表什麼呢？叫孤獨的美食家繼續航行？別再掛念那些人？抑或揮手代表叫美食家趕快上岸呢？
5)孤獨的美食家也不清楚那些人向他揮手的意思，但他見到岸上有一圍菜，是潮州菜，我問孤獨的美食家：「你喜歡潮州菜嗎？」孤獨的美食家說：「不特別喜歡，但就是夢中的一圍菜。我其實比較喜歡上海、蘇杭菜。」我心諗，孤獨的美食家同我一樣口味喎。我問佢，咁你睇到嗰圍潮州菜有啲乜嘢食啊？孤獨的美食家見我終於同佢講「食」，之前嘅唔開心冇晒，開始侃侃而談。
～首先，係頭盤！
有鵝腸拼鵝肝、椒醬肉、滷水鵝件有骨㗎，唔係鵝片，仲有滷水蛋拼豆腐！我話：正呀，送酒一流！
～孤獨的美食家話，除咗頭盤之外，仲有主菜㗎，主菜係大馬友凍熱兩食，豉油王吊桶，有芽菜墊底，鹹排骨炆春菜，花甲肉碎煮蘿蔔，仲有胡椒鹹菜豬肚粉腸湯！湯啊湯啊，我四年幾冇飲過湯啦！
～食潮州嘢又點可以冇「冷」呢？有㗎，孤獨的美食家話仲有蠔仔肉碎粥添！仲加埋水晶包同白果芋泥做甜品！呢一餐真係飽到上心口啦。
6)我就好好奇，問孤獨的美食家喺夢入面，居然見到12道潮州菜，「點解會咁清晰細緻發呢一個潮州美食夢呢？」佢話都唔知點解，不過，孤獨的美食家打算上岸嗰日，會搵一間正嘅潮州菜館，叫一枱咁樣嘅菜食！我就叫佢預埋我呀，仲問佢可唔可以加多埋生醃螄蚶呢？
～孤獨的美食家好爽快答應，不過佢就話都要係兩年之後嘅事了。佢話：「兩年之後，邊個講得埋呀？!」
「呢四年幾嚟每日上山，你都捱過咗啦，西西弗斯的大石正在下山呢！」我同佢講。
「但你有冇聽過愈近上岸，時間會愈過得慢，日子愈難捱呢？」美食家問。
「時間是主觀的，我知，而到底人係時間嘅主人，抑或倒轉呢？我都講唔定。」我忽然又想起奧古斯丁對時間的論述。
「點都好，到時我有美食，你有好酒，我哋要好好相聚一下。」孤獨的美食家說。
～孤獨的美食家似乎不太孤獨，或者享受孤獨的人之所以可以「享受」孤獨，因為佢哋知道，最後有一筵席，有大班朋友以及所愛的人可以一同慶祝。
8)好快好快就到復活節，如果你仲未寫過信俾快必，唔好怕羞唔好懶啦，寄張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=BwaW4lRkzvQ
Apr 4
2025
1)快必有口訊話4月1號收到三月中寄俾佢嘅一疊信，睇返record，應該係包括Silver，Teresa、阿生，康嘅復活節卡，Jan Jan 信同卡，以及Fan 嘅信，希望好快收到佢嘅回信啦。蕩失路嗰幾疊信，繼續喺銀河系流浪，快必未能一一回覆，請大家多多見諒，千祈唔好氣餒唔寫信呀！
2）快必有寫信出嚟話，四個幾月嘅石壁生活，一切習慣晒。之前曾經擔心喺石壁，日用品例如廁紙要配給，口罩同信封會唔夠用，不過依家呢啲擔憂一掃而空，唔知赤柱羅湖其他地方有冇因財赤而物資緊絀呢？快必話佢哋做運動嗰對其實係「啡」飯魚，唔係白色嘅，可能係襯返套校服啦，都係啡色，雖然只係每日一個鐘嘅運動，但係啡飯魚好快爛，平均要兩個月換一對，可惜呢排冇新鞋著。另外踢毽嗰啲毽又好易散，快必話可能自己大力金剛腿太勁，踢一個星期左右，隻毽就爛，又係冇得換新，唉！
3）膳食方面，以前喺荔枝角禮拜日嗰嚿牛肉球，難食到飛起，但呢度石壁嗰嚿，尚可入口，不過星期六朝嗰嚿豬肉球，就難食到飛起，上帝俾你好食嘅牛肉球，又會比返難食嘅豬肉球你，調返轉講都得。Anyway 嗰嚿豬肉球，食咗一啖，真係啃唔落，所以星期六食得最少，不過唔怕，快必話手上有用人工買嘅小食、餅乾。朝早唔好食，唔緊要，中午嘅粥一般都幾好，仲會加埋兩塊三角形嘅包，有時係牛油，有時係果jam， OK嘅。
~講到食，快必有封信講佢同孤獨的美食家的最近嘅對話。內容係咁嘅：
4)先幾日我講緊飲酒，船上那位孤獨的美食家就有啲不滿我，說我一味只係講飲酒，唔講食乜嘢。孤獨的美食家話俾我知，有關佢發咗一個夢：夢入面佢喺一艘慢船上面，船開得好慢，真係好慢，慢到窗外嘅景物沒有一絲的改變。孤獨的美食家由聽到城市的煩囂到野外的鳥語，他不是用眼見到時間的流逝，也不是用耳朵去聽歲月的轉變，他是用心知道時光一直向前，沒有憐惜，以為過得快而快樂，其實所有的人，所有的生命，也快速地向着死亡奔去，有些人上岸，有些人到了彼岸。孤獨的美食家說在夢中不斷有人向他揮手，揮手是代表什麼呢？叫孤獨的美食家繼續航行？別再掛念那些人？抑或揮手代表叫美食家趕快上岸呢？
5)孤獨的美食家也不清楚那些人向他揮手的意思，但他見到岸上有一圍菜，是潮州菜，我問孤獨的美食家：「你喜歡潮州菜嗎？」孤獨的美食家說：「不特別喜歡，但就是夢中的一圍菜。我其實比較喜歡上海、蘇杭菜。」我心諗，孤獨的美食家同我一樣口味喎。我問佢，咁你睇到嗰圍潮州菜有啲乜嘢食啊？孤獨的美食家見我終於同佢講「食」，之前嘅唔開心冇晒，開始侃侃而談。
～首先，係頭盤！
有鵝腸拼鵝肝、椒醬肉、滷水鵝件有骨㗎，唔係鵝片，仲有滷水蛋拼豆腐！我話：正呀，送酒一流！
～孤獨的美食家話，除咗頭盤之外，仲有主菜㗎，主菜係大馬友凍熱兩食，豉油王吊桶，有芽菜墊底，鹹排骨炆春菜，花甲肉碎煮蘿蔔，仲有胡椒鹹菜豬肚粉腸湯！湯啊湯啊，我四年幾冇飲過湯啦！
～食潮州嘢又點可以冇「冷」呢？有㗎，孤獨的美食家話仲有蠔仔肉碎粥添！仲加埋水晶包同白果芋泥做甜品！呢一餐真係飽到上心口啦。
6)我就好好奇，問孤獨的美食家喺夢入面，居然見到12道潮州菜，「點解會咁清晰細緻發呢一個潮州美食夢呢？」佢話都唔知點解，不過，孤獨的美食家打算上岸嗰日，會搵一間正嘅潮州菜館，叫一枱咁樣嘅菜食！我就叫佢預埋我呀，仲問佢可唔可以加多埋生醃螄蚶呢？
～孤獨的美食家好爽快答應，不過佢就話都要係兩年之後嘅事了。佢話：「兩年之後，邊個講得埋呀？!」
「呢四年幾嚟每日上山，你都捱過咗啦，西西弗斯的大石正在下山呢！」我同佢講。
「但你有冇聽過愈近上岸，時間會愈過得慢，日子愈難捱呢？」美食家問。
「時間是主觀的，我知，而到底人係時間嘅主人，抑或倒轉呢？我都講唔定。」我忽然又想起奧古斯丁對時間的論述。
「點都好，到時我有美食，你有好酒，我哋要好好相聚一下。」孤獨的美食家說。
～孤獨的美食家似乎不太孤獨，或者享受孤獨的人之所以可以「享受」孤獨，因為佢哋知道，最後有一筵席，有大班朋友以及所愛的人可以一同慶祝。
8)好快好快就到復活節，如果你仲未寫過信俾快必，唔好怕羞唔好懶啦，寄張靚靚嘅復活節卡、又或者寫封信，同快必say hi啦！有時間寫比慢必都OK 㗎，一樣可以寄去七姊妹郵箱。
～寫開信嘅朋友，唔好停繼續寫呀，如果好耐冇寫信嘅呢，就快啲加入返筆友嘅行列。因為收到你哋嘅信用卡，對快必嚟講係好大嘅支持同鼓勵。
~不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |