Another新手講故

我早排都有個故想出小說既，唔知掂唔掂，新手寫故，多多支持

個故仔名未開住，先出左~prologue~先

~prologue~
我叫做xxx，膠登網名叫做毒撚A，雙失青年一名，
終日流連膠登，F5個制都壞左好多次，要攪到換左幾個keyboard。

不過，由於呀媽入左醫院休養，點都要定期去睇佢既。
座巴士去醫院途中，個電視上面又係度講緊D聖誕消費資訊。

對於毒撚來講，聖誕呢幾日係最難捱既日子：
出街又要對住D蝗蟲；上膠登果幾日又會少左人post野，
甚至連動畫都會因為假期而停播，真係好想既係從日曆中摵走呢幾日。

見到呀媽，睇佢面色都唔錯，只係有少少倦既感覺，問到病程，
醫生要佢留到出年至決定批唔批出院，怕會反復喎。
不過呀媽話：你聖誕節都係出去行下啦，成日留係屋企會屈病架。

我就諗：叫我同D蝗蟲迫，未仲易中招...........
不過今年個流感高峰期點解仲未到既，早排電視成日叫人打疫苗架。
但新聞又無話到流感高峰期到喎，唔通政府又流左D無謂錢去益班貪官？
定係今次果批強國疫苗真係駛得？

~待續~

2013/06/21, 9:06:13 上午

本貼文共有 7 個回覆

此貼文已鎖，將不接受回覆

(一)
十二月二十四日晚上

一如以往去完醫院，跟住趁時間尚早，去759買來緊幾日既口糧。
正在選擇買某種快熟焗飯之際，聽到兩個師拉八掛閑談。

師拉A: 樓上D座果個呀伯，尋晚又發酒顛啦，仲咬左個孫女喎。
師拉B: 唔係呀嘩?
師拉A: 佢個孫女喊晒咁沖出門口周圍拍門叫救命，D鄰居開門睇下乜野事，
見到果個呀伯成面紅晒，成口係血咁沖過來。
個鄰居一腳燦伸開呀伯，一手拉個細佬女入屋，其他鄰居未報警囉。
師拉B: 咁跟住呢？
師拉A: 後來警察來到，個呀伯沖埋去想咬個警察，警察攞支警棍格擋，
糾纏緊既時侯，個警察都受左傷。
師拉B：嘩！咁似喪屍片既？
師拉A: 似早幾年美國果單野囉。不過後來都制服到個呀伯。
個細路女同個警察都入左醫院，個鄰居未錄緊口供囉。
師拉B：唔知個呀伯係未吸毒呢？
師拉A: 咁就唔知啦！不過佢成日飲酒就真既，成日都飲醉酒發顛，不過咬人都係今次至係………

我聽到兩個師拉講到呢度，都未諗到買乜野飯食，求其咁拎左兩包雜菌會飯，
同埋幾包德國薯片去收銀度比錢。

心係度諗：又有喪屍出沒？上次都係吸浴鹽，今次飲酒都咬人，唔係呀嘩？
行左六層樓梯返到屋企，開左支有氣既水飲，上上膠登八掛下有乜新聞先………

~待續~

#12013/06/21, 7:31:55 晚上

引用快速引用