| 發表文章 | 發起投票 | 回覆 |
【 2024年3月7日 快必開往拔摩島的航程 - 第1279日】
【 2024年3月7日 快必開往拔摩島的航程 - 第1279日】
TAMtakchi Fast Beat
https://m.youtube.com/watch?v=Zr5dmQ6QUU8
Mar 7
2024
【耐人尋味之快必失驚無神上高院】
//快必文字獄上訴，今朝出判決書，都冇乜意外，冇乜特別。
但卻有啲蝦碌！//
1)快必本來諗住唔使上庭，律師團隊搞掂，都係拎份劇本啫。點知今朝8點家人收到福利官嘅電話，話佢今朝要上庭，why ? 完全唔知乜事！點都好，去咗法庭先算啦！
2)開庭前幾分鐘，快必喺後台進入劇院，佢一頭霧水見到律師，就問吓咩事啦。家人坐喺家屬位置第一行嘅最埋邊，本來，都可以睇到晒邊個樣嘅，點知有一個紋眉老妖實Q頭，搬張凳喺前面，差使一個老弱殘Q坐喺度block住視綫。家人於是移過隔離兩個位啦，嗰個紋眉老妖又企圖阻止，咁咪問佢隔離唔係記者位喎，佢話係係公眾位，「咁我哋咪公眾囉！」紋眉老妖頓時語塞，實Q係大晒嘅，佢以為！紋眉老妖嗰一對核突紋眉，絕對冇辜負到佢揸住雞毛嘅衰格奴性，好襯呀！
擾攘一番， 9:30準時開庭。
3)由於今日係突發上庭，根本都嚟唔切通知大家，除咗係記者席上坐滿人之外，只有幾位有心人喺席上，無論有冇嚟到嘅朋友，都多謝大家關心快必同呢一單案！
今朝場戲，Do-Re-Mi福祿壽！戴晒假髮，造型十足。何惜男主角快必，因為臨時臨急出場，冇準備到戲服，着返幾個月前入咗倉嘅衫褲鞋襪，灰色嘅西裝褸雖然好靚，不過好皺、仲有熊仔T恤，都好似喺玻璃樽度拎出嚟咁，影響晒佢嘅形象！好彩，佢斑駁嘅銀灰色頭髮，長長哋正中分界，絕對展示出咗佢心目中坂本龍一嘅造型，所以佢都係自信滿滿嘅！
4)法庭好好嘅，安排咗一個女翻譯官，嗰邊一路讀英文稿，佢呢邊就一路翻譯俾快必聽，花咗半個鐘左右讀完晒，要退庭啦，但係女翻譯官話，未讀完喎佢，唯有落返去羈留室嗰度繼續，佢認真係敬業樂業，專業又有責任心！
大家如果想知道內容，可以click入去庭刋：https://www.facebook.com/100086412737... 或法庭線https://bit.ly/3uORYTi ，了解一下。
5)由於快必仲係還押，雖然去咗高院，都仲有時間可以探佢嘅。家人同成年冇見嘅好友張昶，於是落去羈留室探快必，懲教署都安排得好好嘅。
快必見到張昶好鬼開心，問候一下之後，終於，講出佢今日上庭嘅經歷！
6)原來尋日四五點嘅時候，收到法院嘅信，信入面話就佢上訴發判詞，都冇提到佢要上庭，但有話律師唔使上庭。於是懲教署嘅職員好忙，話叫佢準備聽日上庭，但係快必又話佢已經同律師講咗唔使上㗎喎，律師都唔使上，點解佢要上啫？同學仔之中有大狀㗎嘛，大狀都話唔使上㗎喎，呢啲判詞直頭網上頒發嘅啦，官都唔使上庭啊！
到咗今朝，懲教署職員都係叫快必落去Office，話要簽張紙先，後來，既然都落到嚟喇，換定衫先啦，於是又換埋衫，職員話打電話去法庭嗰邊問，最後，都係上埋車，8:00左右終於出車，就係咁，就送咗上庭啦！不過職員都好好，立即通知佢家人，唔使等今日原本探訪嘅珏明摸門釘！
7)快必話，今朝如平常5點左右起身，同職員和平咁討論究竟要唔要上庭，最後都冇計，要跟職員落去Office，啲同學仔仲話，落去簽完文件，想返嚟等佢一齊踢毽喎！點知呢……快必除咗，妖，之外，第一時間諗：弊，無入新衫褲鞋襪上庭著添！跟住，哎呀，冇order 上庭早餐食，（一般上庭係預先叫三文治餐嘅）總之，激死！而佢嘅早餐，一般係9:30送過嚟嘅，所以佢又冇得食，今日又葡撻㖭啊！慘！
喺高院嘅羈留室探訪，都係得15分鐘嘅，但係就冇乜人，唔使等好耐，好快就探訪結束。雖然喺庭上唔夠一個鐘，但係一早出嚟，都要晏晝先返到入去荔枝角。中午家人叫咗高院嘅茶餐廳飯俾佢食，都係show me your love粟米肉粒飯嗰隻啦，好過冇！到夜晚，佢先至有正常嘅私飯食！出場時間短，等候期間長，佢話好彩有神師Dr Kung 陪伴，因為佢帶咗一本「政治神學導論」嘅宗教書陪伴，序言出自龔老師嘅。
8)有咗今次失驚無神，耐人尋味嘅上庭經驗，快必話遲啲去終審上訴嘅時候，一定會預早入定靚衫出場！
9)話咁快又就嚟到復活節，如果你仲未寫過信俾快必或者其他船員嘅話，係時候扚起心肝啦，唔好懶唔好怕羞，搵時間買張靚靚嘅復活節咭，寄俾快必或者其他船員啦。收到你哋嘅信同埋卡，對佢哋嚟講係好大嘅支持同鼓勵。
呢個星期快必嘅郵箱都好多信㗎，包括首次寫信俾快必嘅Andy，阿生，美國嘅Jacqueline，加拿大嘅Ronnie 、小月、Mango同Anthony、Teresa，向山舉目，同黃鶯媽前後三封，最後仲有一市民嘅兩張Postcard，多謝晒咁多位記掛住快必。
寫開信嘅朋友，請繼續寫，唔好停呀！至於好耐冇寫過信嘅朋友，有時間嘅話，就加入返筆友嘅行列，update吓自己嘅近況。
不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
TAMtakchi Fast Beat
https://m.youtube.com/watch?v=Zr5dmQ6QUU8
Mar 7
2024
【耐人尋味之快必失驚無神上高院】
//快必文字獄上訴，今朝出判決書，都冇乜意外，冇乜特別。
但卻有啲蝦碌！//
1)快必本來諗住唔使上庭，律師團隊搞掂，都係拎份劇本啫。點知今朝8點家人收到福利官嘅電話，話佢今朝要上庭，why ? 完全唔知乜事！點都好，去咗法庭先算啦！
2)開庭前幾分鐘，快必喺後台進入劇院，佢一頭霧水見到律師，就問吓咩事啦。家人坐喺家屬位置第一行嘅最埋邊，本來，都可以睇到晒邊個樣嘅，點知有一個紋眉老妖實Q頭，搬張凳喺前面，差使一個老弱殘Q坐喺度block住視綫。家人於是移過隔離兩個位啦，嗰個紋眉老妖又企圖阻止，咁咪問佢隔離唔係記者位喎，佢話係係公眾位，「咁我哋咪公眾囉！」紋眉老妖頓時語塞，實Q係大晒嘅，佢以為！紋眉老妖嗰一對核突紋眉，絕對冇辜負到佢揸住雞毛嘅衰格奴性，好襯呀！
擾攘一番， 9:30準時開庭。
3)由於今日係突發上庭，根本都嚟唔切通知大家，除咗係記者席上坐滿人之外，只有幾位有心人喺席上，無論有冇嚟到嘅朋友，都多謝大家關心快必同呢一單案！
今朝場戲，Do-Re-Mi福祿壽！戴晒假髮，造型十足。何惜男主角快必，因為臨時臨急出場，冇準備到戲服，着返幾個月前入咗倉嘅衫褲鞋襪，灰色嘅西裝褸雖然好靚，不過好皺、仲有熊仔T恤，都好似喺玻璃樽度拎出嚟咁，影響晒佢嘅形象！好彩，佢斑駁嘅銀灰色頭髮，長長哋正中分界，絕對展示出咗佢心目中坂本龍一嘅造型，所以佢都係自信滿滿嘅！
4)法庭好好嘅，安排咗一個女翻譯官，嗰邊一路讀英文稿，佢呢邊就一路翻譯俾快必聽，花咗半個鐘左右讀完晒，要退庭啦，但係女翻譯官話，未讀完喎佢，唯有落返去羈留室嗰度繼續，佢認真係敬業樂業，專業又有責任心！
大家如果想知道內容，可以click入去庭刋：https://www.facebook.com/100086412737... 或法庭線https://bit.ly/3uORYTi ，了解一下。
5)由於快必仲係還押，雖然去咗高院，都仲有時間可以探佢嘅。家人同成年冇見嘅好友張昶，於是落去羈留室探快必，懲教署都安排得好好嘅。
快必見到張昶好鬼開心，問候一下之後，終於，講出佢今日上庭嘅經歷！
6)原來尋日四五點嘅時候，收到法院嘅信，信入面話就佢上訴發判詞，都冇提到佢要上庭，但有話律師唔使上庭。於是懲教署嘅職員好忙，話叫佢準備聽日上庭，但係快必又話佢已經同律師講咗唔使上㗎喎，律師都唔使上，點解佢要上啫？同學仔之中有大狀㗎嘛，大狀都話唔使上㗎喎，呢啲判詞直頭網上頒發嘅啦，官都唔使上庭啊！
到咗今朝，懲教署職員都係叫快必落去Office，話要簽張紙先，後來，既然都落到嚟喇，換定衫先啦，於是又換埋衫，職員話打電話去法庭嗰邊問，最後，都係上埋車，8:00左右終於出車，就係咁，就送咗上庭啦！不過職員都好好，立即通知佢家人，唔使等今日原本探訪嘅珏明摸門釘！
7)快必話，今朝如平常5點左右起身，同職員和平咁討論究竟要唔要上庭，最後都冇計，要跟職員落去Office，啲同學仔仲話，落去簽完文件，想返嚟等佢一齊踢毽喎！點知呢……快必除咗，妖，之外，第一時間諗：弊，無入新衫褲鞋襪上庭著添！跟住，哎呀，冇order 上庭早餐食，（一般上庭係預先叫三文治餐嘅）總之，激死！而佢嘅早餐，一般係9:30送過嚟嘅，所以佢又冇得食，今日又葡撻㖭啊！慘！
喺高院嘅羈留室探訪，都係得15分鐘嘅，但係就冇乜人，唔使等好耐，好快就探訪結束。雖然喺庭上唔夠一個鐘，但係一早出嚟，都要晏晝先返到入去荔枝角。中午家人叫咗高院嘅茶餐廳飯俾佢食，都係show me your love粟米肉粒飯嗰隻啦，好過冇！到夜晚，佢先至有正常嘅私飯食！出場時間短，等候期間長，佢話好彩有神師Dr Kung 陪伴，因為佢帶咗一本「政治神學導論」嘅宗教書陪伴，序言出自龔老師嘅。
8)有咗今次失驚無神，耐人尋味嘅上庭經驗，快必話遲啲去終審上訴嘅時候，一定會預早入定靚衫出場！
9)話咁快又就嚟到復活節，如果你仲未寫過信俾快必或者其他船員嘅話，係時候扚起心肝啦，唔好懶唔好怕羞，搵時間買張靚靚嘅復活節咭，寄俾快必或者其他船員啦。收到你哋嘅信同埋卡，對佢哋嚟講係好大嘅支持同鼓勵。
呢個星期快必嘅郵箱都好多信㗎，包括首次寫信俾快必嘅Andy，阿生，美國嘅Jacqueline，加拿大嘅Ronnie 、小月、Mango同Anthony、Teresa，向山舉目，同黃鶯媽前後三封，最後仲有一市民嘅兩張Postcard，多謝晒咁多位記掛住快必。
寫開信嘅朋友，請繼續寫，唔好停呀！至於好耐冇寫過信嘅朋友，有時間嘅話，就加入返筆友嘅行列，update吓自己嘅近況。
不過提醒一下，寫信、寄卡，記住唔可以有閃粉、唔可以有貼紙，唔可以用訂書釘，亦都唔可以係3D凸出嚟嗰種喎，但係燙金燙銀嗰一啲就OK嘅！
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
本貼文共有 0 個回覆
| 發表文章 | 發起投票 | 回覆 |