| 發表文章 | 發起投票 | 回覆 |
【 快必文字獄：還押日誌 ～ 4 / 5 / 2022～ 第574日】
【 快必文字獄：還押日誌 ～ 4 / 5 / 2022～ 第574日】
https://youtu.be/8fQ3i7c1HpA
Apr 5, 2022
TAMtakchi Fast Beat
3.03K subscribers
//快必喺船上，聽歌多過福利官；
天氣好可以上天台行街；
沉靜孤寂無聊無謂，村上春樹最啱喺冤獄中睇//
1）今日係懲教署冇得正常探訪嘅第60日，即係兩個月啦。呢兩個月以來，因為得到懲教署皇恩浩蕩，家人先至探過快必一次咁多，不過話晒皇恩浩蕩，梗係好事成雙，所以禁止探訪措施4月21日完結之前，都會仲有多一次探嘅，係咪好觀音姐姐菩薩心腸咁冇得頂呢！?
2)清明節，今日係替工V福利官負責打電話俾快必家人，轉達佢嘅口訊。V福有耐性又細心，慢慢讀出快必嘅口訊，都幾有call台feel，抵讚！快必話清明節拜山，燒鵝要走了，比叉燒？但叉燒好垃圾喎！佢又話差佬聯絡佢，有三萬幾張關於47人案嘅文件俾佢喎！快必想環保，而且劇本咁重要嘅嘢，都係留返俾律師睇算啦，所以，叫差佬都係唔使送入去荔枝角俾佢； (留番啲時間睇書好過啦！ )
3)V福話快必講：麥浚龍同盧冠廷嘅新歌，幾好聽唔錯喎。V福笑笑口咁話：乜佢哋兩個有新歌咩？咁就真係唔知喎！（上網睇返，原來佢哋兩個真係有一首合唱嘅歌曲，叫做「旋律．故事」喎！）V福仲話快必聽歌可能仲多過我哋添，見佢成日都帶住耳筒聽收音機㗎；（梗係啦，快必話晒都係前DJ吖嘛！其實，另外一個原因，就係大會成日都係播住港台，佢唔多啱聽！）
4）快必又話自己有做運動㗎！至於有冇運動鞋，有冇得跑跑跳跳呢？V福就話唔能夠好肯定咁答唔到呢個問題，不過，船員點都可以上去天台，行吓街喎！於是又問吓快必依家係一個人一個籠行街，定係有其他船員一齊？ V福知無不言，好Nice，佢話呢個問題佢答到，因為今朝喺天台，都見到快必同幾個人一齊行街喎！
5)快必4月20號判刑，好快就會轉去第二個地方，為免太多書跟身，快必已經執咗一堆睇完嘅書，準備家人探訪嘅時候運返出去。三月份入俾佢嘅書，都睇得7788 ，之前睇完村上春樹嘅「開往中國的慢船」，依家睇緊東野圭吾嘅「美麗的凶器」；
6）今日就同大家分享快必3月30號寄出嚟嗰封信入面嘅「快必讀贏」—— 村上春樹短篇小說：開往中國的慢船。
//我係冤獄中讀咗幾本村上春樹，「挪威的森林」、「東京奇譚集」、「第一人稱單數」和這本「開往中國的慢船」，後面三本都係短篇小說，我一直覺得村上春樹嘅短篇比長篇易睇、好睇。東野圭吾就相反，長中篇好睇一啲。喺冤獄中，好適合睇村上春樹嘅小說，因為佢嘅文字建造出嚟的沉靜、孤寂，有點無聊feel，好啱呢度無盡的日子，廉價的生命。說在冤獄的生命是廉價的，因為別人的一句話、公權力的一句話，我們就要在此浪費一年、兩年、三年、四五六七八九年了。雖然而家我日日都有寫嘢，大家日日都睇到我嘅嘢，我冇虛渡日子，但係大吉利是講一句，任何一個人入嚟一個星期一個月，相信你唔會冇我嘅同感。
20年前我睇過呢本「開往中國的慢船」，但我記得我看到「袋鼠通信」嗰個故仔就放低咗呢本書了，因為嗰個故仔當晚睇嘅時候，覺得不知所謂，今日再睇亦都覺得不知所謂，可能我慧根未夠參透村上春樹。所以20年前我說「已經嘥錢買了呢本書，睇咗一半唔好睇，何必再嘥埋時間同生命呢？」。但現在我在冤獄中，已經被迫浪費時間和生命了，又何妨再看一次這本「開往中國的慢船」呢？因為日子太悶時間太無止境，反而對無聊故事有點寬容。
全書七個故仔，我覺得最後一個故仔「雪梨的綠街」同村上春樹本身的風格很不同，雖然都有「羊男」「羊博士」這些他慣用的符號，但不夠無厘頭，所以我甚至懷疑呢個故仔，係村上春樹搵人扮佢自己寫嘅，我係唔係好想像力豐富呢？其他故事，，有啲有一種flirt 嘅氣氛，我估這是一些中、老坑愛看村上春樹的原因。「泥土中他的小狗」和「下午最後一片草坪」也有一些flirt 嘅氣氛。我一面讀就一面想知，兩個人會否有下文？會否撻着？這是村上春樹小說好看的地方，不必一定寫到下一步，這不是情色小說，但能成功營造出flirt的氣氛，不是容易的事。
我也喜愛幾個故事中的幽默感，像「開往中國的慢船」裏，作者和一位中國女學生有段既曖昧又幽默的故事，女孩子要在12點前回家，他倆在月台分手，作者送她上車，但原來係相反方向的列車，搭咗返去他們分手的月台，作者竟然仍然喺度，女孩就問作者，是否專登等佢上錯車，趕唔切返屋企？男的否認，女的憂傷，男的呵護着她，說大家可以試試開始，女的把電話寫在一張卡紙上，然後離去。作者最後不小心掉咗個電話，之後再沒有見過那女孩了。就是這些錯愕，這些擦身而過，徒嘆唏噓與奈何，啱晒一啲在冤獄中自傷自憐的人！
看村上春樹，可能不應「系統地」讀，反而應該求求期期，隨意一點地讀才適合這位作者，才配合這位作者。重讀呢本「開往中國的慢船」，就更加覺得我呢個想法好啱，喺冤獄中，讀呢本書，好輕靈，無無謂謂，配合冤獄中嘅生活，一切都被規定的，有什麼所謂待發的驚喜？係驚喜，但也不是驚喜，換來的也不過是一句「啊，你想點咪點囉！」很村上春樹！忽然取消了什麼？「啊！咁呀?! 咁……咪咁囉。」隔離搬咗個怪人嚟，「希望佢夜晚冇鼻鼾同唔好食煙啦！」點知原來佢鼻鼾勁大聲，亦都食煙嘅。「啊！咁呀?!好彩都係短期住客啫」同我比較，好多人都係短期住客；同我比較，用一個較長的量度標準去量度的話，所有困難都變得微不足道，總結的一句都是「咁，唔係點吖？死頂捱落去囉，唔通死咗去啊？」係唔係好村上春樹呢？起碼係我解讀嘅村上春樹！
呢本書有一個故仔，講作者「我」嘅朋友買咗，唔係，應該係做咗一套黑色西裝，黑色皮鞋，用一個黑色禮盒裝住，準備去喪禮著，但總係冇著過，因為死得人少，套黑色西裝都係借俾作者去喪禮，但其實唔啱身，大咗一個碼，成件事係唔係好黑色幽默呢？係唔係啱晒我哋喺冤獄中嘅氣氛？仲幽默嘅係，作者話呢個朋友「每半年換一次女朋友，但到底為什麼要這麼頻繁換女朋友不可呢？我實在無法理解，因為她們全都像是細胞分裂般的，長得非常相像。」
喺呢一首開往拔摩島的慢船上，我大把時間，一定叫家人將屋企書架上面，買咗未睇又冇劃花嘅村上春樹所有作品入俾我，我可以再次、細心、慢慢品味村上春樹！//
7）清明假期，今日當然收唔到信啦，不過大家如果有時間嘅話，請繼續寫信比快必啦。未寫過信比快必嘅朋友，唔好怕醜，嗱嗱臨拎起紙同筆，同佢做筆友啦，你哋嘅信，對佢係好大嘅鼓勵和支持。如果仲用埋啲色彩繽紛有卡通嘅信紙，快必仲會更加happy 呀；但提醒一下大家，唔好有貼紙、閃粉或者3D突出嗰種，懲教署唔俾㗎 ；
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
寄俾斯叔嘅信，都可以寄來呢個地址。
8）最後，繼續宣傳一下快必嘅Patreon ，希望得到大家點點滴滴嘅支持，應付漫長嘅訴訟。仲有，你哋訂閱subscribe 咗快必嘅YouTube Channel未啊？https://www.youtube.com/c/takchiTamFa...
記得C L S呀！即係comment留言、like點讚同埋分享share，拜託晒！
唔好唔記得仲有赤柱嘅斯叔，佢嘅Patreon 都需要你哋支持㗎，多謝晒。
https://youtu.be/8fQ3i7c1HpA
Apr 5, 2022
TAMtakchi Fast Beat
3.03K subscribers
//快必喺船上，聽歌多過福利官；
天氣好可以上天台行街；
沉靜孤寂無聊無謂，村上春樹最啱喺冤獄中睇//
1）今日係懲教署冇得正常探訪嘅第60日，即係兩個月啦。呢兩個月以來，因為得到懲教署皇恩浩蕩，家人先至探過快必一次咁多，不過話晒皇恩浩蕩，梗係好事成雙，所以禁止探訪措施4月21日完結之前，都會仲有多一次探嘅，係咪好觀音姐姐菩薩心腸咁冇得頂呢！?
2)清明節，今日係替工V福利官負責打電話俾快必家人，轉達佢嘅口訊。V福有耐性又細心，慢慢讀出快必嘅口訊，都幾有call台feel，抵讚！快必話清明節拜山，燒鵝要走了，比叉燒？但叉燒好垃圾喎！佢又話差佬聯絡佢，有三萬幾張關於47人案嘅文件俾佢喎！快必想環保，而且劇本咁重要嘅嘢，都係留返俾律師睇算啦，所以，叫差佬都係唔使送入去荔枝角俾佢； (留番啲時間睇書好過啦！ )
3)V福話快必講：麥浚龍同盧冠廷嘅新歌，幾好聽唔錯喎。V福笑笑口咁話：乜佢哋兩個有新歌咩？咁就真係唔知喎！（上網睇返，原來佢哋兩個真係有一首合唱嘅歌曲，叫做「旋律．故事」喎！）V福仲話快必聽歌可能仲多過我哋添，見佢成日都帶住耳筒聽收音機㗎；（梗係啦，快必話晒都係前DJ吖嘛！其實，另外一個原因，就係大會成日都係播住港台，佢唔多啱聽！）
4）快必又話自己有做運動㗎！至於有冇運動鞋，有冇得跑跑跳跳呢？V福就話唔能夠好肯定咁答唔到呢個問題，不過，船員點都可以上去天台，行吓街喎！於是又問吓快必依家係一個人一個籠行街，定係有其他船員一齊？ V福知無不言，好Nice，佢話呢個問題佢答到，因為今朝喺天台，都見到快必同幾個人一齊行街喎！
5)快必4月20號判刑，好快就會轉去第二個地方，為免太多書跟身，快必已經執咗一堆睇完嘅書，準備家人探訪嘅時候運返出去。三月份入俾佢嘅書，都睇得7788 ，之前睇完村上春樹嘅「開往中國的慢船」，依家睇緊東野圭吾嘅「美麗的凶器」；
6）今日就同大家分享快必3月30號寄出嚟嗰封信入面嘅「快必讀贏」—— 村上春樹短篇小說：開往中國的慢船。
//我係冤獄中讀咗幾本村上春樹，「挪威的森林」、「東京奇譚集」、「第一人稱單數」和這本「開往中國的慢船」，後面三本都係短篇小說，我一直覺得村上春樹嘅短篇比長篇易睇、好睇。東野圭吾就相反，長中篇好睇一啲。喺冤獄中，好適合睇村上春樹嘅小說，因為佢嘅文字建造出嚟的沉靜、孤寂，有點無聊feel，好啱呢度無盡的日子，廉價的生命。說在冤獄的生命是廉價的，因為別人的一句話、公權力的一句話，我們就要在此浪費一年、兩年、三年、四五六七八九年了。雖然而家我日日都有寫嘢，大家日日都睇到我嘅嘢，我冇虛渡日子，但係大吉利是講一句，任何一個人入嚟一個星期一個月，相信你唔會冇我嘅同感。
20年前我睇過呢本「開往中國的慢船」，但我記得我看到「袋鼠通信」嗰個故仔就放低咗呢本書了，因為嗰個故仔當晚睇嘅時候，覺得不知所謂，今日再睇亦都覺得不知所謂，可能我慧根未夠參透村上春樹。所以20年前我說「已經嘥錢買了呢本書，睇咗一半唔好睇，何必再嘥埋時間同生命呢？」。但現在我在冤獄中，已經被迫浪費時間和生命了，又何妨再看一次這本「開往中國的慢船」呢？因為日子太悶時間太無止境，反而對無聊故事有點寬容。
全書七個故仔，我覺得最後一個故仔「雪梨的綠街」同村上春樹本身的風格很不同，雖然都有「羊男」「羊博士」這些他慣用的符號，但不夠無厘頭，所以我甚至懷疑呢個故仔，係村上春樹搵人扮佢自己寫嘅，我係唔係好想像力豐富呢？其他故事，，有啲有一種flirt 嘅氣氛，我估這是一些中、老坑愛看村上春樹的原因。「泥土中他的小狗」和「下午最後一片草坪」也有一些flirt 嘅氣氛。我一面讀就一面想知，兩個人會否有下文？會否撻着？這是村上春樹小說好看的地方，不必一定寫到下一步，這不是情色小說，但能成功營造出flirt的氣氛，不是容易的事。
我也喜愛幾個故事中的幽默感，像「開往中國的慢船」裏，作者和一位中國女學生有段既曖昧又幽默的故事，女孩子要在12點前回家，他倆在月台分手，作者送她上車，但原來係相反方向的列車，搭咗返去他們分手的月台，作者竟然仍然喺度，女孩就問作者，是否專登等佢上錯車，趕唔切返屋企？男的否認，女的憂傷，男的呵護着她，說大家可以試試開始，女的把電話寫在一張卡紙上，然後離去。作者最後不小心掉咗個電話，之後再沒有見過那女孩了。就是這些錯愕，這些擦身而過，徒嘆唏噓與奈何，啱晒一啲在冤獄中自傷自憐的人！
看村上春樹，可能不應「系統地」讀，反而應該求求期期，隨意一點地讀才適合這位作者，才配合這位作者。重讀呢本「開往中國的慢船」，就更加覺得我呢個想法好啱，喺冤獄中，讀呢本書，好輕靈，無無謂謂，配合冤獄中嘅生活，一切都被規定的，有什麼所謂待發的驚喜？係驚喜，但也不是驚喜，換來的也不過是一句「啊，你想點咪點囉！」很村上春樹！忽然取消了什麼？「啊！咁呀?! 咁……咪咁囉。」隔離搬咗個怪人嚟，「希望佢夜晚冇鼻鼾同唔好食煙啦！」點知原來佢鼻鼾勁大聲，亦都食煙嘅。「啊！咁呀?!好彩都係短期住客啫」同我比較，好多人都係短期住客；同我比較，用一個較長的量度標準去量度的話，所有困難都變得微不足道，總結的一句都是「咁，唔係點吖？死頂捱落去囉，唔通死咗去啊？」係唔係好村上春樹呢？起碼係我解讀嘅村上春樹！
呢本書有一個故仔，講作者「我」嘅朋友買咗，唔係，應該係做咗一套黑色西裝，黑色皮鞋，用一個黑色禮盒裝住，準備去喪禮著，但總係冇著過，因為死得人少，套黑色西裝都係借俾作者去喪禮，但其實唔啱身，大咗一個碼，成件事係唔係好黑色幽默呢？係唔係啱晒我哋喺冤獄中嘅氣氛？仲幽默嘅係，作者話呢個朋友「每半年換一次女朋友，但到底為什麼要這麼頻繁換女朋友不可呢？我實在無法理解，因為她們全都像是細胞分裂般的，長得非常相像。」
喺呢一首開往拔摩島的慢船上，我大把時間，一定叫家人將屋企書架上面，買咗未睇又冇劃花嘅村上春樹所有作品入俾我，我可以再次、細心、慢慢品味村上春樹！//
7）清明假期，今日當然收唔到信啦，不過大家如果有時間嘅話，請繼續寫信比快必啦。未寫過信比快必嘅朋友，唔好怕醜，嗱嗱臨拎起紙同筆，同佢做筆友啦，你哋嘅信，對佢係好大嘅鼓勵和支持。如果仲用埋啲色彩繽紛有卡通嘅信紙，快必仲會更加happy 呀；但提醒一下大家，唔好有貼紙、閃粉或者3D突出嗰種，懲教署唔俾㗎 ；
來信請寄去：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
寄俾斯叔嘅信，都可以寄來呢個地址。
8）最後，繼續宣傳一下快必嘅Patreon ，希望得到大家點點滴滴嘅支持，應付漫長嘅訴訟。仲有，你哋訂閱subscribe 咗快必嘅YouTube Channel未啊？https://www.youtube.com/c/takchiTamFa...
記得C L S呀！即係comment留言、like點讚同埋分享share，拜託晒！
唔好唔記得仲有赤柱嘅斯叔，佢嘅Patreon 都需要你哋支持㗎，多謝晒。
本貼文共有 0 個回覆
| 發表文章 | 發起投票 | 回覆 |