畢明
《活姣啲》Ep. 9 ：
睇完《達明》想問：真係平庸之惡？

https://m.youtube.com/watch?v=PHTvtBIn3Ws

畢明 A Finer Life Jan 4, 2022

這一集，拍攝在立場仍是安好時，在看完《達明》Replay演唱會之後。

短片不像寫文，製作需時。度好內容、整合資料好之餘，又要後期、剪片加圖、Captions等等，完成一集，世上已七年多事。因為希望出嚟有一毫子production value，至少實淨。我手腳又慢，就不會出片很快。

講達明，講明仔提及的平庸之惡，但世上的惡又豈止平庸一款？你覺得，今次這演唱會，尤其忽然有條被消失的影片，係因為乜？平庸之毒？

達明，每每命中時代核心，這年頭，時代核心的內外圍，又包括什麼？（都話明仔係「公共音樂份子」㗎啦）

有朋友問，立場沒有了，對我有沒有影響？梗有。是香港人，都一定有，然後連眾新聞都收線，天氣差，不影響氣管都影響心情。

最直接的影響，更是資源，沒有了立場，最基本，剪片、後期要自己負擔。其實連12月份的所有片，他們都無法支付所有外判費用，凍結晒啦。後生仔剪片員M、盡責、有交帶、砌得，不應該有做嘢冇糧出，12月份的片，我會如常找數給他，之後都希望跟他繼續合作，繼續找數。

不過呢個channel，連收錢嘅基本資格都有排未到，所以如果你哋喜歡，記得CLS(按讚、分享、訂閱、小鈴鐺)，同睇多啲、睇長啲，快啲多啲subscribers同watch hours“，等我慢慢開始有少少生存同頂落去嘅空間，暫時我自己頂住先。同大家一齊姣咗兩個月，我都想繼續姣落去，姣廣告、影視、酒食、文化、生活，篤口篤鼻鬥長命。

開定呢個channel，因為經歷蘋果一水，知道一夜之間，可以乜都消失，所以一早同阿權講明，片會放兩邊，這邊二輪上架，佢梗係ok啦，估不到兩個月就玩完。(應該早幾個月開始嘅，我慢啫）多謝所有之前在立場channel留言支持我的朋友們，我有睇架，收到晒😭！

我唔會玩命，如果你嫌我唔講激嘢同唔夠豬匙，千祈唔好subscribe同like，陰謀論危言聳聽吹到飛天遁地，講好多人鍾意聽嗰啲嘢呢度亦都唔會有，ok?

如果可以，希望可以長時間同大家一齊，活姣啲到天光！

(計劃中想有台灣飲食系列、一齊試酒飲咗先講系列等等，希望捱得到啦）


#畢明 #活姣啲 #達明 #演唱會 #平庸之惡 #定有其他嘢仲惡呢
#HannahArendt #萼蘭 #公共音樂份子

Subscribe my channel pls!
CLS全套做齊－ comment、like👍、share、subscribe 🔔

記得按讚、分享、訂閱、小鈴鐺啊。


畢明 Patreon: https://www.patreon.com/budming

IG: https://www.instagram.com/budmingbudm...
FB:https://www.facebook.com/BudmingBudmi...