| 發表文章 | 發起投票 | 回覆 |
【快必文字獄：還押日誌 ～ 10 / 11 / 21 ～ 第398日】
【快必文字獄：還押日誌 ～ 10 / 11 / 21 ～ 第398日】
https://m.youtube.com/watch?v=yES6uuWNikM
People Power Oct 11, 2021
//寫信比快必請寄去郵政信箱，地址在第9點
周冠威導演再探快必，兩個啱晒Channel
門小路窄，跟着耶穌行//
1）天朗氣清嘅星期一早上，周冠威導演再次到荔枝角探訪快必，佢大概9:30到達，登記完等咗10分鐘就已經可以入探訪等候室了。等候室都幾去虛冚吓，入物資條龍亦都幾長，兩個電視一直開住， 播放炒人冧把溫嘅眨眼怪，周導演梗係冇興趣睇啦，都係睇吓好新淨嗰架飲品機點樣比四個師傅圍住維修好過啦，都好彩，大概等咗45分鐘就聽到叫Number；
2)快必今日係喺1號窗，周導演入去已經見到快必坐定定，笑容燦爛精神奕奕咁同佢揮手打招呼，拎起電話佢哋兩個都簡單問候一下，快必就把握時間同周導演傾吓時事，佢話依家香港時勢雖然好差，但係比起兩位諾貝爾和平獎得主：菲律賓網媒瑪利亞同俄羅斯獨立報章嘅穆拉托夫，我哋又好似唔算好慘。好似菲律賓記者瑪利亞，因為揭發政府嘅濫權、暴力和專制，被控告網絡誹謗罪成，依家保釋上訴中（都仲有得保釋上訴喎，快必還押成年啦)；而俄羅斯嘅穆拉托夫，亦都係因為揭發貪污、選舉舞弊同侵犯人權等等嘅報道，唔單止受到騷擾、恐嚇、暴力以及謀殺嘅威脅；
世人因為捍衛言論自由、維護新聞專業同堅持道德標準，而承受不少苦難，大家成為命運共同體。
3）快必又同周導演分享明報嘅一篇報道，係關於聯合國南森難民獎得主嘅故事，主角拉赫曼喺29年前喺巴基斯坦嘅阿富汗難民營出生，當時爭啲扷折，佢嘅爸爸盡力保住佢平安出世，矢志要讓佢成為醫生，長大後嘅拉赫曼終於成為社區首名女醫生，喺巴基斯坦為阿富汗嘅難民同當地人提供醫療服務，能夠喺戰亂之中、喺難民營出世，仲要順利成為醫生，仲要係婦科，快必話令到成件事好似一個神跡咁，周導演聽到都覺得好amazing, 於是佢哋就討論「神跡」喇～
4)快必話依家坐冤獄嘅苦難，係好實實在在嘅經歷，佢內心都有啲矛盾，知道必須要效法耶穌基督承受呢啲苦難，但又期待神跡嘅出現；周導演亦都有類似嘅感受，佢堅持嗰套紀錄片叫《時代革命》，被香港建制視為可能違法嘅口號，佢願意一力承擔可能會面對嘅風險，預咗會被捕、被告甚至要坐監，但呢幾個月以來，暫時又未拉到佢，就好似行咗神跡咁；令佢反而有啲慚愧。佢覺得自己個心態好似幾扭曲，甚至會問：點解未到我嘅?!
5）周導演話一直都盡力喺可有嘅空間，嘗試承受最多嘅逼迫，最大嘅壓力。快必好認同，就好似佢睇「打擊暴政的二十課」嘅第一課，就係講”Do not obey in advance! “鐘意飲下酒嘅快必，更加以玩推啤酒杯嘅遊戲做比喻，每次都想推前啲、推盡啲，最後會唔會過界呢？佢話好多時都要一路試，先至知其實係咪obey in advance咗呢？係啦，周導演都係咁諗，快必問佢係唔係都係一個誘惑呢？即係一路安然，就一路再想推個啤酒杯推前啲？哈哈哈哈，係呀係呀。
6）諗返起上來，快必話佢呢幾年開街站嗌咪講嘢，其實都係推緊啤酒杯，預咗被拉，點都硬食，既然做咗，唔應該後悔；係呀，周導演都係咁樣覺得，佢話：「揀咗呢條路，就要繼續行落去，孭住十字架嘅苦難，係耶穌叫我揀，叫我繼續行落去，我都係跟住佢行啫！」門小路窄吖嘛，佢哋兩個都點點頭、會心微笑；
7）周導演話好感恩，好多人為佢祈禱，佢去一個教會聚會，有一個牧師為佢祈禱，後來十幾個佢都唔認識嘅牧師，行埋嚟一齊為佢祈禱。有咁多人支持周導演，梗係正啦，快必都關心佢嘅家人對於佢預備作出嘅犧牲，支持嗎？周導演笑住咁講，佢個仔，二年班咋，成日都挑戰佢，問：爸爸呢樣嘢驚唔驚呀？嗰樣嘢驚唔驚呀？周導演初初不以為意，哎呀，咁樣有啲驚喎，咁樣好似唔得喎，仔仔好勁，有晒優良嘅遺傳因子，居然講：死都唔驚啦，仲有乜好驚啫！快必聽到哈哈大笑，大讚仔仔超掂！二年班咋，真係英雄出童年呀！
8)對於周導演抽空探訪，快必真係幾開心㗎，嘴角泛住微笑，佢好欣賞周導演嗰一種「真」，呢種「真」係好重要㗎，係邪惡嘅時勢，令人感到絲絲溫暖！其實快必咪一樣咁「真」，所以兩個啱晒channel。佢哋傾到好似喺荔枝角開見證會咁，相信mon住講嘢嘅懲教職員，都會感受到少少聖靈㗎！快必臨返入船艙嘅時候，仍然保持過度活躍症咁，笑晒口又鞠躬又拜神，仲舉起雙手做出向上推嘅動作，同周導演講「撑～住～呀」！
9）冇錯，大家都要撑住呀，快必撑咗咁耐，都係因為有大家撑住佢，所以有時間嘅話，請多啲寫信比快必啦，同佢分享你嘅生活和感受。特別要留意，來信請寄去以下郵箱：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
(注意：#唔需要寫收件人名，好重要㗎：#唔需要寫收件人名！)
如果你未寫過信比快必嘅話，就唔好怕羞啦，快啲寫封信話俾佢知你嘅所見所聞所想，快必等緊你哋嘅來信㗎。大家想寫比斯叔嘅話，亦都可以寄去以上地址。
10)除咗35+案，快必仲孭住14條文字獄嘅控罪，佢喺「開往拔摩島的輪船上」超過一年，訴訟之旅長路漫漫，需要大家點點滴滴嘅支持，所以請subscribe 快必嘅Patreon ，並且多啲share出去。大家唔好唔記得仲有喺赤柱嘅斯叔呀，佢嘅Patreon 都需要你哋嘅支持㗎，多謝晒。
https://m.youtube.com/watch?v=yES6uuWNikM
People Power Oct 11, 2021
//寫信比快必請寄去郵政信箱，地址在第9點
周冠威導演再探快必，兩個啱晒Channel
門小路窄，跟着耶穌行//
1）天朗氣清嘅星期一早上，周冠威導演再次到荔枝角探訪快必，佢大概9:30到達，登記完等咗10分鐘就已經可以入探訪等候室了。等候室都幾去虛冚吓，入物資條龍亦都幾長，兩個電視一直開住， 播放炒人冧把溫嘅眨眼怪，周導演梗係冇興趣睇啦，都係睇吓好新淨嗰架飲品機點樣比四個師傅圍住維修好過啦，都好彩，大概等咗45分鐘就聽到叫Number；
2)快必今日係喺1號窗，周導演入去已經見到快必坐定定，笑容燦爛精神奕奕咁同佢揮手打招呼，拎起電話佢哋兩個都簡單問候一下，快必就把握時間同周導演傾吓時事，佢話依家香港時勢雖然好差，但係比起兩位諾貝爾和平獎得主：菲律賓網媒瑪利亞同俄羅斯獨立報章嘅穆拉托夫，我哋又好似唔算好慘。好似菲律賓記者瑪利亞，因為揭發政府嘅濫權、暴力和專制，被控告網絡誹謗罪成，依家保釋上訴中（都仲有得保釋上訴喎，快必還押成年啦)；而俄羅斯嘅穆拉托夫，亦都係因為揭發貪污、選舉舞弊同侵犯人權等等嘅報道，唔單止受到騷擾、恐嚇、暴力以及謀殺嘅威脅；
世人因為捍衛言論自由、維護新聞專業同堅持道德標準，而承受不少苦難，大家成為命運共同體。
3）快必又同周導演分享明報嘅一篇報道，係關於聯合國南森難民獎得主嘅故事，主角拉赫曼喺29年前喺巴基斯坦嘅阿富汗難民營出生，當時爭啲扷折，佢嘅爸爸盡力保住佢平安出世，矢志要讓佢成為醫生，長大後嘅拉赫曼終於成為社區首名女醫生，喺巴基斯坦為阿富汗嘅難民同當地人提供醫療服務，能夠喺戰亂之中、喺難民營出世，仲要順利成為醫生，仲要係婦科，快必話令到成件事好似一個神跡咁，周導演聽到都覺得好amazing, 於是佢哋就討論「神跡」喇～
4)快必話依家坐冤獄嘅苦難，係好實實在在嘅經歷，佢內心都有啲矛盾，知道必須要效法耶穌基督承受呢啲苦難，但又期待神跡嘅出現；周導演亦都有類似嘅感受，佢堅持嗰套紀錄片叫《時代革命》，被香港建制視為可能違法嘅口號，佢願意一力承擔可能會面對嘅風險，預咗會被捕、被告甚至要坐監，但呢幾個月以來，暫時又未拉到佢，就好似行咗神跡咁；令佢反而有啲慚愧。佢覺得自己個心態好似幾扭曲，甚至會問：點解未到我嘅?!
5）周導演話一直都盡力喺可有嘅空間，嘗試承受最多嘅逼迫，最大嘅壓力。快必好認同，就好似佢睇「打擊暴政的二十課」嘅第一課，就係講”Do not obey in advance! “鐘意飲下酒嘅快必，更加以玩推啤酒杯嘅遊戲做比喻，每次都想推前啲、推盡啲，最後會唔會過界呢？佢話好多時都要一路試，先至知其實係咪obey in advance咗呢？係啦，周導演都係咁諗，快必問佢係唔係都係一個誘惑呢？即係一路安然，就一路再想推個啤酒杯推前啲？哈哈哈哈，係呀係呀。
6）諗返起上來，快必話佢呢幾年開街站嗌咪講嘢，其實都係推緊啤酒杯，預咗被拉，點都硬食，既然做咗，唔應該後悔；係呀，周導演都係咁樣覺得，佢話：「揀咗呢條路，就要繼續行落去，孭住十字架嘅苦難，係耶穌叫我揀，叫我繼續行落去，我都係跟住佢行啫！」門小路窄吖嘛，佢哋兩個都點點頭、會心微笑；
7）周導演話好感恩，好多人為佢祈禱，佢去一個教會聚會，有一個牧師為佢祈禱，後來十幾個佢都唔認識嘅牧師，行埋嚟一齊為佢祈禱。有咁多人支持周導演，梗係正啦，快必都關心佢嘅家人對於佢預備作出嘅犧牲，支持嗎？周導演笑住咁講，佢個仔，二年班咋，成日都挑戰佢，問：爸爸呢樣嘢驚唔驚呀？嗰樣嘢驚唔驚呀？周導演初初不以為意，哎呀，咁樣有啲驚喎，咁樣好似唔得喎，仔仔好勁，有晒優良嘅遺傳因子，居然講：死都唔驚啦，仲有乜好驚啫！快必聽到哈哈大笑，大讚仔仔超掂！二年班咋，真係英雄出童年呀！
8)對於周導演抽空探訪，快必真係幾開心㗎，嘴角泛住微笑，佢好欣賞周導演嗰一種「真」，呢種「真」係好重要㗎，係邪惡嘅時勢，令人感到絲絲溫暖！其實快必咪一樣咁「真」，所以兩個啱晒channel。佢哋傾到好似喺荔枝角開見證會咁，相信mon住講嘢嘅懲教職員，都會感受到少少聖靈㗎！快必臨返入船艙嘅時候，仍然保持過度活躍症咁，笑晒口又鞠躬又拜神，仲舉起雙手做出向上推嘅動作，同周導演講「撑～住～呀」！
9）冇錯，大家都要撑住呀，快必撑咗咁耐，都係因為有大家撑住佢，所以有時間嘅話，請多啲寫信比快必啦，同佢分享你嘅生活和感受。特別要留意，來信請寄去以下郵箱：
香港七姊妹郵政局
郵政信箱60141號
（PO Box 60141
Tsat Tsz Mui Post Office, HK）
(注意：#唔需要寫收件人名，好重要㗎：#唔需要寫收件人名！)
如果你未寫過信比快必嘅話，就唔好怕羞啦，快啲寫封信話俾佢知你嘅所見所聞所想，快必等緊你哋嘅來信㗎。大家想寫比斯叔嘅話，亦都可以寄去以上地址。
10)除咗35+案，快必仲孭住14條文字獄嘅控罪，佢喺「開往拔摩島的輪船上」超過一年，訴訟之旅長路漫漫，需要大家點點滴滴嘅支持，所以請subscribe 快必嘅Patreon ，並且多啲share出去。大家唔好唔記得仲有喺赤柱嘅斯叔呀，佢嘅Patreon 都需要你哋嘅支持㗎，多謝晒。
本貼文共有 0 個回覆
| 發表文章 | 發起投票 | 回覆 |