HKGalden時事臺
發表文章發起投票回覆
【快必文字獄:還押日誌 ~ 7 / 30 / 21 ~ 第325日】
【快必文字獄:還押日誌 ~ 7 / 30 / 21 ~ 第325日】
https://m.youtube.com/watch?v=j0kkfPAcJ_M&t=7s&pp=sAQA

People Power
Jul 30, 2021
//案件押後到10月中再審
唐英傑細快必24年有多//

1)因為「講嘢」被告14條罪嘅 #快必文字獄 今日繼續開審。今日星期五Happy Friday, 所以今朝一早9:33已經開庭,非常準時,可能係等今日嘅審訊可以早啲結束、大家可以早啲得閒、早啲去合皮(都係估吓嘅啫,但不得不讚呢個安排非常貼地又有智慧);

2)自從尋日阿陳官「語重心長、嚴肅嚴正」咁講咗會裝啲cam影住旁聽嘅公眾人士,𥄫實有冇人喺法庭上叫囂呀、揮手呀之後,快必今日出場就終於可以早過阿陳官,等大家可以見多佢1分12秒。雖然係咁,旁聽嘅公眾人士都非常有質素,梗係唔會犯法啦,即使見到「昂然踏着前路」嘅快必從後台行出嚟,大家都只係用激勵嘅眼神同快必加油啫,快必又用番炯炯嘅眼神咁回應,感謝大家嘅支持;

3)今日主要係繼續所有「事實證人」嘅作供,同埋睇片。好多喺現場旁聽嘅公眾人士,都未必睇過晒快必健康講座嘅video,所以睇片都真係一個幾好嘅時機,可以重溫快必講嘅嘢。今日首先傳召一個女證人,就係3月15號喺牛頭角,快必當日開街站,有個女人埋嚟挑機,俾人叫大陸喱,最後走咗,控方律師問呢位女證人,俾人鬧之後點,個官話問題不適合,俾人鬧梗係走啦,問控方律師個條線想點,叫佢修定問題。(相信童裝大碼又學到嘢嘞!)Anyway,嗰位女證人表示「好驚好唔開心好嬲」喎!(咁梗係啦,本來想鬧鬼快必㗎嘛,點知俾人鬧番轉頭,惟有悻悻然咁敗走,大家真係要學「九品芝麻官」嗰啲死都抝返生嘅鬧人伎倆先至得呀!)

4)之後再繼續睇埋2020年5月24號東角道健康講座嘅片,五月下旬,都熱到飛起,所以當日本來護士姐姐準備好教抗疫發燒中暑等等嘅預防措施和對策,點知未開波,快必已經比差佬拉咗,其實都只係健康講座派口罩啫,使唔使咁多人招呼快必呢?講吓講吓又到咗食晏時間喇啵,大家又可以take a break, 2:30再開庭;

5)之後依然準時2:30開庭,依然係快必先坐低,依然係旁聽嘅公眾人士冇叫冇嘈冇揮手,影唔到乜嘢,跣佢哋唔到。繼續去片 —— 睇吓快必舊年做嘅健康講座:先睇7月4號嘅旺角黑夜,7月8號嘅黃大仙,仲有7月9號嘅觀塘,跟住係7月19號嘅藍田啟田… 快必嘅健康講座精華片段,好快就播放完畢,如果大家有興趣重溫嘅話,其實可以去返快必嘅Facebook 專頁慢慢睇吓,咁樣大家先至會知道乜嘢唔可以講,同埋冇乜嘢可以講;

6)喺處理快必案件嘅時間,今日下晝三點,相信大家嘅心都可能會非常之沉重,九年啊大佬,有冇搞錯?! 睇完晒啲片,就是處理跟住落嚟審訊嘅其他事宜,估計一下仲要審幾多時間,我方嘅資深大狀表示會於結案陳詞時提出憲法爭議,即控罪的「合憲性」,但阿陳官爭論,應該喺結案陳詞前提出,例如中段嘅時候,係嘅係嘅,阿陳官咁有智慧,又唔會未審先判,佢嘅提議,我方當然尊重囉;由於估計案件仲需要三日嘅時間處理,而家押後至10月18,19同21號;

7)大家唔使擔心快必,佢都係食多兩三個月私飯,就會有判決。24歲嘅唐英傑,細過快必足足24年,被判九年咁長嘅刑期,相信大家都憂心忡忡。至於快必被控告嘅煽惑文字罪,完完全全就係文字獄,打壓香港人嘅言論自由,所以呢單案唔單止係關乎快必一個人,其實同每一個香港人嘅言論自由都有密切關係,10月中再開庭,請大家到時密切關注;

8)有金牌仲有兩個銀牌,大家好開心?着黑衫定係着網球衫打羽毛球,大家都可能有好多心事,係咪?週末喇,大家有時間可以寫信比快必講吓啦,同時為佢加油打氣呀!唔好唔記得仲有慢必吖,請大家繼續寫信俾佢。來信可以寄去人民力量會址:九龍灣宏光道7號興力工業中心619室,我哋會轉寄入去荔枝角/赤柱比佢哋。

9)最後希望大家幫幫手,多啲將快必社交平台嘅內容share 出去,記住留言、點讚、幫我哋宣傳、分享出去同埋訂閲人民力量嘅YouTube Channel或者快必嘅Patreon!佢喺荔枝角,都非常關心有幾多人睇佢嘅消息㗎。

10)叮噹叮噹:周末去shopping同食嘢,記得撐黃店!賣下廣告先,#Chickeeduck 有人力嘅tote bag賣呀,數量唔多,而家仲送埋毛巾,先到先得。感謝周小兔同大家!

——————

慢必嘅social media已經停止運作,但係仍然需要大家寫信同佢打氣!


成為 YouTube 會員:https://youtube.com/c/peoplepower/join
捐款戶口 | 轉數快:(FPS ID) 8986663、(電郵) [email protected]、(電話) +852 63964111 | (支票抬頭 PEOPLE POWER) 滙豐銀行 499-747327-001 東亞銀行 015-514-10-404755-4
PayMe:https://qr.payme.hsbc.com.hk/2/JwMD32...

🤗Facebook:fb.me/peoplespower
☎️MeWe:mewe.com/p/peoplepower
🎥YouTube:YouTube.com/c/PeoplePower
🐦Twitter:twitter.com/PeoplePowerHK
📷IG:instagram.com/PeoplePowerHK
Good0Bad0
2021/07/31, 1:11:22 下午
引用快速引用
本貼文共有 0 個回覆
發表文章發起投票回覆
請先登入以發表回覆