https://collection.news/appledaily/articles/FX4H6OL4USN7N3N6FIHCZEOIEQ

果靈聞庫

【光復元朗】銀髮族無懼警擎槍 站前線誓保年輕人：算係對佢哋一種交代
20190727 星期六

蘋果日報 2019/07/27 20:20

光復元朗元朗恐襲


【新增動新聞】

反送中運動遍佈港九新界，遇着7.21元朗無差別襲擊市民，警方卻遲遲未到場增援，亦拒就事件道歉，瀲起民憤。有民間發起「光復元朗」行動，自傍晚開始爆發警民衝突，有長者及中年人士身體力行，站於防線前出言相勸，保護年輕人。

年屆70多歲的馮小姐今早專程到場支持，本赴約朋友食飯，卻因聽到「開槍啦！」而告吹。但她選擇留守元朗，更來到雙方對峙的警察防線前，只為保護年輕人，「佢哋為咩啫？都係為咗香港一點正義」。眼見警員全副武裝，站在前線，她卻未顯絲毫畏懼，「後生都企得咁前，我幾十歲，有咩所謂，梗係要保護下，盡我自己能力保護佢哋班後生」。她更指，「你睇下佢哋（警員）見到佢哋（年輕人）就如狼似虎咁打，我梗係要盡我自己能力啦，盡到幾多得幾多，對佢哋（年輕人）都係一種交代，唔可以俾佢哋（年輕人）任呢班人（警員）魚肉架嘛！」對於警員手持槍械，她直指自己幾十歲，已別無擔憂，更揚言「希望我係第一個為香港死（嘅長者）」，「我希望保護到佢哋啦，如果唔係真係對佢哋唔住」。

另一位中年漢亦無懼站於警方防線前，反而出言相勸，「如果你哋走，佢哋一定走！」他認為警察先離開，深信學生不會入村，質疑為何警察不走。有警察稱示威者戴頭盔有裝備，另一位中年漢隨即反駁：「戴頭盔犯法呀？你地夠戴啦！」該警員即指：「唔犯法，唔犯法。」幾名巿民多次強調，兩個月來學生從未有打巿民，再次要求警方離開。
-----------------------------

【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9