人稱蝦頭嘅藝人楊詩敏，今年三月毅然離開效力八年嘅無綫電視，成為自由身嘅佢，最近去咗ViuTV Part住火火主持新節目《生存演技派》。

其實喺蝦頭「離巢」之後，已經暗示出對過檔ViuTV嘅渴望，以及對舊工作環境嘅不滿。譬如話佢曾經喺訪問中自爆曾獲邀參與《嫌疑事件簿》，奈何檔期唔啱，只能盼望ViuTV會拍第二季。

另外，蝦頭喺接受Jet Magazine訪問時，亦感慨之前長時間喺一個唔係好人性化嘅地方工作，對住一啲唔係好「人」嘅人，有感表達權利同自由創作空間逐漸消失，蝦頭決定要把握時間講人話、做返人做嘅事、畀返啲真係人嘅人睇。

講到咁，我諗各位「真係人嘅人」都會聽得明，想支持蝦頭嘅話，不妨Follow佢，同埋今晚11點開《生存演技派》嚟睇