| 發表文章 | 發起投票 | 回覆 |
【快必文字獄：還押日誌 ～ 6 / 19 / 21 ～ 第284日】
#撑快必撑到底 #快必fastbeat好狠快
【快必文字獄：還押日誌 ～ 6 / 19 / 21 ～ 第284日】
https://m.youtube.com/watch?v=SvpAJxt0izw
People Power (人民力量)
41.3K subscribers
Published on Jun 19, 2021
// 港台係殯儀館米高破地獄
快必會照顧兩個蘋果//
1）今日係d100兩位同事家權同阿通探訪快必。佢哋兩個平時要做節目，只有週末先至可以去探訪快必，假期都唔休息，特登去探訪，夠晒老友啦。d100雖然仲未好似蘋果咁受到全面整治，但係仍然風雨飄搖，不少主持都已經被捕被告，好多都上咗船。當然又有啲主持跳咗船，尋日618 仲有個直頭跳咗去官船。（詳情大家可以聽返阿通同蔡蔡子呢段片https://youtu.be/6n7CehTAj6o)
2）週末通常都比較人多，佢哋雖然8:30已經到達登記，等候全程都差唔多要兩小時，都算係最低消費啦。可能因為快必上船已經10個月，表現良好，所以懲教署嘅職員都冇需要特別招呼佢去指定窗口位，(其實快必話鍾意指定窗口位，因為嗰度有鏡照呀）依家每次探訪，都係邊度有位就俾佢，今日佢哋就係6號窗探快必；
3）快必見到兩位d100主持同事，梗係最關心曾志豪比港台炒魷魚事件，跟住佢哋兩個話埋比快必知節目係由梁繼璋接手，快必立即碌大對眼O晒嘴，然後噬起棚牙露出一個八卦樣，追問阿通有乜料爆，話晒阿通都係「上綱上線」節目監製吖嘛，點解一啲風吹草動都唔知㗎，咪話阿通吖，連大班都被呃啦，梁繼璋向大班講話係去做殯儀㗎⋯⋯(哦，咁港台而家都真係一間殯儀館咁， Michael過到去可能係負責破地獄囉)
4)快必八卦完一輪之後，就同佢哋講吓自己嘅近況啦。家權係食家嚟吖嘛，梗係關心下佢有冇啖好食。快必話而家私飯茶餐廳最近多咗間，主打西式菜，佢嗰層嘅政治犯船員，個個都轉咗去呢間新嘅茶餐廳，不過快必就話睇定啲，因為佢而家嗰間嘅水準都提高咗。至於新嘅茶餐廳據聞都幾好食，個漢堡包話唔錯添喎，但整體個餐嘅份量都係偏細，快必隔離再隔離嘅半肥瘦尹佬就硬係食唔飽，於是申請咗轉返去舊嗰間茶餐廳，但係好事多磨兜兜轉轉，搞咗好耐都未得，所以佢繼續好慘咁食唔飽，相信又再瘦多3.14159安士了；
5）講開其他嘅船員，佢哋話唔知AY點呢？快必就話：哦，你問佢啦，喺隔離咋嘛。原來AY喺隔離窗口，佢哋立即申個頭過去打招呼揮手，阿通同家權都覺得佢都瘦咗好多，一樣咁靚仔，差啲唔認得佢添喎；佢哋都有讚快必瘦咗靚仔咗嘅，同AY差唔多，快必好自豪咁話，而家瘦咗15磅，再想瘦多15磅添喎，家權話夠啦喎，太瘦嘅話唔好睇㗎！
6）家權就好奇怪，其他嘅船員，有啲打大赤肋，有淨係着T恤，但點解快必又着藍色T又着灰色外套，明明熱到「人中」標晒汗？快必話藍色呢件T其實係一條抹汗嘅紙巾，隨即一手挪起條領抹抹人中上的汗水，一副懶係吊兒郎當嘅模樣；
7）天氣咁熱，佢哋都知船上更熱更煎熬，好關心快必頂唔頂得順㗎 ？快必話真係好L熱㗎，有時夜晚都瞓唔到覺，半夜熱醒咗，瀋啲爽身粉上身，趁着有一絲絲涼涼地嘅感覺，立即上床再瞓。（咦，呢個都係好方法喎！）係冇辦法之中嘅方法啦。佢又話知道慢必喺赤柱嗰邊話唔怕熱，仲反而覺得有啲涼添，將個風扇轉向對住隔離嗰邊吹，佢話慢必呢啲就係名副其實講「風涼話」囉！
8）佢哋話快必而家個髮型長咗，都幾好，快必話每逢星期六，都會有彌敦道船員過嚟幫其他人剪頭髮，佢今日已經準備好要「抗爭」，捍護自己髮型。佢哋好好奇咁問點解要快必剪頭髮，快必比佢哋睇自己張船員証，因為大會要佢keep番同入嚟之前船員証一樣嗰個樣，所以又要逼佢剪頭髮，但係快必話：哪，你睇吓我個樣都唔同晒囉，點變返同一個樣啫？唔通逼我增肥10幾廿磅，做返個斯君咩!? （咁你點抗爭啊？）哦，攞張相同佢講，就算剪咗都唔變返以前個樣㗎啦，剪嚟做乜啫？（都係靠把口啫！）
9）快必話而家喺船上有打工，就係黐信封，呢啲手作仔，對佢來講易如反掌，好快貼100個就賺到10幾蚊㗎啦，佢話收到風聽聞喺遠處嘅黎智英，都係同佢做同一樣工作，大家變咗同行，佢話感到10分榮幸。
10）至於而家蘋果嘅情況，快必話相信蘋果兩位高層張劍虹同羅偉光，都係要還押㗎喇，上荔枝角呢一艘巨輪，(今朝早探佢嘅時候，都未有結果，下晝已經宣佈還押至8月13號再訊）上咗船，快必一定會做大師兄，好好照顧佢哋喎！(家權同阿通鬧鬼佢，話叫佢唔好烏鴉口！)哎，佢話唔想自欺欺人，呢啲先至係d 100 講真話精神！
11）𠵱，點解今日可以傾到咁多嘢嘅？哦，原來有靈異事件啊！嗰個15分鐘倒數計時器跳到00之後，又重新計過喎，於是佢哋又繼續傾落去囉，傾吓傾吓，原來多咗成10分鐘，職員才「CUT」⋯ 家權同阿通傾多咗成10分鐘，等得雖然耐咗少少，都算抵返晒啦！臨走前佢哋拍下玻璃，互相加油，d100嘅同事撑住呀！
12）大家如果有時間嘅話，多啲寫信比快必，最好色彩繽紛啲喎，但唔好有啲金粉銀粉閃粉嗰啲嘢囉，收到你哋嘅信，佢會好開心㗎，因為佢好期待收到大家來信，隔空傾吓計，唔好唔記得仲有慢必吖。來信可以寄去人民力量會址：九龍灣宏光道7號興力工業中心619室，我哋會轉寄入去荔枝角/赤柱比佢哋。
13）最後請大家都要多啲關注快必唔同嘅社交平台，記住留言、點讚、幫我哋宣傳、分享出去同埋訂閲呀人民力量嘅YouTube Channel或者快必嘅Patreon！
#撑快必撑到底 #快必fastbeat好狠快
https://www.patreon.com/fastbeat2020
一
慢必嘅social media已經停止運作，但係仍然需要大家寫信同佢打氣！
成為 YouTube 會員：https://youtube.com/c/peoplepower/join
捐款戶口 | 轉數快：(FPS ID) 8986663、(電郵) [email protected]、(電話) +852 63964111 | (支票抬頭 PEOPLE POWER) 滙豐銀行 499-747327-001 東亞銀行 015-514-10-404755-4
PayMe：https://qr.payme.hsbc.com.hk/2/JwMD32...
🤗Facebook：fb.me/peoplespower
☎️MeWe：mewe.com/p/peoplepower
🎥YouTube：YouTube.com/c/PeoplePower
🐦Twitter：twitter.com/PeoplePowerHK
📷IG：instagram.com/PeoplePowerHK
【快必文字獄：還押日誌 ～ 6 / 19 / 21 ～ 第284日】
https://m.youtube.com/watch?v=SvpAJxt0izw
People Power (人民力量)
41.3K subscribers
Published on Jun 19, 2021
// 港台係殯儀館米高破地獄
快必會照顧兩個蘋果//
1）今日係d100兩位同事家權同阿通探訪快必。佢哋兩個平時要做節目，只有週末先至可以去探訪快必，假期都唔休息，特登去探訪，夠晒老友啦。d100雖然仲未好似蘋果咁受到全面整治，但係仍然風雨飄搖，不少主持都已經被捕被告，好多都上咗船。當然又有啲主持跳咗船，尋日618 仲有個直頭跳咗去官船。（詳情大家可以聽返阿通同蔡蔡子呢段片https://youtu.be/6n7CehTAj6o)
2）週末通常都比較人多，佢哋雖然8:30已經到達登記，等候全程都差唔多要兩小時，都算係最低消費啦。可能因為快必上船已經10個月，表現良好，所以懲教署嘅職員都冇需要特別招呼佢去指定窗口位，(其實快必話鍾意指定窗口位，因為嗰度有鏡照呀）依家每次探訪，都係邊度有位就俾佢，今日佢哋就係6號窗探快必；
3）快必見到兩位d100主持同事，梗係最關心曾志豪比港台炒魷魚事件，跟住佢哋兩個話埋比快必知節目係由梁繼璋接手，快必立即碌大對眼O晒嘴，然後噬起棚牙露出一個八卦樣，追問阿通有乜料爆，話晒阿通都係「上綱上線」節目監製吖嘛，點解一啲風吹草動都唔知㗎，咪話阿通吖，連大班都被呃啦，梁繼璋向大班講話係去做殯儀㗎⋯⋯(哦，咁港台而家都真係一間殯儀館咁， Michael過到去可能係負責破地獄囉)
4)快必八卦完一輪之後，就同佢哋講吓自己嘅近況啦。家權係食家嚟吖嘛，梗係關心下佢有冇啖好食。快必話而家私飯茶餐廳最近多咗間，主打西式菜，佢嗰層嘅政治犯船員，個個都轉咗去呢間新嘅茶餐廳，不過快必就話睇定啲，因為佢而家嗰間嘅水準都提高咗。至於新嘅茶餐廳據聞都幾好食，個漢堡包話唔錯添喎，但整體個餐嘅份量都係偏細，快必隔離再隔離嘅半肥瘦尹佬就硬係食唔飽，於是申請咗轉返去舊嗰間茶餐廳，但係好事多磨兜兜轉轉，搞咗好耐都未得，所以佢繼續好慘咁食唔飽，相信又再瘦多3.14159安士了；
5）講開其他嘅船員，佢哋話唔知AY點呢？快必就話：哦，你問佢啦，喺隔離咋嘛。原來AY喺隔離窗口，佢哋立即申個頭過去打招呼揮手，阿通同家權都覺得佢都瘦咗好多，一樣咁靚仔，差啲唔認得佢添喎；佢哋都有讚快必瘦咗靚仔咗嘅，同AY差唔多，快必好自豪咁話，而家瘦咗15磅，再想瘦多15磅添喎，家權話夠啦喎，太瘦嘅話唔好睇㗎！
6）家權就好奇怪，其他嘅船員，有啲打大赤肋，有淨係着T恤，但點解快必又着藍色T又着灰色外套，明明熱到「人中」標晒汗？快必話藍色呢件T其實係一條抹汗嘅紙巾，隨即一手挪起條領抹抹人中上的汗水，一副懶係吊兒郎當嘅模樣；
7）天氣咁熱，佢哋都知船上更熱更煎熬，好關心快必頂唔頂得順㗎 ？快必話真係好L熱㗎，有時夜晚都瞓唔到覺，半夜熱醒咗，瀋啲爽身粉上身，趁着有一絲絲涼涼地嘅感覺，立即上床再瞓。（咦，呢個都係好方法喎！）係冇辦法之中嘅方法啦。佢又話知道慢必喺赤柱嗰邊話唔怕熱，仲反而覺得有啲涼添，將個風扇轉向對住隔離嗰邊吹，佢話慢必呢啲就係名副其實講「風涼話」囉！
8）佢哋話快必而家個髮型長咗，都幾好，快必話每逢星期六，都會有彌敦道船員過嚟幫其他人剪頭髮，佢今日已經準備好要「抗爭」，捍護自己髮型。佢哋好好奇咁問點解要快必剪頭髮，快必比佢哋睇自己張船員証，因為大會要佢keep番同入嚟之前船員証一樣嗰個樣，所以又要逼佢剪頭髮，但係快必話：哪，你睇吓我個樣都唔同晒囉，點變返同一個樣啫？唔通逼我增肥10幾廿磅，做返個斯君咩!? （咁你點抗爭啊？）哦，攞張相同佢講，就算剪咗都唔變返以前個樣㗎啦，剪嚟做乜啫？（都係靠把口啫！）
9）快必話而家喺船上有打工，就係黐信封，呢啲手作仔，對佢來講易如反掌，好快貼100個就賺到10幾蚊㗎啦，佢話收到風聽聞喺遠處嘅黎智英，都係同佢做同一樣工作，大家變咗同行，佢話感到10分榮幸。
10）至於而家蘋果嘅情況，快必話相信蘋果兩位高層張劍虹同羅偉光，都係要還押㗎喇，上荔枝角呢一艘巨輪，(今朝早探佢嘅時候，都未有結果，下晝已經宣佈還押至8月13號再訊）上咗船，快必一定會做大師兄，好好照顧佢哋喎！(家權同阿通鬧鬼佢，話叫佢唔好烏鴉口！)哎，佢話唔想自欺欺人，呢啲先至係d 100 講真話精神！
11）𠵱，點解今日可以傾到咁多嘢嘅？哦，原來有靈異事件啊！嗰個15分鐘倒數計時器跳到00之後，又重新計過喎，於是佢哋又繼續傾落去囉，傾吓傾吓，原來多咗成10分鐘，職員才「CUT」⋯ 家權同阿通傾多咗成10分鐘，等得雖然耐咗少少，都算抵返晒啦！臨走前佢哋拍下玻璃，互相加油，d100嘅同事撑住呀！
12）大家如果有時間嘅話，多啲寫信比快必，最好色彩繽紛啲喎，但唔好有啲金粉銀粉閃粉嗰啲嘢囉，收到你哋嘅信，佢會好開心㗎，因為佢好期待收到大家來信，隔空傾吓計，唔好唔記得仲有慢必吖。來信可以寄去人民力量會址：九龍灣宏光道7號興力工業中心619室，我哋會轉寄入去荔枝角/赤柱比佢哋。
13）最後請大家都要多啲關注快必唔同嘅社交平台，記住留言、點讚、幫我哋宣傳、分享出去同埋訂閲呀人民力量嘅YouTube Channel或者快必嘅Patreon！
#撑快必撑到底 #快必fastbeat好狠快
https://www.patreon.com/fastbeat2020
一
慢必嘅social media已經停止運作，但係仍然需要大家寫信同佢打氣！
成為 YouTube 會員：https://youtube.com/c/peoplepower/join
捐款戶口 | 轉數快：(FPS ID) 8986663、(電郵) [email protected]、(電話) +852 63964111 | (支票抬頭 PEOPLE POWER) 滙豐銀行 499-747327-001 東亞銀行 015-514-10-404755-4
PayMe：https://qr.payme.hsbc.com.hk/2/JwMD32...
🤗Facebook：fb.me/peoplespower
☎️MeWe：mewe.com/p/peoplepower
🎥YouTube：YouTube.com/c/PeoplePower
🐦Twitter：twitter.com/PeoplePowerHK
📷IG：instagram.com/PeoplePowerHK
本貼文共有 0 個回覆
| 發表文章 | 發起投票 | 回覆 |