細佬我讀緊大學, 老實講我已經plan緊點移民,

第一,
唔係我唔關心政治, 我已經關到個心有心臟病咁濟, 問題係我同一輩嘅同學真係好無知, 完成唔知唔理唔睇新聞, 學術水平亦好平市"容", 基本上我唔相信有朝一日依班人上曬位, 會對香港有咩建樹, 再簡單D講我唔相信香港有將來。

第二,
我本身讀文科, 係香港依個只注重數理化同工商嘅社會, 我睇唔到自己有咩出路, 至少我好肯定我嘅專業知識就算幾高, 都唔會得到合理回報, 甚至連生活都有問題。再講共產黨最喜歡控制言論, 就今次電視發牌事件就已經知道, 如果我要係香港工作, 我係唔可以有個人意志。

第三,
我係基, 就算係膠登依個咁思想開放嘅論壇, 都仲係有一大班拒絕接受同性戀嘅人, 我真係好失望。唔好同我講咩要抗爭呀要用愛打動佢地, 我係平日生活已經見到唔少歧視同性戀嘅同學(雖然我無公開性取向), 而就算俾多100年依個地方都唔會有改善。

香港依個垃圾地方我唔走? 有無睇過孔子東家唔打打西家? 想用埋D白痴民族感情害我一生。