「如果我係秦始皇管香港，我禁咗冷氣佢！」

等政府負責任搞環保，林超英形容「死得喇」，但個人層面又可以點緩減氣候變化？記者問他如果要選 3 個個人最有效且可實踐的減碳行為，林超英劈頭就說：「如果我係秦始皇管香港，我禁咗冷氣佢！」語氣似足「環保塔利班」，但他補充禁止之前有很多前提工夫要做，例如給予時間建築物規格要有促進自然通風的設計，亦要避免太多陽光入屋。

第二則是吃在地、時令、新鮮食物，用多一點在地製造的食物與用品，「不要夏天要吃冬天菜」，同時不要浪費食物或太咀刁只吃整條菜的一部份。第三才是「買少啲」，林超英強調：「買少啲嘢唔等於洗少啲錢，鬼佬有句說話叫 “Buy less buy better” ，用同樣嘅錢買啲襟嘅嘢用好多年，好過你年年買一啲好快爛嘅嘢！」他又指，買少啲亦有多些時間陪伴至親，不用常常購物，對自己生活快樂都好。這好像是每個人都聽過的事，但很少人能夠做到。


劏房點降溫？

林超英 2009 年退任天文台台長後一直就很多社會環保議題發聲，希望香港人更多了解氣候變化和生活方式的關係。例如他曾指買樓要向南偏東，會較為冬暖夏涼，他這天再解釋，因為香港多數吹東風，但夏天吹西南風，而向南偏東則可以「食到」東風與西南風，變相經常有風吹入屋；而香港最熱與最冷的時份都吹西北風，向南偏東的樓則擋去所有西北風。這只是其中一個因素，林又指向南樓，夏天亦不會有太多陽光入到屋不會加熱，相反冬天太陽會相對較低令陽光入屋，令屋較暖。

換言之，控制陽光入屋與氣流，即可以減少使用冷氣。不過問題是，香港仍有一批人住劏房，如何不開冷氣解決室內焗促的問題呢？林超英很雀躍地介紹自己之前考察過的劏房，指已有人學懂在窗邊加上小風扇抽鮮風入屋，吹住室內另一把氣流扇，形成氣流可將更多鮮風吹入室內，減低 1–2°C，較為舒服，這些氣流扇更只是數百元就有，可取代使用冷氣，低下階層亦有能力購買，改善生活環境；就算無窗，有些業主也會在門上下開口，把氣流扇當風扇放在地上使用，便可達到通風功效，熱風亦可從門上面離開。