#眾新聞 ＃李卓人 ＃鄧燕娥

眾新聞
【牆內外的人系列】
李卓人因社運首入獄
相伴36載太太鄧燕娥：我哋無怨無悔
https://m.youtube.com/watch?v=0paHxWxNQ_U

眾新聞
92.7K subscribers
Published on Apr 30, 2021

【牆內外的人系列】每年五一勞動節，投身工運逾40年的李卓人總會上街爭取勞工權益，但因8.18及8.31兩案被判囚14個月的他，今年要缺席了。

談起李卓人，腦海浮現的是他在街頭嗌咪的畫面，在烈日、在暴雨、在燭光裡，激昂的說辭與緊握的拳頭彷彿近在眼前。與李卓人結婚已36年的鄧燕娥（娥姐）則說：「（結婚時的阿人）同依家都差唔多，好鍾意玩、好鍾意講笑，但係做嘢又好搏命，好投入，佢都冇乜變過。」但她靦腆的笑說，難忘的片段太多，都是細碎而平凡的。

憶起從前，每個早上會同阿人一起食早餐，周六、日更有阿人親自下廚。但最近這一星期，娥姐已經兩度到荔枝角收押所探望已被判監的阿人。她形容，整個家變了：「以前兩個人，好多嘢會傾，會商商量量，依家就要自己去諗、去面對，譬如好似食早餐，以前一齊食，依家自己整自己食，呢啲都係要習慣。」

李卓人投身工運40多年，2011年在司徒華逝世後接手支聯辦。去年國安法出台，社會輿論認為叫喊「結束一黨專政」的支聯會，必然是打擊對象之一。娥姐卻說，那時無跟阿人討論這些，「可能傾閒偈都有傾吓啦，但係你話好認真咁去討論都唔需要，因為佢咁多人同佢討論，我又唔係特別叻呢樣嘢。」

反而是818案、831人案令李卓人身陷囹圄。娥姐沒有很意外，「反而你話嗰47人，我覺得如果我係佢哋嘅家屬，我就會有呢個問題（覺得突然），即係你話阿布泰（林景楠），邊個諗到佢出嚟試吓選唔選到會坐監？」

「如果你話吳敏兒，咁真係好出奇。到今時今日，佢屋企人、佢自己、我哋都好難接受，因為佢雖然係職工盟嘅主席，但係佢唔係參與政治咁耐。上次初選佢出嚟爭吓，咁佢都選輸咗，嗰個選舉又唔係真嘅，佢而家仲喺度坐，又未判、又未審。相比下，吳敏兒仲慘。」

「但係李卓人唔係，佢八幾年已經開始，」娥姐續說：「如果比起佢哋，我哋真係無怨無悔。」

#眾新聞​ ＃李卓人​ ＃鄧燕娥​ #牆內外的人