https://hk.appledaily.com/entertainment/20210408/WINCZUE3CRHYJGOG7JYCQBOYOI/

陳志雲拆解黎瑞剛動機「有人要離開」


■陳志雲認為黎瑞剛是受了ViuTV刺激，知道要急起直追改革TVB。互聯網圖片

黎瑞剛狠批無綫，曾任該公司總經理的陳志雲，昨日在其YouTube節目《黃昏短評》分析，認為黎瑞剛是受到ViuTV刺激，知道要急起直追，陳志雲說：「我大致同意佢嘅觀察，不過唔同意佢舉嘅例，製作內地青年人嘅創富故事，唔見得有幾大創意。」至於黎瑞剛形容TVB「自己人娛樂自己」，陳志雲指出重點：「只能怪TVB一直故步自封，總係擺出嗰款我同你合作，即係我益咗你嘅態度。」對於黎瑞剛提出改善理念，陳志雲揶揄：「佢冇理由到𠵱家至發現呢啲問題，不過遲係遲咗啲，但比從來冇發現好，執行黎瑞剛呢啲理念嘅第一步，就係有人將會要離開呢個機構。」

相關新聞：《尋人記》遮adidas商標

陳志雲昨日接受《蘋果》訪問，他認為黎瑞剛要改革TVB，必定要由管理層着手：「最高的管理層不撤換，TVB難以展開新的一頁。」陳志雲認為ViuTV最近的成績，是誘發TVB認真看待自己的問題，所以他們應記一功：「就好像花姐就是一個好例子，她以前也是在TVB工作的，為甚麼轉了電視台，就能夠得到發揮呢？」