https://hk.appledaily.com/local/20200919/T2GMEKNC3VH7FMVECDSB257EUI/

節錄

蘋人誌：呃Like無賴 伍健偉


■自言經過深思熟慮才進行以like數扳倒何已完的伍健偉，為的是成立地區議政平台。

。。。。。。。。。不甘坐困愁城，8月尾突然使出「鬥多like」怪招，聲言一星期後若「仍低於何妖（138,542讚好者）」，將會辭職，成為一時風眼。

四面八方的批評隨之而來，社運中人留言鬧他「失智」、「情緒勒索」甚至食「人血饅頭」，有投票給他的選民自覺被玩反問「Am I a joke to you？」。在「香港網絡大典」，伍健偉的條目被標籤為「小朋友」。

面對圍插，伍健偉在訪問中未有太勞氣。他聲言，過去做人做事雖然衝動，但今次「呃like」經過深思熟慮，目的只為搵方法「轉守為攻」。但like數是否可做子彈？「鳩做」係咪真係好過唔做？

「我會同香港人講，乜都唔做就最冇用。」伍健偉說話總是自信爆棚。

記者：關冠麒

攝影：江俊豪

排首位代表地區組織「天水連線」出戰初選的伍健偉，曾在初選論壇中借用梁天琦數年前的說話解釋自己的抗爭手法：「我哋𠵱家面對緊嘅，係一個無賴政權。對付呢個政權，我願意成為其中一個無賴。」今次「鬥like」，大概亦離不開「無賴抗爭」。


在座每位都將佢踩

經過催谷，伍健偉專頁的like數一下子由不足1萬暴升至近15萬。不過道高一尺，魔高「一寸」，同期何君堯亦由13萬升至17萬。時辰已到，伍還是持續落後，不斷有網民催他找數。但他強調，預設目標由始至終都只是超越138,542，早在限期前已超額完成。


■呃like事件備受爭議，連同路人都鬧他情緒勒索，不過伍健偉認為「乜都唔做就最冇用」。

議席得保後，伍健偉終於在網上公開其真正意圖：他想借此吸引關注，推動地區議政平台組成，讓公民持續參與，醞釀抗爭出路，同時集合議會資源支援抗爭。目標遠大，但用選票來呃like，是否太衝動，做咗先識諗？

「唔同意。」他答得斬釘截鐵：「我預計過，係有可能俾人spin咗去嗰度。」他堅信此做法是引起公眾討論的最有效手法，「時間係唔夠，如果我今日好正經八百咁去講呢啲事，其實係引唔起咁巨大嘅關注，傳媒都未必會去做」。所謂無賴抗爭，正正如此：「如果因循守舊，俾所謂嘅框框束縛住自己，好大機會會減少勝算。」

公民議政平台並非新事。早在6月6日的17區區議會聯合會議，屯門區議員張可森等人已提議成立，動議獲多區區議會通過。但接下來迎接港人的，是國安法、瘋狂DQ、剝奪選舉。。。。。。。

伍健偉不甘心港人繼續「等人煮到埋嚟就食」，想轉守為攻，「你去打大佬，就算有幾高防禦屬性，但如果冇任何攻擊力，你點都唔會贏」，。。。。。


是話你蠢還是很偉大？

議席最終不用辭（或者叫「沒有辭」，隨便演繹），但他承諾交出15萬likes的「伍健偉」專頁，改名做「新界西地區議政平台」，由初選勝出者共同管理，他另築新巢。他表示，已開始跟其他議員開會討論議政平台，。。。。。


■天水連線的夥伴都願意參與街頭抗爭，對爭取民主態度毫不惜身。


■於天水圍示威時疑被海綿彈擊中，但要數男人最痛，還是被胡椒噴霧乾醃下體。

「無賴抗爭」當然不止呃like。連同伍健偉，天水連線在天水圍共有四個區議員，全是90後青年。他形容，他與夥伴都是「相對瘋狂」，。。。。。

甚至到政權以限聚令將抗爭打壓得七零八落，他們仍執意自行走上街頭。7.21一周年前夕的周日，天水連線發起遊行被警方反對，四子就手持橫額舉行「四人遊行」，結果全數被。。。。。。。

常有街坊或身邊人叫伍健偉不要衝太前：「畀人拉咗冇咗個位，畀返保皇黨，你嘥咗啲票呀！」但他早認定「議會已死」，議員身份對他並不重要，體制外的抗爭才是重點，手足和抗爭永遠優先於民生工作，「搞民生再好，但最終我哋冇香港人，光復唔到香港，做緊嘅所有嘢，都只係為敵人鋪路」。選民的意志才是真正意義所在，「當初民意授權都係期望，（議員）為抗爭出一分力」。

早在去年運動初期，林進已在連儂牆認識伍健偉。在他眼中，K（伍的花名）至今從未改變，每次抗爭都義不容辭站出來，他自愧不如，「最近好多活動都未必搞得成，我哋工作又好忙碌。我有陣時都諗，真係聚到人、搞得成先出嚟啦。但佢仍然好堅持，幾多人都好，只要有手足，佢都希望去」。

林進形容，伍健偉比較衝動，特別在衝突現場，容易情緒激動。他記得今年1月的7.21元朗集會，K一知道又新街有事發生，就第一時間衝過去單獨行事，結果很快被制服拘捕。伍健偉對此事亦非常深刻，當時他見到一被捕人士頭破。。。。。。


夢與想不丟遠 自小都會打算

除了人身安危，其實他亦為社會運動犧牲不少。K的父親很早過身，但家境尚算小康。在博愛醫院鄧佩瓊紀念中學畢業後，他曾報考理大工程學院，親人又安排他去外國升學，他卻想自立，不欲繼續留在家人庇蔭下，同時不願揹大學學債，決意17歲出來社會工作。。。。。。。。


■經營餐廳的印記，記者只找到這張食客偷拍的照片。

■伍健偉售樓套現，部份用作支持議辦工作，原來民政處一直未向他發還任何營運開支。

到二十出頭，他已夠錢和朋友合資經營餐廳，有車又有樓。到反送中運動爆發，他在連登認識天水連線的夥伴，決意參選白區出一分力。為。。。。。。

到今年，夥伴們推舉他出戰立法會初選，K又將元朗西鐵站附近的新樓出售套現，作競選經費，身邊的女朋友當然不支持，「佢覺得我（為香港）付出得太多，但佢唔係唔明我做緊啲乜」。

除了選舉，這筆「磚頭錢」也用來支持他的議辦工作。1月上任至今，元朗民政處一直未有向他發還任何營運開支，包括職員薪金和租金，民政處從未清楚解釋原因，「我警告信都冇收過。係咪政治打壓，我唔夠膽妄自評論」。。。。。。。。

最終天水連線團隊在新西初選以排名第四出線。伍健偉曾想過，原定9月6日的立法會選舉無論當日結果如何，都一定要慶祝，因同日正是他25歲生日。但林鄭一聲令下，立法會選舉就延遲一年。派對搞不成，賣樓是否白費心機？他很睇得開，「我冇後悔過，再買過囉」。

。。。。。。。。：「其實我哋一路都知道社會唔民主，唔公平，但係點解我哋二十幾年都冇試過咁大型、咁持續嘅反抗運動？就係因為我哋缺少咗情感，缺少咗情緒，凡事都好理性去討論、去做……情緒主導先促使咁多人唔理自己前途、利益、生命，走出嚟做所有崗位。」但現在的崗位是否最適合他？時間自有答案。