https://hk.appledaily.com/local/20200916/J6CUJ7DQ3FAZXP2CPO35DBWHDU/

節錄

隔牆有耳：聞「970士巴拿」警逃出區會（李八方）


■油尖旺區會交通運輸委員會噚日開會，警方代表中途離場。

。。。。。。。。。。仲話車長藏有士巴拿將佢拘捕，後來告佢一項不小心駕駛罪，民主黨三位油尖旺區議會議員曾自鳴、李偉峰、朱子洛噚日喺區會交通及運輸事務委員會就呢件事提出緊急討論，但與會差人一聽見「970士巴拿」即色變，急急腳話有事要拉隊走人。


寸嘴話「大家把尺唔同」

唔知警方係咪收到風委員會會議傾970士巴拿問題，定真係貴人事忙呢？佢哋連交委會議程都未傾完，就話有公事要走先，社區前進胡穗珊隨即提出質疑：「警方唔係應該預留咗時間畀交委會嘅咩？」佢又質疑警方係咪咁缺人，有咩公事要早走？警務處代表甄翰揚話，佢只係依照上司嘅指示離開，仲好不屑咁話：「可能大家把尺唔同。」

差人就成日話有好多人抹黑佢哋，𠵱家區議會畀你解釋，又話唔得閒要走人，正如藍絲都話齋，冇犯法怕咩嘢，究竟班警察怕乜呢？

李八方