https://www.facebook.com/takki.ma/posts/10158271380716355

尋晚開始全個Facebook 都係洗版式既開香檳慶祝post
但就好似完全無人/無page講 「港康碼」
港康碼即係我之前提過既健康碼
正如我之前所講既一樣，政府會係兩個星期後落實
為係香港市民做DNA檢疫（非強制）
之後會為已做檢疫既市民發出一個二維碼以分別健康情況
————————————————————————
首先，抽DNA同宜家防疫係完全零關係，零幫助，零作用，只為偷取大家既DNA

第二，兩星期後，愛國愛黨同一大班藍絲就會去做檢疫，好可能有一班黃絲/中立人士都會不知情咁做左，當已檢疫人士達到一定數目，政府就會對持有健康碼既人士放寬防疫守則，健康碼顯示健康既人士可以自由進出食肆、唔洗限聚等等等等。

第三，當大家宜家已經習慣去唔同地方都要比人用槍嘟頭既時候，遲下就唔係嘟頭而係出示健康碼，慢慢會有更多人唔係迫唔洗強制既情況下都會去做DNA檢疫，為既都係方便同埋覺得佢拎你DNA無乜大不了

第四，當健康碼普遍實行之後，政府會推出更加相應措施同設備去限制及監管大家，例如係交通工具，食肆，商場，公共設施，隧道或出入境 加裝健康碼掃描器，到時佢依然唔會強制逼你做檢疫，因為只要你無健康碼，就同禁足無分別，而且你去邊都要掃健康碼，佢間接對大家既行蹤一清二楚

第五，宜家政府做任何野，相信大家都唔會相信，咁健康碼到底要點先證明你係健康呢？ 大概就係分 著綠燈就健康，紅燈就唔健康 咁上下喇，即係大家健唔健康（有無得出門）都掌握係政府手，咁大家覺得佢會唔會用呢個方法間接管控大家，執行一切政治任務？例如社會肅清，監控輿論。只要大家講咩光復香港，五大訴求，香港獨立之類既說話，你或者你既屋企人既健康碼就有可能無端端由綠色變紅色，久而久之，大家就會知道講咩會變紅色，被禁足禁自由，慢慢社會上就再唔會有反政府聲音出現！
可能你覺得我好on9，諗到咁極端，sorry，事實就係咁，呢一套社會信用系統，健康碼，已經係中國大陸實行緊，而我上面講既，亦都係活生生既例子。