後記
人無事，感謝大家關心、祝福。
最想講嘅說話係
”Keep calm and carry on.”

可能係中共，亦可能係我天生命格黑仔。無論如何，我同個團隊都會盡力生存落去。

嗰晚急症室用咗幾個鐘先止到血。不過急救嗰陣，我覺得自己已經比無數前線手足幸運。佢地俾人打暈、打死嗰陣，連急救機會都無。


另外，有人擔心係唔係有鬼。
簡短答案：「無，一定無。」一直有overloaded teammate 問可唔可以公開收人，安全起見，我一直都斷言拒絕。

學一位本土派KOL話齋，「亂收人的組織沒有未來」。大家唔洗擔心，攬炒團隊各成員都會繼續默默打落去。


至於5毛、PR公司，我毫不意外佢地將攬炒團隊嘅唔同行動抹煞。國際遊說、遊行集會、登報、投稿、構築攬炒論述、安排外國政要訪港等等，諗到嘅我地都有去做。

而可以公開嘅行動，我都有放喺連登或者攬炒channel，盡綿力維持士氣。

本土、國際風高浪急。獨力難支情況下，我無時間精力去整合團隊過去嘅努力應付五毛、PR 公司。希望會有文宣手足幫手整合對抗，感激不盡。


寧化飛灰 不作浮塵
If we burn, you burn with us.