https://www.facebook.com/BRAVEHONGKONG/photos/a.107112037308406/283380236348251/?type=3&theater

世上無從天而降嘅英雄，亦無人可以化身玉皇大帝打救蒼生，既然2014年香港人選擇咗民主、自由以及尊嚴，極權重演戒嚴就係必然發展。
喺惡法籠罩全境嘅時候，我地更加唔能夠放棄思考。
　

1.#精進自己
讀書、賺錢、組織、強身健體。街頭抗爭或者有專才，但強大嘅社會就需要各種專業。每個香港人都需要搵到自己適合嘅崗位，喺嗰個位置上貢獻香港。

2.#要有長期抵抗嘅韌力
新冷戰格局已經成勢，中共為保政權必然加壓，香港嘅黑暗將會以年為單位延續，呢段自由之路肯定係艱苦而漫長。
但中共帝國嘅崩潰係歷史嘅既定走向，勝利同榮光都會歸於堅守自由嘅一方。

3.#儘量如常生活保持心理健康
既然講緊長期抵抗，就唔係屌那媽頂硬上就過到。要記得儘可能保持工作、休息、社交嘅正常生活，以免自己被空前嘅壓力壓垮。

4.#互信就係最大本錢
經歷呢一年，香港人嘅共同體意識已經衝破極權愚民嘅籠牢，呢一點係崇尚狼性、互相猜忌嘅中國人永遠都缺乏嘅優勢。
當有昔日嘅同路人因為白色恐怖噤聲嘅時候，唔好急著第一時攻擊佢忘記初衷。
當你他日為一時嘅黑暗沮喪嗰陣，要記得仍然有一整個香港嘅人同你一齊努力緊。
　

光復香港係為咗香港、家人、愛人、朋友、下一代人，仲有你自己。所以千百句叫你堅持到底嘅金句，都不如一句：唔好死。
生存先可以見證光復，人無事先可以煲底相見。