HKGalden時事臺
發表文章發起投票回覆
香港資產貶值 - 左丁山
全文
https://hk.lifestyle.appledaily.com/lifestyle/columnist/%E5%B7%A6%E4%B8%81%E5%B1%B1/daily/article/20200526/20924527/

香港資產貶值 - 左丁山



「洗頭艇合法化」之後,香港作為內地富豪避風塘,已失去功效,內地富豪如要搵停車場泊車,睇嚟都係要去新加坡,係冇嚟香港咁方便㗎嘞,但香港有咗國安法之後,中國公安可正式執法拉人,變相香港有咗送中條例,啲內地富豪唔驚就假,既有此顧忌,香港豪宅價格可能已經見頂,以後幾難有內地隱形富豪大手掃山頂豪宅之事。或曰:唔會啩,國安法只涉及分裂,顛覆,恐怖活動及外部勢力干預四類行為,不管經濟罪行噃,騎騎,欲加之罪何患無詞,在外地結交美國朋友,做美國生意,幾容易變成外部勢力干預呀!

豪宅滯銷,香港中產人士移民潮再起,亦不稀奇,千零呎面積之「假豪宅」售價預料會降低,因為有人賣樓移民去也,但唔會急跌,因C19肺炎持續,想走並非咁容易,有心要走,亦要有耐性等等等。中產唯一可以即做嘅,就係開定海外戶口,將部份儲蓄變為美元,移去海外戶口先,然後坐定定看事態發展,見財金界高層(如議員、大亨)唱好,唔好信喎,呢班大人物幾乎百分百係外國公民,仔女財產早已移往外國,。。。。。。。。。。

北京趁住世界疫情嚴重,歐美自顧不暇,落後國家莫財,伸手向中國度水之際,乘機大石砸死蟹,推出香港國安法,係看準時機嘅,英國已經冇力冇錢,北京不放在眼內,美國特朗普受疫情拖垮經濟政策,選情告急(按:經濟數據模型預測社會在現時經濟情況下,特朗普會大敗),關心連任多過關心外交,最多講幾句聲大夾惡嘅說話,當佢放空炮。但假如特朗普真係動真格反撲,要制裁中國或香港某些官員或公司,香港經濟亦死,故此目前樓市、股市、匯市皆不利,小市民有失業減薪之虞,但本地大富豪(多是建制派,受中聯辦監控,不敢輕舉妄動)更杰,身家多資產損失更大。星期五股市大跌,地產股大跌,午飯後行路幾千步,經過中環中心,想起李嘉誠以402億港元賣走,真係神來之筆,確係超人,眼光獨到。。。。。。。。。。。。

左丁山
電郵 :[email protected]
Good0Bad0
2020/05/26, 8:32:58 晚上
引用快速引用
本貼文共有 0 個回覆
發表文章發起投票回覆
請先登入以發表回覆