HKGalden時事臺
發表文章發起投票回覆
BNO 與烏干達
根據 Daily Express 放嘅風,英國政府打算提供一個「烏干達式」方案,解決 BNO 問題,當然好多香港人,以為好似當年嘅做法。但我哋呢啲經歷過BN(HK)A 1997嘅人,就知英國政府其實打算一個慷慨平權,達致Re-insurance policy,或者有秩序撤退嘅結果。

BNO 與烏干達問題
呢一切,要講番當年險過剃頭嘅BN(HK)A 1997,呢個不單係BNA 1981 Section 4B嘅先祖嚟,其實佢亦係烏干達問題嘅回應。中國政府好清楚,印度、巴基斯坦、尼泊爾,《中華人民共和國和印度尼西亞共和國關於雙重國籍問題的條約》下父母雙方都選擇咗印尼國籍嘅華人後代,同父母俱為華裔越南人呢五款人(仲有極少數入籍英國屬土公民嘅日裔人士),肯定唔會成為中國公民,因為中國唔認呢堆人有中國血統,但如果有乜冬瓜豆腐,1997年後任何一日,都被可以被中國趕出香港,如果佢哋無英國公民身份,一如烏干達印裔人士嘅處境,所以大家諗起當年烏干達嘅情況都一額汗,英國喺1997年2月幫呢批人平權。

依家英國用烏干達嚟形容,除咗因為內政大臣正係1972年倉皇逃到英國嘅烏干達亞裔CUKC嘅後人(印度唔肯收呢班友),仲有一點好重要,就係好可能真實嘅版本係,英國內部有人判斷,習近平嘅CLS程度同當年烏干達狂人阿敏係同一個級別,狂人阿敏又係無點讀過書,所以條友可以自卑搞到自大,Short到一個完全CLS嘅級別。換言之,英國平權嘅原因係,如果習近平係CLS,無論出兵又好,接收難民都好,都應該直接換Passport,或直接俾RoA節省時間,因為你無可能期待一班癲佬會講道理兼回復正常,就算英國情報部門未必作出正確判斷,我相信美國同德國情報部門俾嘅料,都應該十分之令人一額汗。喺武漢肺炎呢個問題,德國BND應該有好堅嘅情報,而習近平嘅精神狀態,英、美、德都應該係有情報資料。

依家習近平硬推國家安全法,更加證明好大機會習近平真係一件CLS嚟,所以我用中華青山共和國首席病人,去形容當年習近平嘅狀態就係咁解,有可能係搵藉口出兵救番香港,先係最理性嘅做法。甚至中東難民危機好,歐洲國家好多都諗有可能出兵KO咗啲黐線政權,至係防止難民問題真正有效方案。有秩序嘅撤離,然後喺適當時候同呢啲人渣政權決戰,可能至係防止難民問題搞到天下大亂比較好嘅方案。

所以 Daily Express 放嘅消息,其實可能反映係,依家情況十分之CLS,對住一個CLS敵人,去與留都係必須作出極為明智嘅安排,因為呢個絕對係生與死嘅問題。




https://martinoei.com/article/30842/bno-%e8%88%87%e7%83%8f%e5%b9%b2%e9%81%94/amp?fbclid=IwAR3vfAGbfDbh2rSj7JJ4MSJk3XOerZrXCgwo5NRQSgplDnLC4CsVO5JBYsM
Good1Bad0
2020/05/25, 2:07:09 下午
引用快速引用
本貼文共有 0 個回覆
發表文章發起投票回覆
請先登入以發表回覆