發表文章 | 發起投票 | 回覆 |
Long time no see嘅BBC全國新聞報導香港
https://www.facebook.com/goodbyehkhellouk/videos/655462708338438/
要明白英國廣播條例有幾嚴,報導國際政治新聞係要講晒兩邊,唔可以有評論,所以大家從來唔會見到英國任何一個電視媒體會好似美國嗰啲咁,一路報導一路評論。《BBC》就係例子,教出黎嘅《RTHK》都係一樣,今日報導香港國安法單嘢都唔例外。咁點表達立場呢?
「有評論咁講」(Critics said)「受訪者話」(When asked XXX)「邊個邊個講」(YYY told us)「佢就咁諗」(but they think otherwise...)咁樣曲線引導抽擊。咁有時激起上黎都會暴走嘅,上年報導香港理大同中大嗰時《BBC》同《Sky News》都試過(結果比某啲人投訴)。
講返今日個報導,留意下主播點形容國安法,先係引述美帝Pompeo覺得自由已死,然後話好多國際評論覺得會有無限權力,令大量人被因為唔同原因拘捕,然後先正式進入正題報導,咁觀眾咪就比呢佢地「誤導」晒囉!幾陰濕呀!
然後個駐上海記者嘅評論仲衰,話中國裡面「偉大嘅城市」(great cities)一啲都唔缺,但係咩令香港咁特別,同其他嗰啲唔同呢?理由並唔係有唔同嘅法律,唔同嘅貨幣,唔同嘅制度,唔同嘅警察(喂!)咁簡單。最大嘅原因係自治呀!即係日常自治管治權(rule itself day to day)先係最重要!有啲香港人話(嗱,又係「佢講唔係我講」呢招),無咗自治就等如香港玩完,但係北京就唔係咁諗囉。
之後又幫觀眾回帶睇返上年發生乜事,報導話北京就係覺得有自治就搞到啲「暴徒」出黎搞事,而BBC記者就話「暴徒」出黎嘅原因正正係因為覺得香港嘅自治特殊地位(special status)被侵蝕。
嗱,表面上同實際上,整個報導係好中肯咁將兩邊嘅觀點都講晒㗎(呢個就係廣播監管機構Ofcom嘅要求),但係觀眾會有咩感想呢?
#咪當觀眾儍
要明白英國廣播條例有幾嚴,報導國際政治新聞係要講晒兩邊,唔可以有評論,所以大家從來唔會見到英國任何一個電視媒體會好似美國嗰啲咁,一路報導一路評論。《BBC》就係例子,教出黎嘅《RTHK》都係一樣,今日報導香港國安法單嘢都唔例外。咁點表達立場呢?
「有評論咁講」(Critics said)「受訪者話」(When asked XXX)「邊個邊個講」(YYY told us)「佢就咁諗」(but they think otherwise...)咁樣曲線引導抽擊。咁有時激起上黎都會暴走嘅,上年報導香港理大同中大嗰時《BBC》同《Sky News》都試過(結果比某啲人投訴)。
講返今日個報導,留意下主播點形容國安法,先係引述美帝Pompeo覺得自由已死,然後話好多國際評論覺得會有無限權力,令大量人被因為唔同原因拘捕,然後先正式進入正題報導,咁觀眾咪就比呢佢地「誤導」晒囉!幾陰濕呀!
然後個駐上海記者嘅評論仲衰,話中國裡面「偉大嘅城市」(great cities)一啲都唔缺,但係咩令香港咁特別,同其他嗰啲唔同呢?理由並唔係有唔同嘅法律,唔同嘅貨幣,唔同嘅制度,唔同嘅警察(喂!)咁簡單。最大嘅原因係自治呀!即係日常自治管治權(rule itself day to day)先係最重要!有啲香港人話(嗱,又係「佢講唔係我講」呢招),無咗自治就等如香港玩完,但係北京就唔係咁諗囉。
之後又幫觀眾回帶睇返上年發生乜事,報導話北京就係覺得有自治就搞到啲「暴徒」出黎搞事,而BBC記者就話「暴徒」出黎嘅原因正正係因為覺得香港嘅自治特殊地位(special status)被侵蝕。
嗱,表面上同實際上,整個報導係好中肯咁將兩邊嘅觀點都講晒㗎(呢個就係廣播監管機構Ofcom嘅要求),但係觀眾會有咩感想呢?
#咪當觀眾儍
本貼文共有 0 個回覆
發表文章 | 發起投票 | 回覆 |