https://hk.news.appledaily.com/local/20200407/PZYCPZSIRLACCILLLBSZSN62WU/

劉怡翔寸嘴拒答CSI口罩去向


劉怡翔昨拒絕交代CSi口罩分發問題。朱永倫攝

【本報訊】立法會特別財務委員會會議上，財經事務及庫務局局長劉怡翔被議員追問政府CSI口罩的分發情況，劉以為免影響政府採購時的議價能力為由拒絕交代。

公民黨郭家麒斥劉怡翔「離晒譜」，指申訴專員亦質疑政府規管CSI口罩的分發有問題，其間劉怡翔「寸嘴」回應：「唔知議員想要soundbite，定想我答問題呢？」

民主派朱凱廸發言時主動反擊劉怡翔：「我先畀個soundbite局長先，我認為你唔答採購口罩分配咗邊個部門，唔係擔心損害政府議價能力，而係唔想警務處尷尬，呢個係我畀你嘅soundbite」；劉怡翔回應指朱猜測政府隱瞞部門資料，「呢個係完全無基礎」。

早前有報道曾指在CSI口罩供應緊張，清潔及醫護人員獲派口罩不足之時，警隊卻獲發大量口罩，不少CSI口罩更流出市民高價發售；申訴署早前已表明會追查CSI口罩外流問題。


鄺俊宇質疑政府「做緊水魚」

民主黨鄺俊宇則指出，據立法會行管會提供資料，行管會正以每個4.6元價錢以公帑購入口罩，查詢政府以有關價錢購入口罩是否合理，並質疑：「你係攞緊公帑，唔係你自己攞錢出嚟買口罩畀香港人呀，你幾時先披露林鄭買緊幾多錢口罩？令大家可以評估政府係咪做緊水魚？」劉怡翔聞言即說政府會在疫情過後披露相關資料，結果遭鄺批評「疫情過後，蚊都瞓！」其後又指坊間不乏貴過250元一盒的50個裝口罩，「我唔覺得我哋做咗愚蠢決定」。

■記者林俊謙