https://hk.news.appledaily.com/local/20200331/UAARIBVJF5NOPSRTEYUJIRBGT4/

隔牆有耳：《建國》溝《榮光》向大陸輸出革命 - 李八方


MV中出現唔少歷史抗爭畫面，都係嚟自多套電影。

今日係31號，唔經唔覺已經係8.31事件七個月紀念，當日仲有一件同抗爭運動有關嘅事發生，就係《願榮光歸香港》正式出版，上傳去網絡度鼓勵香港人，自此每當序曲響起，大家都會自覺肅立高唱。

抗爭運動令香港成為對抗中國極權嘅第一戰線，所以不斷有手足同時輸出革命，有抗爭者成立「文宣中國」群組，前日仲發佈咗條新MV，歌名《夢醒時刻》，係改編自《願榮光歸香港》兼重新製作嘅短片。

MV中嘅畫面嚟自多套「愛國」電影，好似《建國大業》、《建軍大業》、《讓子彈飛》同《頤和園》等片段，但揀嘅都係中國歷史上唔同時期爭取民主場面，包括上海工人運動、五四運動、八九學運，最後仲用武昌起義升起十八星旗做結尾，宣告新政府成立，背後意思係乜，不言而喻啦！即去YouTube睇片，搜尋《夢醒時刻》。