https://hk.news.appledaily.com/local/20200224/XLDCPPKDWYICAPAN2AVZUIPGJQ/

照顧年輕手足 最緊要讀書
香港自由之書：我哋都想唔做

【抗爭不息】

【本報訊】街頭抗爭因疫症稍息，但有人仍在看不見的角落延續支援。自由身程式編寫員Peter及Matthew，去年6月底開始接觸因政見而與家人決裂的年輕人，無論是住宿、校服抑或學費，當見到有需要就會盡力協助，甚至曾向「藍絲」家長買下子女個人資料到警署保釋。每月靠有心人捐款及自掏腰包維持支援工作，二人坦言資源緊絀冀早日「執笠」，可是決定權卻不在自己手中，「睇政府幾時可以唔使再撕裂社會，我哋都想快啲唔做。」

記者：佘錦洪


Peter（左）及Matthew大半年前組成「香港自由之書」，一直協助因抗爭而遇到各種困難的年輕人。

「7、8月開始係最高峯，平均嗰陣時一日都起碼兩單求助。」自反送中運動開始後一直提供人道支援的「香港自由之書」成員Matthew表示，不少有上街參與抗爭的新一代，因政見問題與父母掀起激烈爭端，而年紀比較小的抗爭者普遍會遭受停發零用錢的處罰，經轉介後由他們提供包括食肆現金券及裝備等援助，「其實嗰陣時佢哋都好抗拒（我們）呢啲機構，但我解釋，如果你冇裝備出去受傷畀人拉咗，咁到時我哋要幫你更加困難。」

Matthew又指出，部份極端父母甚至任由子女在外自生自滅，其中一個印象最深刻的個案就是身無分文被趕出門，「着住T-Shirt 短褲就趕咗佢出嚟」，需要聯絡「家長」提供臨時住宿，直到開學仍然未能回家取回任何個人物品，「我哋要買埋校服畀佢、買埋書畀佢去返學。」但受助人未成年，他承認如學校需要家訪、父母報警時或存在問題，但稱總不能任由年輕人流落街頭。

即使已成年，忽然間要獨立生活亦是一大挑戰。另一成員Peter表示，有大專學生與家人鬧翻後被迫搬離家，既要繼續上課，又要做幾份兼職應付租金及生活費，同時亦無放棄抗爭，「裝備又要換，衫又要換又要掉嘅時候，真係好緊絀」，有時捱到糧尾，雖不情願亦會放下尊嚴找他們索取餐券，「起碼幫佢哋過咗呢關。」

雖然他們以實物援助為主，但Matthew亦稱自己曾替大專抗爭者代繳學費，「佢哋會話慢慢還返畀我哋」，坦言就算最終無還款亦不會介意，「我又覺得點都唔好冇書讀先。冇書讀嗰班人（警察）喺晒條街度打人已經。」

盼政府停止撕裂社會

相關新聞：父母鎖經濟 大專生離家自立學會忍

[orange]除生活上的支援，他們亦會協助醫療個案，如有人在保衞大學之戰中受傷感染導致耳朵失聰要買助聽器，又或者被警察按在地上毆打撞崩門牙要補牙，瑣碎但又價值不菲，幸好最後都聯絡到同路人牙醫等專業人士，願意收取成本價。[/orange]現時「香港自由之書」每月都會擺設街站募捐，有需要時Peter及Matthew亦會將部份收入投入，「資源比較少係真嘅，有啲大型case我哋都處理唔到嘅，好似要律師啊甚至係上庭，我哋會轉介去612（人道支援基金）。」因應近日武漢肺炎襲港，他們雖已減少設立街站，但依然收到「手足」捐贈、因抗爭而囤積的防毒面罩用濾嘴，已全數轉贈醫護及有需要人士。

有些問題比金錢更難解決。他們不久前收到一宗因參與公眾活動被捕的未成年人求助個案，新移民「藍絲」父親拒絕到警署保釋，更聲言「你鍾意你自己諗方法，我冇嗌佢出去做暴徒啊」。[orange]最終「藍絲」父親要求Matthew付錢才肯交出兒子身份證等個人資料，讓他們出面協助保釋[/orange]。類似情況絕非冰山一角，「定期我哋都會嘗試吓聯絡啲屋企人，我打去又好，或者佢（事主）打返去又好，冇理由因為政見去放棄你親生骨肉」，無奈多月來只有一宗能成功安排回家。

回顧成立之初，他們只想為運動寫App及撰寫一本書作記錄，亦是「自由之書」的名字由來。但隨着越來越多人找他們捐出飯券、裝備等物資，以及「想幫咗佢哋先」的心態，後勤支援工作已是欲罷不能，何時退下火線亦非他們可以決定，「睇政府幾時可以唔使再撕裂社會，我哋都想快啲唔做。」