https://hk.entertainment.appledaily.com/entertainment/20200220/Y2NGT36L7F6LQXTEM6IL4LJSNA/

張智霖出席無罩宴 一家被洗版圍剿
袁詠儀求放過囝囝

網上近日瘋傳警務處處長鄧炳強及一班警察與晨曦明星足球隊的無罩宴影片，張智霖（Chilam）與退休警司朱經緯的合照日前也流出。Chilam的社交網被洗版圍剿，老婆袁詠儀（靚靚）及囝囝魔童的Ig也不能倖免，護子心切的靚靚眼見囝囝Ig被洗版，留言叫大家高抬貴手︰「小朋友沒有做任何錯的事，可否不要這樣對小朋友嗎？」

相關新聞：陳志雲嘲鄧炳強冇腦

張智霖與成龍、曾志偉、譚詠麟（阿倫）、沈嘉偉及歐陽震華等，日前參加警察與晨曦明星足球隊的飯局，武漢肺炎肆虐下，成龍、曾志偉和阿倫依然不戴口罩與鄧炳強搭膊頭唱《朋友》，事件引來極大迴響。Chilam與朱經緯的合照流出後，網民紛紛湧到Chilam的社交網留言，怒斥：「支持暴警，即係支持警暴，你哋繼續搵人仔啦！」又有網民列出Chilam代言的品牌，呼籲網民抵制，更指：「香港唔需要你地啲偽人！」


Chilam被網民洗版斥參加警察飯局是撐警暴，老婆靚靚及囝囝魔童的Ig也受牽連。互聯網圖片


Chilam與朱經緯合照流出，引來網民極大迴響，紛紛揚言抵制其代言品牌。資料圖片


有粉絲砸爛Chilam的親筆簽名CD，與偶像割席。互聯網圖片


Chilam與靚靚近年不時到內地搵人仔，去年就拍過真人騷《妻子的浪漫旅行》。微博圖片


打爛CD割席

阿倫去年6月參加撐警集會後，有粉絲打爛珍藏唱片洩憤，Chilam也步阿倫後塵，有粉絲怒砸親筆簽名CD，貼相留言：「如珠如寶咁收藏咗咁多年嘅親筆簽名CD，咁多年都唔捨得拎出嚟聽！張智霖，你咁即係覺得721冇問題！亂打途人都係冇問題啦！」又有人在他早前貼出與靚靚的合照下留言︰「初哥哥，失望，香港人。」

Chilam兒子魔童的Ig也成為攻擊目標，有人留言︰「有冇興趣同老豆老母冚家搬上內地住？」也有人以英語留言問魔童：「為甚麼Chilam覺得內地好，還要送你去國際學校讀書？」靚靚眼見兒子成為箭靶，忍不住出頭，大前日在魔童Ig留言︰「小朋友沒有做錯任何事，可否不要這樣對小朋友嗎？謝謝，唔該。」

靚靚的Ig也遭受同一命運，她前日貼出觀音銅像，並加上一個微笑公仔同樣被網民痛罵：「微笑同post佛像係唔會好似你所講咁令個世界更美好，因為仲有人同極權為伍。你仲笑得出，係因為你對其他人嘅苦難視而不見。」不過也有不少內地網民翻牆加入戰圈，留言祝福靚靚一家人。


魔童Ig被網民洗版，護子心切的靚靚留言求放過小朋友。


靚靚出身自警察世家，父親與胞兄也曾經當差。資料圖片


兩面不討好

牆外的fb及Ig被網民洗版，但Chilam與靚靚的微博依然一切歌舞昇平，依然貼合照晒恩愛。不過由於兩人一直沒有就武漢肺炎發聲或捐款，有內地網友在靚靚微博留言：「中國發生這麼大的事，你們這幾年在內地撈金不少吧，也該有點良心吧？不僅不捐款，更是連聲都不發一下，竟然還在這裏秀恩愛，涼了我們的心！」

自去年的反送中運動以來，Chilam一家也保持低調，沒有就政治表態，不過袁詠儀其實出身自警察世家，兒時住在堅尼地城的警察宿舍，爸爸、哥哥、姑媽、姑丈及表哥等都是警察或曾經當差。靚靚過去曾在專訪透露，以前想過做陀槍師姐，但最後遭母親指她性格不合而反對。

撰文︰祖李